Iġib fix-xejn il-proposta tal-PN dwar il-Kummissarju – One News

Notifiki

Iġib fix-xejn il-proposta tal-PN dwar il-Kummissarju

Il-Kriminologu Saviour Formosa ma jaqbel xejn ma’ waħda mill-ftit proposti li għamel il-Partit Nazzjonalista. 

Dik li l-Kummissarju tal-Pulizija jkun maħtur b’żewġ terzi tal-Parlament. 

Formosa, Professur tal-Università ta’ Malta, oġġezzjona għal dan f’intervista mat-Times of Malta li matulha tkellem dwar il-bidliet meħtieġa fil-Korp tal-Pulizija. Dan anke wara stħarriġ li sar fost il-membri tal-istess korp.  

Għal Formosa l-proposta ta’ Kummissarju maħtur mill-Parlament b’żewġ terzi tkun is-sors għal sensiela ta’ problemi. 

Saviour Formosa
Prof. Saviour Formosa

“X’jiġri jekk ikollok sitwazzjoni fejn jirriżulta li l-Kummissarju naqas u l-Oppożizzjoni tivvota kontra t-tneħħija tiegħu? Iktar minn hekk l-istess mudell ikollu jkun applikat għall-Forzi Armati wkoll,” qal il-Professur li b’kuntrast tkellem b’mod pożittiv dwar il-proposta tal-amministrazzjoni preżenti li jinħataw Kap Eżekuttiv għall-Korp tal-Pulizija. 

Għal dan il-post applikaw dsatax –il persuna u bħalissa għaddej il-proċess li għandu jwassal għall-għażla. 

Proċess li fi kliem Formosa għandu jkun segwit b’oħrajn. Partikolarment dak li jneħħi d-dmirijiet amministrattivi minn fuq spallejn il-korp tal-pulizija. Fosthom dawk ta’ riżorsi umani u tmexxija ta’ proġetti. Dan bil-għan li jkun hemm iktar pulizija fl-għases, fit-toroq u fost in-nies minflok imsakkra f’uffiċċju.  

Ta’ QabelLi Jmiss
F’dan il-blog Aleander Balzan se jkun qiegħed jikteb ħsibijietu dwar temi differenti li jkunu għaddejjin f’pajjiżna; mill-politika għal temi soċjali u oħrajn kontroversjali. Min jaf lil Aleander jaf li huwa dritt għal punt u dak li għandek tistenna f'dan l-ispazju. Huwa gradwa fl-Istudji Ewropej, il-Komunikazzjoni u l-Politika mill-Università ta’ Malta

Leave a Reply

Your email address will not be published. Required fields are marked *

Send this to a friend