Qbil dwar il-bidla fil-ħatra tal-ġudikanti – One News

Qbil dwar il-bidla fil-ħatra tal-ġudikanti

Il-Parlament approva bidliet fil-mod kif ikunu maħtura l-ġudikanti. L-emendi jipprovdu wkoll għad-dixxiplina tal-ġudikanti. Il-bidla li se tkun qed tidħol fis-seħħ wara snin ta’ diskors u wara li l-gvern ippreżenta din ir-riforma li se tara t-twaqqif ta’ Kummissjoni li tiskrutinizza dawk ikkunsidrati għall-ħatra ta’ ġudikant.

Din il-liġi kienet deskritta bħala waħda storika mill-Ministru tal-Ġustizzja, Owen Bonnici. Il-Kummissjoni se jkollha jpoġġu fuqha lill-Ombudsman, l-Awditur Ġenerali u l-Prim Imħallef. Hemm ukoll is-sehem tal-President tal-Kamra tal-Avukati.

L-avukati li se japplikaw biex isiru ġudikanti jibqgħu sigrieti sakemm il-gvern ma jaħtaromx fil-ġudikatura.

“Se nkunu nistgħu nagħtu lill-pajjiż din ir-riforma kostituzzjonali li tant konna ilna nistennew,” qal il-Ministru Bonnici.

Meta kien qed jagħlaq id-diskussjoni, il-Ministru Bonnici qal li lill-pajjiż se jagħtuh riforma kostituzzjonali kruċjali u importanti li ilna s-snin nistennew li ssir.

Huwa talab lill-pubbliku biex ma jissottovalutax is-saħħa u l-qawwa tal-emendi li qed isiru. Ix-xogħol jolqot it-tessut tas-soċjetà, il-pedeamenti ta’ dak li jagħmilna demokratiċi, ta’ dak li jagħmilna Maltin u Għawdxin u Ewropej.

Ikkummenta wkoll il-Prim Ministru li fisser din il-bidla bħala waħda importanti.

tweet

Ta’ QabelLi Jmiss
F’dan il-blog Aleander Balzan se jkun qiegħed jikteb ħsibijietu dwar temi differenti li jkunu għaddejjin f’pajjiżna; mill-politika għal temi soċjali u oħrajn kontroversjali. Min jaf lil Aleander jaf li huwa dritt għal punt u dak li għandek tistenna f'dan l-ispazju. Huwa gradwa fl-Istudji Ewropej, il-Komunikazzjoni u l-Politika mill-Università ta’ Malta

Leave a Reply

Your email address will not be published. Required fields are marked *

Send this to a friend