Il-President tal-Kunsill Ewropew tal-Unjoni Ewropea Donald Tusk qal li għadu possibli li jintlaħaq kompromess mar-Renju Unit dwar BREXIT.
ARA: David Casa jimpjega familjari bħala assistenti tiegħu
Il-membru parlamentari ewropew nazzjonalista David Casa kiser regoli ewropej, meta daħħal lil zijuh u lir-raġel ta’ oħtu jaħdmu bħala assistenti lokali tiegħu.
Fi tliet snin Malta bl-ogħla rata ta’ viżi rrifjutati fl-UE
In-numru ta’ viżi li nħarġu f’pajjiżna fl-elfejn u tlettax kienu ftit aktar minn sitta u tletin elf u ħames mija u mhux tmienja u tmenin kif allegat. Differenza ta’ iktar minn ħamsin elf.
Qalet dan is-Segretarju Parlamentari Julia Farrugia Portelli f’kitba fuq it-Times of Malta li spjegat kif issa drajna b’allegazzjonijiet iċċirkolati bl-għan li jħammġu r-reputazzjoni ta’ Malta fuq livell Ewropew u dinji.
Is-Segretarju Parlamentari Farrugia Portelli tispjega li lanqas jekk tmur lura għall-elfejn u ħdax – meta l-Libja kienet fl-eqqel tal-kriżi tagħha, u tgħodd il-viżi li nħarġu sal-lum, f’seba’ snin u nofs dawn jammontaw għal disgħa u sittin elf – b’terz minnhom taħt amministrazzjoni Nazzjonalista.Aqra aktar
Regolamenti ġodda mmirati biex jiżguraw sigurtà xierqa fiż-Żona Schengen
L-iskambju tal-informazzjoni bejn Stati Membri huwa element bażiku sabiex tiġi żgurata s-sigurtà taċ-ċittadini tagħna madwar l-Unjoni Ewropea, qalet il-MPE Laburista Miriam Dalli.
Imniedi l-proġett ta’ arja nadifa fil-gżejjer tal-UE
Il-Kummissjoni Ewropea nediet il-proġett ‘Insaħħu l-kooperazzjoni u nieħdu azzjoni fil-qasam tal-klima fil-gżejjer tal-UE’ biex tassisti l-gżejjer tal-UE joħolqu sorsi ta’ enerġija nadifa u favur l-ambjent. Il-proġett kien propost minn Alfred Sant, MEP u ex-Prim Ministru u MEP Kroat Tonino Picula, ex-Ministru tal-Affarijiet Barranin tal-Kroazja. Sant u Picula fl-aħħar xhur ħadmu fuq l-implimentazzjoni tal-proġett għal arja nadifa fil-gżejjer tal-UE. Il-Kummissjoni Ewropea iffinanzjat €10 miljuni biex issaħħaħ il-proġett wara li kienet diġa` approvat €2 miljuni oħra għall-istess proġett.
L-Ewropej qed isibuha diffiċli jiddjalogaw dwar perspettivi futuri mal-Amerikani – Alfred Sant
Il-Kap tad-Delegazzjoni Maltija Laburista tal-Parlament Ewropew Dr Alfred Sant qal lil grupp studenti mill-Kulleġġ tal-Ewropa fi Bruges li minħabba l-imprevedibbilita`, perċepita jew reali, tal-politika tal-President Donald Trump, l-Ewropej – inkluż dawk fil-Parlament Ewropew – qed isibuha aktar diffiċli biex ikollhom djalogu ma’ rappreżentanti tal-Istati Uniti li jistgħu jitkellmu b’mod awtoritevoli dwar perspettivi futuri tal-Istati Uniti.
Malta tilħaq diġà l-miri tal-2020 fil-qasam tal-impjiegi
Malta irnexxiela tilħaq il-miri tal-istrateġija Ewropa 2020 fil-qasam tax-xogħol. Dan hekk kif Malta għanda rata t’impjiegi li taqbeż il-ħamsa u sebgħin fil-mija. Dan joħrog minn stqarrija tal-Eurostat bbażata fuq statistika ppruvduta mill-European Labour Force Survey li kienet ippublikata l-Ġimgħa filgħodu.
Malta tikkontribwixxi għal miżuri favur l-infurzar u l-effiċjenza tal-vapuri
Il-Ministru Ian Borg iltaqa’ mas-Segretarju Ġenerali tal-Organizzazzjoni Marittima Internazzjonali (IMO) Kitack Lim f’Londra.
Il-Ministru qal li Malta hija tabilħaqq sors ta’ appoġġ sod għall-programm tal-kooperazzjoni teknika, u hija kommessa li tkompli tagħmel l-almu tagħha biex tkompli tiżviluppa programm bħal dan. Bħala turija tal-appoġġ kontinwu ta’ Malta għax-xogħol siewi tal-IMO, speċjalment fil-ġlieda kontra t-tibdil fil-klima, il-Ministru Borg qal li Malta se tkun qiegħda tikkontribwixxi s-somma ta’ £10,000 għall-‘ITCP TC Global Programme on the effective implementation and enforcement of energy efficiency measures for ships’.
Carmelo Abela jappella biex il-Palestinjani u l-Iżraeljani jiġu mgħejuna
Il-Ministru għall-Affarijiet Barranin u Promozzjoni tal-Kummerċ Carmelo Abela qal lill-ministri sħabu fl-UE li l-Unjoni trid toffri żviluppi tanġibbli kemm lill-Palestinjani kif ukoll lill-Iżraeljani jekk trid li żżomm il-pożizzjoni tagħha bħala sieħeb kredibbli fil-Proċess tal-Paċi fil-Lvant Nofsani.
Il-Ministeru għall-Affarijiet Barranin fi stqarrija qal li dan huwa żvilupp li se jibgħat messaġġ pożittiv ta’ involviment tanġibbli tal-UE mal-Palestina. Fl-istess waqt, Malta qed tagħti s-sapport tagħha l-idea li l-Kunsill ta’ Assoċjazzjoni bejn l-UE u l-Iżrael jitlaqqa’, bħala pjattaforma għad-djalogu u bħala opportunità eċċellenti biex jingħaddew messaġġi importanti.
Il-qagħda serja fil-Venezwela kienet ukoll fl-aġenda tal-Ministri u l-aħħar żviluppi f’dak il-pajjiż qabel l-elezzjonijiet presidenzjali skedati għat-22 ta’ April.
Malta qed titlob lill-UE biex tibqa’ tuża l-għodod kollha li għandha sabiex tinstab soluzzjoni demokratika.
Casa se jissokta bil-ħmieġ
L-Ewroparlamentari Nazzjonalista David Casa se jissokta bil-kampanja tieghu ta’ tfigh ta’ tajn u hmieg kontra Malta meta dalghodu se jindirizza konferenza stampa li matulha mistenni “jippubblika” rapport inkonklussiv tal-FIAU.
Dan ir-rapport li Casa ilu jxejjer f’idejh xhur sħaħ, diġa’ ġie miċħud mill-agenzija FIAU u saħansitra ntqal li r-rapport li jirreferi għalih Casa, huwa wieħed li mhuwiex finali.
David Casa huwa l-istess MPE parti mid-delegazzjoni tal-Parlament Ewropew li ġiet Malta fuq missjoni ta’ “tfittxija għall-fatti”. Din il-missjoni rriżulta li kellha diġa’ l-konklużjonijiet dwar Malta lesti li anke saħansitra nkludew ammont ta’ informazzjoni skorretta fir-rapport finali.