triq | One News

Notifiki

ARA: Tibda t-tieni fażi tal-proġett tat-triq Taċ-Ċawsli

Tlestiet l-ewwel fażi tal-proġett tat-Triq taċ-Ċawsli bejn Ħaż-Żabbar u ż-Żejtun u bdiet it-tieni fażi li tinkludi l-bini ta’ korsija ġdida għar-roti u passaġġ għall-mixi maġenb il-karreġġjata ġdida għall-karozzi li tlestiet ix-xahar li għadda.

Infrastruttura Malta qalet li fl-aħħar xhur il-karreġġjata li kienet twassal lejn iż-Żejtun ingħalqet u reġgħet inbniet fuq pedamenti ġodda. Ix-xogħol kien jinkludi t-tneħħija ta’ radam u floku saret struttura b’saħħitha magħmulha minn kważi 1,800 blokka tal-franka u 3,000 tunnellata konkos. Spegjat li f’Diċembru li għadda, il-karreġġjata ġdida ta’ żewġ korsiji ngħatat l-ewwel kisjiet ta’ asfalt.

Din il-karreġġjata nfetħet fid-direzzjoni miż-Żejtun lejn Ħaż-Żabbar, waqt li n-naħa l-oħra tat-triq ingħalqet biex tinbidel f’korsija għar-roti fiż-żewġ direzzjonijiet u passaġġ pavimentat għall-mixi. It-triq kollha se tinfetaħ fiż-żewġ direzzjonijiet qabel is-sajf, malli titlesta  din il-fażi tal-proġett li qed issir b’investiment totali ta’ aktar minn €4 miljun. Fl-istess waqt se tiġi installata wkoll sistema ġdida ta’ dwal.

Il-Kap Eżekuttiv ta’ Infrastruttura Malta Fredrick Azzopardi spjega li biex jitnaqqas ir-riskju tal-għargħar, saret sistema ġdida ta’ żewġ kilometri u nofs għall-ġbir tal-ilma tax-xita li tqabbdet ma’ ġibjun fil-post. Fil-ġenb inbena wkoll ħajt tas-sejjieħ biex jifred it-triq mill-għelieqi li hemm biswitha. Biex tissaħħaħ id-distribuzzjoni tas-servizzi, tpoġġew aktar minn tliet kilometri ta’ pajpijiet ġodda għas-servizzi tal-ilma, dawl u telekomunikazzjoni, kif ukoll katusi ġodda għad-drenaġġ.

Intant, il-pajsaġġ fejn issa hemm is-siġar taċ-ċawsli se jibqa’ hemm biex jifred il-karreġġjata tal-karozzi mill-parti tat-triq li se tkun apposta għar-roti u l-mixi. Dan filwaqt li se jitħawlu 21 siġra oħra taċ-ċawsli.

It-triq li tgħaqqad il-Marsa ma’ Ħal Qormi se tingħalaq għat-traffiku bejn it-Tlieta u l-Erbgħa

Mid-09:00 it-Tlieta sa kmieni l-Erbgħa filgħodu, it-triq li tgħaqqad Triq Aldo Moro ma’ Triq il-Marsa, (it-triq taċ-Ċimiterju tat-Torok), se tkun magħluqa għat-traffiku miż-żewġ direzzjonijiet minħabba xogħlijiet li se jkunu qed isiru bħala parti mill-proġett tal-Junction tal-Marsa.

Infrastructure Malta ħabbret ukoll li x-xogħol fuq Triq il-Gvern Lokali wasal fi stadju avvanzat u din mistennija tinfetaħ mill-ġdid għat-traffiku fil-ġimgħat li ġejjin. Aqra aktar

Jitlesta l-proġett ta’ €500,000 ta’ Vjal l-Avjazzjoni

Tlesta l-proġett ta’ Vjal l-Avjazzjoni, li permezz tiegħu din it-triq ewlenija bejn il-Gudja u Ħal Luqa issa għandha t-tielet korsija tal-karozzi u korsija ġdida għar-roti fid-direzzjoni tat-tramuntana. Dan il-proġett ta’ €500,000 beda fis-sajf u l-korsija ġdida nfetħet għall-pubbliku x-xahar li għadda. Aqra aktar

“Kapaċi nsiblek xogħol billi sempliċiment naqsam it-triq”

Il-President Franċiż Emmanuel Macron ma tantx ħalla impressjoni tajba fuq żagħżugħ li lmenta li qed isibha diffiċli biex isib xogħl f’pajjiżu.

Waqt laqgħa’ pubblika f’Pariġi llum, il-ġuvni qallu li applika għal bosta xogħlijiet u ma sabx ix-xorti, iżda Macron ma qabilx miegħu. “Kapaċi insiblek xogħol billi sempliċiment naqsam it-triq”, insista l-President.Aqra aktar

€600,000 għal tliet toroq fin-Nadur

Tlestiet l-ewwel minn tliet toroq fin-Nadur. Toroq li qed isiru b’investiment ta’ kważi €600,000 fondi tal-Unjoni Ewropea u tal-Gvern Malti.

B’iktar minn kilometru ta’ tarmak, l-ewwel triq li tlestiet kienet Triq Wied Binġemma, filwaqt li se jibda x-xogħol fuq Triq Xurdin u Triq Inżul il-Franċiżi.

Is-Segretarju Parlamentari għall-Biedja Clint Camilleri spjega kif Triq Wied Binġemma hija waħda mit-toroq rurali li huma ffinanzjati mill-Programm għall-iżvilupp Rurali.Aqra aktar

ARA: Ix-xogħol fuq taċ-Ċawsli miexi ġmielu!

B’investiment ta’ €4Miljun, beda x-xogħol biex tinbena mill-ġdid it-Triq taċ-Ċawsli.

It-triq, li fiha hemm għadd ta’ siġar taċ-Ċawsli storiċi li jagħtuha isimha, inbniet lura fis-snin tmenin, iżda għal snin twal tħalliet mingħajr manutenzjoni, tant li llum-il ġurnata tinsab fi stat ħażin ħafna.

Taħt is-superviżjoni ta’ Infrastructure Malta, l-aġenzija li twaqqfet ftit tax-xhur ilu, ix-xogħlijiet se jagħtu dehra kompletament ġdida lit-triq.Aqra aktar

Send this to a friend