Theresa May | One News

Notifiki

Il-Parlament Ingliż jivvota favur li jitlaq mill-Unjoni Ewropea bi ftehim

Il-Parlament Ingliż ivvota favur li jitlaq mill-Unjoni Ewropea bi ftehim fid-29 ta’ Marzu li ġej. Il-mozzjoni għaddiet b’312 vot favur tluq bi ftehim u b’308 favur tluq mingħajr ftehim.

Jum ilu, il-Parlament f’Westminster reġa’ vvota kontra l-abozz rivedut tal-Prim Ministru Theresa May dwar il-ħruġ tar-Renju Unit mill-Unjoni Ewropea. Fil-Parlament, May qalet li l-abbozz rivedut jirrispetta r-riżultat tar-referendum ta’ Ġunju 2016 filwaqt li jirrispetta r-rieda tar-Renju Unit u tal-Unjoni Ewropea.

Iżda dan ma kienx biżżejjed biex jikkonvinċi l-Parlament Ingliż, li qed jibqa’ jsostni sal-aħħar li kwistjonijiet bħal dik tal-fruntiera Irlandiża se tibqa’ sfida għan-negozjati Brexit.

Jieqfu d-diskussjonijiet dwar Brexit jum qabel vot f’Westminster dwar l-abbozz tat-tluq

Diskussjonijiet dwar Brexit bejn ir-Renju Unit u l-Unjoni Ewropea għadhom ma komplewx, skont l-Uffiċċju tal-Prim Ministru Ingliż f’Downing Street, minkejja li baqa jum biss biex jittieħed vot fil-Parlament Ingliż dwar l-abbozz tat-tluq.

Il-Prim Ministru Theresa May tkellmet mal-President tal-Kummissjoni Ewropea Jean-Claude Juncker il-Ħadd filgħaxija wara li jiem ta’ diskussjoni bejn iż-żewġ partijiet ma wasslu għall-ebda soluzzjoni. Dawn id-diskussjonijiet mistennija jkomplu t-Tnejn bil-ħsieb li jkunu ffinalizzati t-tibdiliet meħtieġa qabel il-vot tat-Tlieta f’Westminster.

Ir-Renju Unit mistenni jitlaq b’mod uffiċjali mill-Unjoni Ewropea fid-29 ta’ dan ix-xahar.

Il-PM Muscat f’laqgħa mal-PM Theresa May

Il-Prim Ministru Joseph Muscat iltaqa mal-Prim Ministru Ingliż Theresa May illum wara nofsinhar fl-Uffiċċju tal-Prim Ministru f’Londra.

Iż-żewġ Prim Ministri ddiskutew l-aħħar żviluppi fuq il-ħruġ tar-Renju Unit mill-Unjoni Ewropea.

Il-Prim Ministru kien f’Londra matul il-jum fejn iltaqa ma’ numru ta’ investituri li qed jikkunsidraw lil Malta bħala destinazzjoni għan-negozju tagħhom.

Membri Parlamentari Ingliżi se jressqu proposti biex jemendaw l-abbozz Brexit

Il-Membri Parlamentari Ingliżi mistennija jressqu proposti biex ikun emendat l-abbozz dwar Brexit tal-Prim Ministru Theresa May. Dan fl-istess waqt li May qed taħdem fuq Pjan B għal Brexit.

Il-Prim Ministru May qalet li l-ewwel kwistjoni li se tiddiskuti mal-MPs tagħha hija dik tal-fruntieri Irlandiżi. Il-Mexxej Laburista Ingliż Jeremy Corbyn qal li l-Prim Ministru m’għandhiex l-iċken idea ta’ kemm hemm persuni li se jopponu l-abbozz tagħha.

Jidher ukoll li fost il-proposti mressqa mill-Membri Parlamentari Ingliżi hemm li d-data tal-ħruġ tar-Renju Unit mill-Unjoni Ewropea tkun estiża bi ftit xhur.

May tipprova tikkonvinċi lill-MPs tagħha jappoġġjaw l-abbozz Brexit

Il-Prim Ministru Ingliż Theresa May se tipprova tikkonvinċi lil dawk il-Membri Parlamentari mill-Partit Konservattiv u tad-DUP biex jappoġġjaw il-ftehim tagħha dwar Brexit billi tipprova ssolvi l-kwistjonijiet tal-fruntieri Irnaldiżi.

Jidher li anke s’issa, l-akbar sfida għal May qed ikunu l-Membri Parlamentari li ilhom mill-2016 jappoġġjaw il-ħruġ tar-Renju Unit mill-Unjoni Ewropea.Aqra aktar

“Theresa May għandha tkun medjatur fil-Parlament Ingliż dwar Brexit”- John Major

Skont l-eks Prim Ministru Ingliż John Major, Theresa May għandha tkun il-medjatur biex tkisser il-apatija li ħakmet il-Parlament Ingliż dwar Brexit. Huwa qal dan għaliex jemmen li l-Membri Parlamentari Ingliżi għandhomm jingħataw vot fuq kull għażla dwar Brexit, inkluż il-mod li bih jaħsbu li huwa l-aħajr li jimxu ‘l quddiem.

Theresa May qalet li tikkunsidra dan kollu f’ġieħ l-interess nazzjonali, u biex issir taf ir-rieda tal-Parlament Ingliż. Jidher iżda, li hemm Membri Parlamentari, bħal Suella Braverman, li assolutament ma jridux li dan isir.

“Nitlobkom naħdmu flimkien”- Theresa May

Il-Prim Ministru Ingliż Theresa May appellat lill-Membri Parlamentari Ingliżi sabiex jaħdmu flimkien b’mod kostruttiv bil-għan li tinstab triq ‘il quddiem għal Brexit.

Ilbieraħ filgħaxija, May rebħet il-vot ta’ fiduċja bi żbrixx li tressaq mill-Kap tal-Partit Laburista Ingliż, Jeremy Corbyn. Il-Gvern ingliż rebaħ il-vot b’ 19 il-vot hekk kif 325 membru parlamentari vvutaw favur il-gvern filwaqt li 306 ivvutaw kontra.

Dan il-vot ittieħed l-għada li l-Parlament Ingliż ivvota kontra l-ftehim dwar Brexit maqbul mal-Unjoni Ewropea.

Il-PM Theresa May tirbaħ il-vot ta’ fiduċja bi żbrixx

Il-Prim Ministru tal-Ingilterra Theresa May rebħet il-vot ta’ fiduċja li tressaq mill-kap tal-Partit Laburista Ingliż, Jeremy Corbyn. Il-Gvern ingliż rebaħ il-vot b’ dsatax il-vot hekk kif 325 membru parlamentari vvutaw favur il-gvern filwaqt li 306 ivvutaw kontra.

Dan il-vot ittieħed l-għada li l-parlament Ingliż ivvota kontra l-ftehim dwar Brexit maqbul mal-Unjoni Ewropea.

B’reazzjoni għall-vot, il-Prim Ministru Theresa May saħqet li se tiltaqa’ mal-mexxejja tal-partiti kollha sabiex tinstab it-triq il-quddiem dwar Brexit.

Brexit: X’ġara u x’se jiġri?

It-Tlieta filgħaxija l-Parlament Ingliż ivvota bil-qawwa kontra l-ftehim maqbul bejn il-Prim Ministru Ingliż Theresa May u l-Unjoni Ewropea dwar Brexit.

B’202 voti favur u 432 vot kontra, kien hemm oppożizzjoni qawwija għall-ftehim ta’ Brexit. L-ewwel reazzjoni għal dan il-vot wasslet mill-Prim Ministru Theresa May li qalet li filwaqt li tirrispetta d-deċiżjoni tal-vot fil-Parlament, il-vot ma jirriflettix x’iridu ż-żewġ naħat mill-ftehim.Aqra aktar

Il-Parlament Ingliż jivvota bil-qawwa kontra Brexit

Il-Parlament Ingliż ivvota kontra l-ftehim maqbul bejn il-Prim Ministru Ingliż Theresa May u l-Unjoni Ewropea dwar Brexit.

B’202 favur u 432 vot kontra, kif mistenni kien hemm oppożizzjoni qawwija għall-ftehim ta’ Brexit. F’indirizz li għamlet eżatt wara li nqara l-vot, il-Prim Ministru Theresa May qalet li tirrispetta d-deċiżjoni tal-vot fil-Parlament.

Minkejja dan qalet li r-rappreżentanti tal-poplu Ingliż għandhom ukoll jirrispettaw ir-rieda tal-poplu f’Ġunju ta’ tliet snin ilu vvutaw favur Brexit. Il-mexxej tal-Partit Laburista Ingliż Jeremy Corbyn saħaq li dan kien vot ta’ sfiduċja fil-Gvern ta’ May. Qal li dan kien l-akbar vot fejn Gvern ġie sfiduċjat f’100 sena.

Huwa ressaq mozzjoni ta’ vot ta’ sfiduċja fil-Gvern Ingliż u din se tiġi diskussa għada.

Send this to a friend