Żewġt itfal tilfu ħajjithom filwaqt li 20 oħra indarbu wara li spiċċaw mgħaffġin f’rassa ta’ tfal fl-iskola primarja fiċ-Ċentru taċ-Ċina.
It-tagħlim tar-reliġjon fl-iskejjel tal-istat
Matul dawn l-ahhar jiem qamet kontroversja rigward l-introduzzjoni tat-tagħlim tar-reliġjon Iżlamika fl-iskejjel. Qrajt diversi kummenti, uħud razzjali filwaqt li ohrajn patriottici jew saħansitra iżeffnu l-kultura u l-kostituzzjoni fin-nofs, jew ‘għax dejjem għamilna hekk qabel’, kważi ġlieda bejn iż-żewġ reliġjonijijet. Jien kontra din l-introduzzjoni ta’ tagħlim, mhux għax jien kontra l-Iżlam, iżda jien kontra li nibqgħu nagħlmu kwalunkwe reliġjon fl-iskejjel tal-iStat, u dan jinkludi t-tip ta’ reliġjon mgħallem bħalissa. Fl-istess waqt huwa tajjeb li xorta waħda jkun hemm għarfien bażiku tad-diversi reliġjonijiet u twemmin li hawn fid-dinja mhux bħala indottrinazzjoni imma bħala “general knowledge”.
Ma nħossx li l-iskejjel għandhom jibqgħu b’sistema patrijarka fejn l-istudenti huma esposti għall-lezzjoni ta’ reliġjon waħda.
Jien favur li dan is-suġġett ibiddel il-portafoll tiegħu, fejn il-kontenut ikun imqassam fuq perjodi ta’ diversi snin, b’mod progressiv, li jkun immirat sabiex jiżviluppa lill-istudenti għall-ġid tas-socjetà. Dan jista’ jintlaħaq billi jkunu diskussi materji ta’ etika, morali u anki spiritwalità tal-individwu.
Ġurnata b’differenza għal tfal morda bil-kanċer
Grupp ta’ 20 tifel u tifla morda bil-kanċer nhar is-Sibt gawdew minn nofstanhar speċjali mimli attivitajiet ta’ divertiment fil-Park tal-Majjistral grazzi għal attività organizzata mill-Park u minn BirdLife Malta flimkien.
L-attività – Let’s have fun together – saret fuq talba ta’ ġenitur li kkuntattja lill- Park tal-Majjistral bl-iskop li dawn it-tfal jingħataw l-opportunità jirrelataw man- natura. Numru ta’ organizzazzjonijiet oħra għażlu li jappoġġjaw dan l-avveniment billi offrew is-servizzi tagħhom bla ħlas.
It-tfal qamu kmieni; u fid-9am kienu diġà waslu fil-park u bdew jippreparaw il- pizza bl-ingredjenti favoriti tal-għażla tagħhom. Malli lestew minn dan, imxew lejn zona tal-park li ġiet armata apposta għalihom biex jieħdu sehem f’logħob edukattiv u logħob ieħor b’tema marbuta mal-konservazzjoni tan-natura u l-ambjent li tħejja minn BirdLife Malta u minn voluntieri tal-park stess.
L-aħbar li se jkollha tarbija waslitha għall-mewt
L-aħbar li se jkollhom tarbija, ħafna drabi tkun aħbar mill-isbaħ, liema aħbar tibdilek ħajtek. Iżda dan ma kienx il-każ għal omm ta’ sebat itfal li ma din l-aħbar wetqet suwiċidju fil-preżenza tar-raġel u tfal tagħha. L-omm għamlet dan l-att fil-mument li saret taf li reġgħet se jkollha tarbija oħra, jiġifieri t-tmien wild tagħha.
Missier isakkar lil uliedu ta’ ftit snin f’kamra mimlija ħmieġ tagħhom stess
Missier intbagħat il-ħabs wara li żewġt itfal żgħar instabu maqfulin f’kamra mimlijin ħmieġ tagħhom stess u saqqu wieħed bejn tnejn.
Il-Qorti ta’ Derbyshire fl-Ingilterra semgħet kif il-kumplament tad-dar kienet nadifa u kollox f’postu, bi fridge mimlija ikel u b’ġugarelli għadhom lanqas biss infetħu.
Iżda ġewwa l-kamra, deskritta bħala ‘ċella’, fejn inżammu ż-żewġt itfal, kelliem mid-Dipartiment Soċjali ddeskriva l-kundizzjonijiet inaċċettabbli li kienu qed jgħixu fihom, bi ħmieġ tagħhom stess imċallas mal-ħitani u mal-art.
2016: Is-sena li matula nqatlu tfal aktar minn kemm inqatlu fl-aħħar sitt snin
Fl-2016, inqatlu aktar tfal Sirjani minn kemm inqatlu fl-aħħar sitt snin ta’ kunflitt. Dan ifisser li s-sena l-oħra rat l-ikbar numru ta’ mwiet f’pajjiż li qed jaffaċċja gwerra, dan skont informazzjoni tal-UNICEF.
Minn tal-inqas 652 tifel u tifla mietu fl-aħħar tnax-il xahar, dan ifisser żieda ta’ 20% fl-2015. Madwar in-nofs ta’ dawn l-imwiet saru f’żona li fiha hemm skola jew fl-iskola stess. Ir-rapport ippubblikat mill-UNICEF jinkludu biss figuri verifikati, jiġifieri n-numru ta’ mwiet jista’ jkun akbar.
Aktar pajjiżi minn fejn Maltin jistgħu jaddottaw
Numru sabiħ ta’ tfal minn pajjiżi barranin ġew imqabbla ma’ persuni Maltin, u qegħdin fil-proċess li jigu adottati, minn ġenituri prospettivi Maltin. Dawn jinkludu: Tliet adozzjonijiet mis-Slovakkja, adozzjoni waħda mir-Russja; disa’ adozzjonijiet mill-Portugal, u sbatax-il adozzjoni mill-Indja.
Gvern Laburista b’inċentivi ġodda għal min irid jaddotta
F’dawn l-aħħar erba’ snin, Gvern Laburista introduċa numru ta’ inċentivi għal ġenituri li jaddottaw. Liema inċentivi jassiguraw li dawk li jaddottaw it-tfal ikollhom l-istess drittijiet bħal ġenituri li jkollhom tarbija. L-ewwel inċentivi li introduċa dan il-Gvern kienet li ġenituri adottivi jibdew igawdu minn maternity leave u maternity benefit.
Il-bandiera tal-Commonwealth tittajjar fil-Barrakka
Tfal tal-iskola, tajru l-bandiera tal-Commonwealth ftit ħin qabel l-isparaturi mat-tokki ta’ nofsinhar fil-barrakka ta’ fuq. Din kienet l-ewwel fuq l-aġenda tal-lum, jum li fih il-pajjiżi li fl-antik kienu kolonji Ingliżi qed ifakkru l-jum iddedikat għall-Commonwealth.
Anzjan ta’ 73 sejjer ħames snin ħabs għax ipproduċa u iċċirkola ritratti indiċenti ta’ tfal
Raġel ta’ 73 sena intbagħat ħames snin ħabs wara li wieġeb ħati li pproduċa u ċċirkola ritratti indiċenti ta’ tfal.
Anthony Pandolfino kien akkużat li uża l-kompjuter biex jakkwista materjal mhux diċenti ta’ persuni taħt l-età. Fl-awla l-prosekuzzjoni esebixxiet hard disks, cameras u affarijiet elettronċi li jappartjenu għall-akkużat kif ukoll qalet li nstabu ammont kbir ta’ ritratti indiċenti. Fl-istess waqt li l-Pulizija għada qed tispezzjona l-materjal biex tara jekk fost dawk ir-ritratti hemmx tfal Maltin.