teatru | One News

Notifiki

Arkivju diġitali ġdid se jirrakkontalek l-istorja ta’ wieħed mill-aktar teatri popolari f’Londra

L-arkivji tat-teatru Shakespeare’s Globe issa jinsabu online u huma disponibbli għad-dilettanti tas-settur teatrali Ingliż. Fost dawn id-dokumenti hemm rapporti uffiċjali dwar aktar minn mitejn produzzjoni li saret f’dan it-teatru.

L-arkivju diġitali ġdid tnieda fl-aħħar jiem fuq is-sit uffiċjali tat-teatru, u jinkludi kumpilazzjonijiet u noti dwar kostumi, programmi, u ritratti, biex ir-riċerkaturi tal-qasam ikollhom għażla kbira tal-istorja rikka ta’ dan it-teatru.

Il-proġett kien kollaborazzjoni bejn it-teatru stess u l-pubblikaturi akkademiċi fi ħdan Adam Matthew Digital, li jispeċċjalizza fil-qasam tat-tagħlim u r-riċerka.

Kumpaniji teatrali minn ħames pajjiżi f’Malta għall-Festival Internazzjonali tat-Teatru

Kumpaniji teatrali minn ħames pajjiżi differenti se jkunu qed jipparteċipaw f’festival teatrali f’Malta bejn is-7 u l-11 ta’ Settembru.

Il-Festival Internazzjonali tat-Teatru ġie mniedi fl-2014 sabiex jikkomemora l-għoxrin anniversarju taċ-Ċentru Malti għad-Drama bħala l-iskola nazzjonali għall-arti tal-ispettaklu taħt id-Dipartiment għall-Edukazzjoni.

Il-Festival se jkun qed jinkludi numru ta’ workshops u diskussjonijiet sabiex ikun hemm skambju ta’ tradizzjonijiet u prattiċi teatrali. 

Is-sena l-oħra żewġ gruppi Maltin ġew mistiedna sabiex jipparteċipaw f’festivals barra minn xtutna.

F’din l-edizzjoni se jkunu qed jipparteċipaw Malta, l-Alġerija, l-Kroazja, l-Ġermanja, l-Italja, il-Ġappun u l-Korsovo. Il-festival se jkun qed jittella’ fil-Forti Sant’ Anġlu bi tlett prestazzjonijiet kull leja fis-7,9 u l-10 ta’ Settembru filwaqt li l-workshops se jittellgħu fiċ-Ċentru għad-Drama fit-8,9 u 10 ta’ Settembru.

Għall-iktar informazzjoni u l-programm komplut tistgħu iżżuru www.mitfestival.com jew ċemplu fuq 21220665.

Katalgu li fih tista’ ssib spazji teatrali madwar Malta u Għawdex

Għall-ewwel darba fl-istorja ta’ Malta llum tnieda katalgu ta’ spazji teatrali li għall-ewwel edizzjoni wieħed jista’ jsib 78 teatru. Dan il-katalgu jinkludi fih rapport dettaljat tat-teatri mniżżla, li jinsabu madwar Malta u Ghawdex.

Dan il-katalgu se jkun jista’ jitniżżel b’xejn onlajn bl-isem ta’ Spazji Teatrali u se jkun ta’ uzu għal dawk l-għaqdiet tejatrali li jkunu qed ifittxu post fejn itellgħu l-produzzjoni tagħhom kif ukoll għal diversi persuni oħra li se jkunu qed jagħmlu użu minn dan il-katalgu għal raġuni jew oħra.

Aqra aktar

Twettiq ta’ ħolma artistika

Uffiċjalment infetaħ il-programm culture pass fejn 30 produzzjoni ta’ teatru, żfin u mużika se jintwerew lil studenti tal-iskejjel sekondarji. Id-Direttur tal-istrateġija għall-Kunsill Malti għall-arti, Toni Attard, qal li minn Jannar sa issa diġa’ ipparteċipaw aktar minn 2,000 student li flimkien mal-għalliema għażlu liema produzzjonijiet l-aktar jolqtuhom.

Aqra aktar

Sejħa għal extras fil-films – esperjenza jew flus?

Għal min qed ifittex esperjenza ġdida u jagħmel kemxa tajba, bħalissa huwa ċ-ċans hekk kif qed isiru numru ta’ sejħiet għal extras għall-films internazzjonali.

B’kapital li jiżboq ferm minn dak ta’ produzzjonijiet żgħar, id-diretturi ta’ dawn it-tip ta’ films ikunu qed ifittxu numru ta’ nies ta’ kull età sabiex jieħdu sehem fi ġbid ta’ xeni differenti.

Aqra aktar

Lura l-Manoel wara li waqa’ minn fuq il-palk

08:20 Joe Depasquale se jkun qed jirritorna lura fuq il-palk għall-pantomima ‘Puss in Boots” fis-26 ta’ Diċembru fit-3:00 ta’ wara nofsinhar. Dan ġie mħabbar f’messaġġ fuq Facebook fuq il-paġna ta’ Masquerade Malta.

Fil-messaġġ qalu li Depasquale jinsab qawwi u sħiħ u ma ġarrab l-ebda ġrieħi.

Dawk kollha li attendew il-pantomima ta’ dal-lejl jistgħu jakkwistaw biljetti ġodda għall-pantomima li se jkun qed jintwera fl-4 ta’ Jannar fit-8:00 ta’ filgħaxija.

Aktar Qabel: Waqt il-pantomima Puss In Boots fit-teatru Manoel illejla, l-attur Joe Depasquale waqa’ minn fuq il-palk għall-post fejn ikun hemm il-mużiċisti – waqa ta’ madwar sular ’l isfel.

L-inċident seħħ għall-ħabta tad-disa’ tal-lejla, wara li l-ispettaklu kien ilu li beda madwar tliet kwarti ta’ siegħa. L-attur, li jagħmel parti mill-grupp teatrali Masquerade, ittieħed l-isptar b’ambulanza.

Ninsabu informati li jinsab f’sensieh u jidher li l-inċident ma kellux konsegwenzi gravi.

‘Violet’ ta’ Strada Stretta

Min hi Violet tas-serje televiżiva Strada Stretta?

Fil-verita’, jisimha Lorianne D’Ugo. Għandha 34 sena, miżżewġa u taħdem full time bħala maniġer ta’ ditta tal-ġojjellerija ma kumpanija privata. Sa min eta’ żgħira kienet tħobb tirreċta l-iskola iżda waqfet kif ħarget mis-sekondarja minħabba impenji personali. Kien biss tlett snin ilu li ħabib tagħha ħajjarha verament sabiex tidħol fid-drama u tagħmel dak li vera tħobb.

Aqra aktar

Send this to a friend