surplus – Page 3 – One News

Notifiki

Il-Kurja b’surplus ta’ €752,000 għas-sena 2016

Fl-2016 il-Kurja għamlet surplus ta’ €752,000 dan fuq it-total ta’ €7 miljun dħul. Dan is-surplus imbagħad jitqassam f’sussidji lil diversi entitajjet tal-Knisja.

Wieħed mill-fatturi ewlenin wara s-surplus kienet donazzjoni sostanzjali mill-MMDNA, liema donazzjoni marret direttament fil-fondi tad-djar tal-anzjani.

Aqra aktar

MALTA: L-akbar surplus fil-finanzi pubbliċi mill-pajjiżi tal-UE

Stqarrija maħruġa mill-Eurostat tindika li fl-ewwel kwart tal-2017 Malta rreġistrat l-ogħla surplus fil-finanzi pubbliċi minn fost il-pajjiżi kollha tal-UE.
Madwar l-UE bħala medja kien hemm defiċit ta’ 1% tal-ġid nazzjonali, bl-ogħla defiċit ikun dak fi Franza fejn dan laħaq 3.3%. B’kuntrast f’pajjiżna fl-ewwel kwart tas-sena s-surplus fil-finanzi pubbliċi laħaq 3.5%.

Aqra aktar

Għall-ewwel darba fl-istorja

Stqarrija maħruġa mill-Gvern ta’ Malta

Wara s-surplus li nkiseb fl-2016, fl-ewwel kwart tal-2017 pajjiżna wkoll kiseb surplus fil-finanzi pubbliċi. Fl-ewwel tliet xhur tas-sena s-surplus diġà laħaq l-€44 miljun.

Din kienet l-ewwel darba li ġie reġistrat surplus fl-ewwel kwart tas-sena – perjodu li storikament ma jkunx daqstant tajjeb għall-finanzi pubbliċi. Fil-fatt is-sena li għaddiet – is-sena tal-ewwel surplus -kien hemm defiċit ta’ €68 miljun fl-ewwel kwart tas-sena.

Dan ifisser li mqabbel mal-2016 – li kienet sena rekord għall-finanzi pubbliċi – fl-ewwel kwart tal-2017 kien hemm titjib ta’ €113 miljun fil-finanzi pubbliċi, skont il-kejl tal-Eurostat.

It-tnaqqis fid-defiċit seħħ għax id-dħul tal-Gvern għola għal kważi €980 miljun, iġifieri €137 miljun iktar mill-2016. Minkejja t-tnaqqis repetut fl-income tax – miżura li tat għexieren ta’ miljuni lill-familji tagħna – il-Gvern kompla jdaħħal ferm iktar minn din it-taxxa minħabba ż-żieda qawwija fl-impjiegi kif ukoll bit-titjib fil-profitti tan-negozji. Tkabbir ta’ din in-natura hu l-aqwa ċertifikat tal-andament ekonomiku qawwi li kellu pajjiżna fil-bidu tal-2017. Dan fi żmien meta skont l-Oppożizzjoni kien hawn inċertezza kbira u ħafna negozji kienu se jagħlqu.

Aqra aktar

SURPLUS FL-EWWEL TLIET XHUR TAL-2017

Fl-ewwel tliet xhur tal-2017, il-Gvern irreġistra surplus ta’ €44.2 miljun.

Bejn Jannar u Marzu, id-dħul totali ammonta għal €979.2 miljun, żieda ta’ €137.2 miljun meta mqabbel mal-ewwel kwart tal-2016.

L-istatistika ppubikata mill-Uffiċju Nazzjonali tal-Istatistika tista’ ssibha hawn.

[pdf-embedder url=”http://www.one.com.mt/news/wp-content/uploads/2017/07/News2017_109.pdf”]

KOMPLEJNA BIS-SURPLUS; ippubblikata l-istatistika għall-ewwel xhur tal-2017

Fl-ewwel terz tal-2017, il-Fond Konsolidat kellu surplus ta’ €21 miljun.

Dan huwa l-aqwa surplus fil-Fond Konsolidat għal dan il-perijodu tas-sena, fl-istorja ta’ pajjiżna.

Filwaqt li fl-2016 kollu kemm hu, pajjiżna kellu surplus ta’ €9 miljun, fl-ewwel terz tas-sena li għaddiet il-finanzi pubbliċi kellhom żbilanċ ta’ €77 miljun. Dan ifisser li meta mqabbel mal-2016, l-ewwwel sena b’suplus f’dawn l-aħħar 35 sena, fl-ewwel terz tal-2017 diġà kellna titjib ta’ kważi €100 miljun.

Mentri fl-ewwel erba’ xhur tal-2017 għandna surplus ta’ €21 miljun, fl-istess perijodu tal-aħħar sena tal-amministrazzjoni preċedenti kien hemm defiċit ta’ €232 miljun.

Aqra aktar

Rata ta’ tkabbir f’pajjiżna tliet darbiet il-medja taż-żona ewro

 

Fi stqarrija l-Gvern ta’ Malta qal li l-Bank Ċentrali ta’ Malta għadu kemm ħareġ il-Quarterly Review, pubblikazzjoni li tħares lejn l-andament ekonomiku ta’ pajjiżna. Dan ir-rapport jikkonferma l-qagħda eċċellenti tal-ekonomija Maltija,tant li l-Bank Ċentrali jsostni li “this rate of expansion was three times that registered for the euro area as a whole”.

Aqra aktar

Moody’s b’rapport speċjali dwar is-surplus ta’ Malta

L-aġenzija internazzjonali Moody’s iddedikat rapport speċjali fuq is-surplus li pajjiżna kiseb fil-finanzi pubbliċi.

L-artiklu miktub minn tliet ekonomisti tal-Moody’s jismu “Malta’s surprise 2016 budget surplus is credit positive”. Fil-fatt, qabel ħarġet il-konferma mill-Eurostat tar-riżultat ta’ 1% surplus, Moody’s kienet qed tbassar defiċit ta’ 0.8% għal pajjiżna. Skont Moody’s, ir-riżultat tas-surplus isaħħaħ ħafna lil pajjiżna tant li jgħidu li “the surplus is credit positive because it accelerates the decline in the Maltese government’s debt burden, and confirms that debt has fallen below the European Commission’s (EC) 60% Maastricht threshold one year earlier than forecast.”

Aqra aktar

Malta bit-tieni l-ogħla surplus fl-UE; qabel il-Ġermanja

B’surplus ta’ mitt miljun ewro, li huwa 1% tal-Prodott Domestiku Gross, Malta rreġistrat surplus li huwa t-tieni l-ogħla fl-Unjoni Ewropea wara dak tal-Lussemburgu. Is-surplus ta’ Malta, li nkiseb għall-ewwel darba wara 35 sena huwa saħansitra ogħla minn tal-Iżvezja u l-Ġermanja li jsegwu lill-pajjiżna.

Għalkemm li jispikka f’pajjiżna hu li s-surplus kien irreġistrat mingħajr ma ddaħlu miżuri li jweġġgħu liċ-ċittadin u minflok daħlu miżuri li offrew spalla bħaċ-childcare b’xejn, l-inwork benefit u t-tapering tal-benefiċċji soċjali.

Send this to a friend