summit | One News

Notifiki

“L-estensjoni trid tkun waħda sensibbli” – il-PM

Kwalunkwe estensjoni li kapaċi tingħata dwar Brexit għandha tkun waħda sensibbli. Dan qalu l-Prim Ministru Joseph Muscat f’kummenti lill-ġurnalisti, ftit qabel ma beda summit ta’ emerġenza fi Brussell li ssejjaħ wara li Theresa May talbet estensjoni sat-tletin ta’ Ġunju li ġej dwar Brexit.

Aqra aktar

Brexit mistenni jkun pospost sat-22 ta’ Mejju li ġej

Il-Mexxejja Ewropej mistennija jaqblu li Artiklu 50, li jiggarantixxi l-ħruġ tar-Renju Unit mill-Unjoni Ewropea, jiġi estiż sat-22 ta’ Mejju li ġej. Dan kien deċiż waqt is-Summit tar-rebbiegħa tal-Unjoni Ewropea fi Brussell, li din is-sena kien iddedikat għat-talba tal-Prim Ministru Ingliż Theresa May biex id-data ta’ Brexit, li oriġinarjament kellha tkun id-29 ta’ Marzu, tkun posposta. L-Unjoni Ewropea qalet li l-estensjoni tkun garantita jekk il-Parlament Ingliż f’Westminster japprova l-abbozz dwar Brexit qabel l-elezzjonijiet tal-Parlament Ewropew ta’ Mejju li ġej.Aqra aktar

Il-PM fi Brussell għal summit dwar l-estensjoni ta’ Brexit

Il-Mexxejja Ewropej mistennija jiddeċiedu jekk Brexit jiġix estiż sat-30 ta’ Ġunju li ġej. Dan waqt is-Summit tar-rebbiegħa tal-Unjoni Ewropea, li din is-sena se jiffoka fuq it-talba tal-Prim Ministru Ingliż Theresa May biex id-data ta’ Brexit, li oriġinarjament kellha tkun id-29 ta’ Marzu, tkun posposta.

Il-Prim Ministru Joseph Muscat se jkun preżenti għal dan is-Summit, li ssejjaħ mill-President tal-Kunsill Ewropew Donald Tusk. Aktar kmieni l-Gvern Malti iddikjara li jaqbel mal-estesjoni ta’ Brexit, diment li dan isir bi ftehim u pjan ċar. Aqra aktar

Il-Prim Ministru preżenti għal diskussjonijiet fuq l-immigrazzjoni waqt summit fl-Eġittu

“Il-kwistjoni ma tistax tiġi trattata bħala ħaġa waħda.”

Dak kien kliem il-Prim Ministru Joseph Muscat dwar il-kwistjoni tal-immigrazzjoni. Kwistjoni li ddominat l-aġenda fit-tieni jum tas-summit storiku bejn l-Unjoni Ewropea u l-Lega Arbija.

Summit li ra l-bidu għal djalogu kostruttv bejn iż-żewġ naħat bi qbil li jerġgħu jiltaqgħu fi Brussell fl-2022.

Preżenti għal dan is-summit f’Sharm El-Sheikh, fl-Eġittu, il-Prim Ministru tkellem dwar l-importanza tad-diskussjoni dwar il-kwistjoni tal-immigrazzjoni u kif din hija sfida komuni bejn il-pajjiżi Arab u l-istati membri tal-Unjoni Ewropea.

Madankollu minkejja li hija sfida komuni, il-Prim Ministru nnota li din il-kwistjoni ma tistax tiġi trattata bħala ħaġa waħda.

“Hemm realiżżazzjoni li l-kwistjoni ma tistax tiġi trattata bħala ħaġa waħda. Hemm pajjiżi Arab li minnhom infushom pajjiżi fejn tasal l-immigrazzjoni mhux minn fejn titlaq.”

Dan hekk kif irid ikun hemm distinzjoni bejn refuġjati u mmigranti.

“Dejjem huwa mportanti li nżommu f’moħħna bejn refuġjat u mmigrant. Persuni li qiegħdin jaħarbu mill-persekuzzjoni ta’ gwerra, ta’ sitwazzjonijiet klimatiċi estremi forsi u persuni li qiegħdin jfittxu ħajja aħjar.”

Filwaqt li nnota l-qbil bejn iż-żewġ naħat, il-Prim Ministru żied jgħid li din hija sitwazzjoni fejn kulħadd irid jirrispetta r-regoli.

“Sitwazzjoni fejn kulħadd jirrispetta r-regoli u ż-żewġ naħat ma jridux jiffacilitaw sitwazzjoni ta’ gruppi kriminali li jinqdew b’din it-traġedja umana.”

Intant fl-istess summit il-President tal-Kunsill Ewropew Donald Tusk saħaq li huwa biss permezz ta’ qbil u kollaborazzjoni bejn iż-żewġ naħat li jistgħu jtellfu u jwaqqfu gruppi kriminali bħal traffikanti tal-umani.

Fis-summit kien preżenti wkoll il-Ministru għall-Affarijiet Barranin, Carmelo Abela, li ħa sehem f’laqgħat bilaterali.

L-immigrazzjoni diskussa fis-Summit tal-5+5 f’Malta

Il-mexxejja tas-Summit tal-5+5 qablu b’mod unanimu li jsaħħu l-koperazzjoni fil-ġlieda tagħhom kontra l-immigrazzjoni illegali u  sabiex jitkissru ċ-ċrieki kriminali ta’ traffikanti tal-bnedmin.

Il-ħmistax-il edizzjoni ta’ din il-laqgħa li saret f’Malta, għal darb’oħra ġabret għaxar Ministri tal-Affarijiet Barranin minn pajjiżi Ewropej u Afrikani sabiex jiddiskutu temi kurrenti.Aqra aktar

Jista’ jkun hemm summit ieħor bejn Trump u Kim

Il-midja tal-istat qalet li wara ż-żjara sorpriża fiċ-Ċina, il-mexxej tal-Korea ta’ Fuq Kim Jong-un telaq bl-appoġġ tal-possibilità ta’ tieni summit mal-President tal-Istati Uniti Donald Trump. Trump u Kim iltaqgħu f’Ġunju li għadda, iżda l-progress fuq id-denuklearizzazzjoni waqaf.

L-aġenzija tal-aħabrijiet Xinhua qalet li l-President Ċiniż Xi Jinping qal li qed jittama li ż-żewġ mexxejja jiltaqgħu nofs triq.

Iċ-Ċina hija l-ikbar alleat tal-Korea ta’ Fuq u msieħeb kruċjali fin-negozju.

Malta se tospita summit dinji dwar l-avjazzjoni fl-2019

Is-sena d-dieħla Malta se tkun qed tospita l-CAPA World Aviation Outlook Summit 2019, flimkien mal-CAPA Global Aviation Awards for Excellence Gala Dinner.

CAPA hija entità tal-avjazzjoni influwenti ħafna, u tgħin lill-partijiet u negozji ewlenin fis-settur tal-avjazzjoni bl-informazzjoni marbuta mal-mexxejja tal-industrija. Dan bil-għan li jevolvi dan is-settur tant importanti għall-ekonomija, trasport u turiżmu.Aqra aktar

“Jum ta’ dieqa għal Malta, ir-Renju Unit, u l-Ewropa”- il-PM

Dan huwa jum ta’ dieqa għal Malta, ir-Renju Unit, u l-Ewropa, iżda dan huwa l-aħjar ftehim li seta’ jintlaħaq biex jirrispetta d-deċiżjoni tal-poplu Ingliż.

Kien b’dan il-mod li l-Prim Ministru Joseph Muscat iddeskriva d-deċiżjoni tal-EU27, li aktar kmieni l-Ħadd approva b’mod unanimu l-ftehim dwar Brexit waqt summit straordinarju fi Brussell. Aqra aktar

“Għad m’hemmx konklużjonijiet dwar Brexit minkejja li ż-żmien qed jagħfas”- il-PM

Waqt li kien qed jikkumenta waqt is-Summit tal-Mexxeja Ewropej fi Brussel, il-Prim Ministru Joseph Muscat qal li huwa mhux se jidħol fl-ispekulazzjonijiet jekk hux se jsir Summit Ewropew f’Novembru jew le. Il-Prim Ministru Muscat qal li l-Ewropa u r-Renju Unit għadhom ma wasslux għal ftehim minħabba l-bżonn ta’ assigurazzjoni dwar dak li se jiġri rigward l-Irlanda. Aqra aktar

Send this to a friend