Studenta tal-Universitá, spiċċat vittma ta’ serqa mill-karozza tagħha li kienet ipparkjata f’Kordin. It-tfajla spjegat li f’basket li nsteraq mill-karozza tagħha kellha pen drive importanti hekk kif kellha t-teżi tagħha fuqha.
Hija appellat biex il-persuna jew persuni li serqulha l-basket, iżommu l-laptops li kien hemm fil-basket iżda jirritornaw lura din il-pendrive.
Fuq medda ta’ seba’ snin, kienu iktar minn għaxart elef il-ġenituri li tressqu l-Qorti akkużati li naqsu mili jibgħatu t-tfal tagħhom l-iskola primarja jew sekondarja, bla skuża valida. Mill-figuri mogħtija f’ risposta għal mistoqsija Parlamentari li saret lill-Ministru għall-Edukazzjoni, irriżulta li kull sena jkunu ‘l fuq minn elf ġenitur li jitressqu l-qorti, bl-iktar sena skolastika li rat ġenituri jiksru l-liġi Maltija tal-edukazzjoni minn dan l-att kienet dik tal-2010 u l-2011 b’ 1770 każ.
Minkejja li ħafna drabi l-artiklu jgħidlek dwar it-tbassir tat-temp, din id-darba se jgħidlek dwar produzzjoni qasira li għamlu studenti tal-MCAST.
Għalliem li qed jiġi meqjus bħala eroj fl-inċident li seħħ ilbieraħ f’Verona u abbord kien hemm studenti mill-Ungerija tilef it-tfal tiegħu propju f’dan l-inċident. Huwa qed jissejjaħ eroj hekk kif minkejja s-sitwazzjoni diffiċli u l-periklu li kien hemm ħareġ u offra l-għajnuna tiegħu lill-maġġoranza tat-tfal li kienu fuq ix-xarabank.
Kull nhar ta’ Ġimgħa u Sibt madwar 450 tifel u tifla Għawdxin qed jipparteċipaw f’attivitajiet sportivi fil-programm ‘On The Move’. It-tfal qed jattendu għal 24 ġimgħa ta’ attività sportiva fil-kumpless sportiv ta’ Għawdex u f’kumplessi oħra mifruxa fil-gżira. L-attendenza ta’ din is-sena hi waħda rekord u tfisser li mis-sena l-oħra l’hawn irdoppjat. Jirriżulta li fil-bidu kien hemm biss mal-100 student jipparteċipaw, u s-sena l-oħra l-figura telgħet għal 250.
Grazzi – Kelma waħda minn għalliema li fissret ħafna għall-ħaddiema tal-Protezzjoni Ċivili li ta’ kuljum jaħdmu għall-ġid taċ-ċittadini kollha.
Ħames’ t’elef student fl-iskejjel primarji madwar Malta u Għawdex bdew jirċievu b’xejn is-sħubija ta’ Heritage Malta.
Rigal sabiħ għal dawn l-istudenti li ħafna minnhom imorru lur d-dar entużjasti li rċivew din il-card anke għax bit-tagħlim fl-iskola jifhmu kemm din se tatihom opportunita sabiħa, speċjalment fil-vaganzi u tmiem il-ġimgħa.
Fil-fatt, din il-card, tati aċess lit-tfal biex jidħlu b’xejn fis-siti ta’ Heritage Malta u ż-żewġ adulti li jmorru magħhom iħallsu nofs prezz.
Bosta ġenituri kif ukoll studenti ffirmaw petizzjoni li titlob li t-tfal fl-iskejjel sekondarja u primarja jingħataw il-possibiltà li jmorru l-iskola libsin it-tracksuit waqt il-jiem ta’ ksieħ tul l-istaġun tax-xitwa.
Il-petizzjoni qed titlob li tkun iffirmata minn elf persuna, bil-mira kważi ntlaħqet hekk kif s’issa ffirmaw 888 persuna.
Skola fin-Norveġja qed taffaċċja kritika wara li ħadet tfal ta’ ħames snin biex jitgħallmu dwar il-qtil tar-renni għall-ġild tagħhom.
Tnediet skema innovattiva biex tgħin studenti li jkunu għaddejjin minn stress minħabba l-eżamijiet fiċ-Ċina.
Din l-iskema qed tissejjaħ bħala bank tal-marki, minn dan il-bank l-istudenti jkunu jistgħu jisselfu marki meta jġibu marka baxxa f’suġġett partikolari u hekk ikunu jistgħu jgħaddu mill-eżamijiet. L-għan ewlieni wara din l-iskema huwa li jitnaqqas l-istress fost l-istudenti li qed ipoġġu għall-eżamijiet.
Send this to a friend