stati uniti – Page 5 – One News

Notifiki

Houston fl-eqqel tal-ikbar maltempata fl-istorja ta’ Texas

Il-belt Houston fl-Istati Uniti tinsab fl-eqqel tal-ikbar maltempata fl-istorja tal-istat ta’ Texas.

Iktar minn ħamsa u sebgħin ċentimetru ta’ xita diġa niżlet f’ċertu partijiet tal-belt matul it-tmiem il-ġimgħa li għadda, fejn toroq prinċipali nbidlu fi xmajjar u hija impossibbli tiċċaqlaq jekk mhux b’dgħajsa.

F’temp ta’ ġimgħa, il-belt mistennija tesperjenza xita li ġeneralment tinżel f’sena. Bis-servizzi tas-salvataġġ jinsabu fil-limitu tagħhom hekk kif ix-xita qed tkompli nieżla, ħafna nies qed ikollhom ifendu għal rashom. Mijiet ta’ toroq madwar il-belt ingħalqu, bl-isptarijiet ikunu evakwati u eluf ta’ nies jinsabu bla dawl.

 

 

FILMAT: Il-prodott Malti f’Santa Marija

F’dawn il-jiem huma ħafna l-Maltin li qed iħejju għal btala qasira f’Għawdex għall-festi ta’ Santa Marija.

Iżda, daqstant ieħor ikunu qed jippreparaw l-Għawdxin involuti fl-agrikoltura li jieħdu l-opportunità biex juri xi provdiet l-art tagħhom fl-aħħar xhur.
Fost dawn il-produtturi tat-tadam li għalihom l-istaġun jinsab fl-aqwa tiegħu bil-fabbrika ta’ Magro Brothers tkun għaddejja erbgħa u għoxrin siegħa kuljum.
Għal John Magro, li fl-aħħar mill-aħħar irid ibigħ il-prodott, hemm ukoll is-sodisfazzjoni li huma ħafna l-Maltin interessati fil-proċess.

Aqra aktar

Iqatta’ 17-il sena ħabs għal serqa li ma kkommettiex

Richard Anthony Jones, priġunier Amerikan, qatta’ 17-il sena ħabs wara żball. Dan hekk kif huwa ntbagħat il-ħabs għal serqa li ma kkommettiex hu, iżda raġel jixbħu ħafna.

Huwa ġie rilaxxat mill-ħabs wara li x-xhieda qalet li ma setgħux jagħmlu distinzjoni minn wieħed għall-ieħor u għalhekk l-Imħallef ikkonkluda li ma kienx hemm biżżejjed evidenza biex Richard jinżamm il-ħabs.

Aqra aktar

JINSTAB: ir-raġel akkużat li wettaq disà omiċidji

Il-Pulizija fl-Istati Uniti arrestaw raġel suspettat li kien involut f’numru ta’ sparaturi li ħolqu terrur f’Phoenix u ħallew numru ta’ persuni mejta jew imweġġa’.

Aaron Saucedo, ta’ 23 sena huwa s-suspettat ewlieni ta’ disà omiċidji. Iżda qed jiġi allegat li hu kien involut ukoll fi tnax-il sparatura. Il-maġġoranza ta’ dawn l-attakki saru bejn l-2015 u Lulju 2016 fil-belt ta’ Arizona.

Aqra aktar

Forzi Amerikani jużaw ‘the mother of all bombs’

Forzi Militari Amerikani qalu li niżllu ‘the mother of all bombs’, litterlament l-omm ta’ kull bomba li qatt tniżżlet qabel, fl-Afganistan. Hija bomba ta’ 9,800 kilogramma li tniżżlet fuq mina li tintuża minn militanti tal-Istat Iżlamiku. L-isem tekniku tagħha huwa GBU-43/B Massive Ordnance Air Blast Bomb, jew aħjar MOAB. Skont il-Pentagon, tniżżlet minn ajruplan Amerikan fil-provinċja Nangarhar.

Din l-aħbar tasal sigħat biss wara li l-Pentagon ammettew attak fl-ajru fis-Sirja qatel 18-il ribell bi żball. Il-forza li ntużat fis-Sirja suppost kellha tkun fuq post partikolari tal-IS, iżda minflok inqatlu fibelli mil-Forzi Demokratiċi Sirjani, li għandhom appoġġ minn Washington.

Send this to a friend