Sparatura – One News

Notifiki

Żewġ missili jolqtu tanker taż-żejt Iranjan

Żewġ missili laqtu tanker taż-żejt Iranjan qrib il-kosta tal-Arabja Sawdija u kkawżaw ħsarat fuq ż-żewġ tankijiet ewlenin tal-ħażna tal-bastiment. Kawża ta’ dan l-attakk qed joħroġ iż-żejt fil-Baħar l-Aħmar. Ħadd ma weġġa’ f’dan l-inċident. Il-bastiment bla isem, li allegatament huwa tal-kumpanija taż-żejt nazzjonali Iranjana, l-NOIC, kien 60 mil mill-belt Jeddah. Aqra aktar

Joqtol erba’ uffiċjali tal-Pulizija barra d-depot f’Pariġi

Aggressur inqatel b’tiri minn arma tan-nar wara li attakka u  qatel erba’ uffiċjali tal-pulizija b’sikkina barra l-kwartieri ġenerali fiċ-ċentru ta’ Pariġi. Jidher li l-aggressur, li allegatament kien impjegat tad-diviżjoni tal-intelliġenza tal-pulizija Franċiża għal 20 sena, daħal fl-uffiċċju tiegħu u ħebb għall-kollegi tiegħu b’sikkina. Il-Pulizija eventwalment sparat tiri fuq l-aggressur u qatlitu.

Bosta persuni li dak il-ħin kienu fil-viċinanzi kellhom jingħataw il-kura fuq il-post. Il-President Emmanuel Macron, il-Prim Ministru Edouard Phillipe u l-Ministru Christophe Castaner ilkoll kienu preżenti fuq il-post. L-inħawi magħrufa bħala île de la Cité, ftit ‘il bogħod mill-katidral ta’ Notre Dame, ingħalqu għall-pubbliku.

Dan l-attakk seħħ jum biss wara li l-Pulizija Franċiża mexxiet strajk madwar il-pajjiż kontra l-vjolenza fil-konfront ta’ uffiċjali tal-pulizija fost l-oħrajn.

Raġel li qal li huwa għalliem imgiddeb f’Qorti Amerikana b’rabta mal-massakru fuq skola f’Santa Fe, Texas

David Briscoe, ir-raġel li qal li huwa sostitut tal-għalliema, qatt ma ħadem fl-iskola ta’ Sante Fe f’Texas, l-Istati Uniti. L-istess skola fejn f’Mejju tal-2018 inqatlu mal-għaxar persuni f’sensiela ta’ sparaturi. Din l-informazzjoni ħarġet minn Qorti f’Texas, iżda xi mezzi tax-xandir laħqu ppubblikaw il-gideb tiegħu.

Briscoe kien stqarr li pproteġa lill-istudenti waqt l-attakk wara li sema’ ħafna twerżiq u sparar, waqt li kien qiegħed jagħti lezzjoni tal-Ingliż. Spjega wkoll kif hu ta struzzjonijiet lill-istudenti biex jinżlu mal-art, filwaqt għalaq l-entratura tal-klassi bl-imwejjed u tefa’ d-dawl. Briscoe qal li dak il-ħin li damu biex ħarġu mill-iskola dehru qishom sigħat twal, iżda fil-fatt damu biss bejn 30 u 45 minuta.Aqra aktar

Send this to a friend