rota – One News

Notifiki

Żagħżugħ ta’ 17-il sena ferut gravi wara li tilef il-kontroll tar-rota u ħabat ma’ ‘bollard’

Żagħżugħ ta’ 17-il sena minn Ħaż-Żabbar qed isofri minn ġrieħi gravi wara li tilef il-kontroll tar-rota li kien qiegħed isuq u ħabat ma’ bollard. 

L-inċident seħħ għall-ħabta tal-10:15pm tat-Tlieta fi Triq Santa Tereża, Bormla. Fuq il-post issejjaħ tim mediku mill-Isptar Mater Dei li ħa lill-vittma l-isptar għal aktar kura. Aktar tard huwa ġie ċċertifikat li qed isofri minn ġrieħi gravi. Aqra aktar

Arrestat wara li seraq rota

Antoine Mallia ta’ 42 sena minn Ħaż-Żebbuġ deher quddiem il-Maġistrat Gabriella Vella wara li ġie akkużat li seraq rota. Huwa kien akkużat ukoll li kiser il-kundizzjonijiet tal-libertà proviżorja.

Aqra aktar

Il-parteċipanti tal-LifeCycle Challenge jiltaqgħu mal-Prim Ministru

Il-Prim Ministru Joseph Muscat u martu Michelle Muscat iltaqgħu ma wħud mill-parteċipanti li se jkunu qed jipparteċipaw fi sfida diffiċli.

Sfida organizzata mill-Lifecycle u din is-sena se ssir fil-Kenya u t-Tanzania.

Din se tkun waħda mill-aktar sfidi diffiċli li għamlu l-parteċipanti tal-Lifecycle sa issa dan minħabba n-numru ta’ tlajja li se jiltaqgħu magħhom f’din l-isfida bir-roti.

Matul din l-isfida se jkunu qed jinġabru fondi b’risq il-pazjenti li għandhom kundizzjoni medika fil-kliewi u b’risq il-grupp li joffri sapport lil persuni li jkollhom bżonn trapjant.

Il-parteċipanti se jkunu qed jaqdfu għal 2000 kilometru bejn l-14 u t-18 ta’ Lulju.

Aqra aktar

Raġel li kien għaddej fuq rota l-Mellieħa milqut minn quadbike

Illum għall-ħabta tas-siegħa u nofs, il-Pulizija  ġiet infurmata li kien hemm bżonn l-assistenza tagħha ġewwa Triq Ġorġ Borġ Olivier, Mellieħa.

Raġel ta’ 39 sena, li jirrisjedi Birkirkara, waqt li kien għaddejj fuq ir-rota, ġie milqut minn quadbike misjuq min raġel ta’ 57  sena, li jirrisjedi Poala.

Fuq il-post ġiet imsejħa ambulanza li ħadet lir-raġel ta’ 39 sena ġewwa l-isptar Mater Dei għall-aktar kura meħtieġa. Huwa ġie ċċertifikat li għandu ġrieħi gravi.

L-investigazzjonijiet tal-Pulizija għadhom għaddejjin.

 

Ġuvni fuq rota jintlaqat minn ġuvni ieħor b’vann

Illum għall-ħabta tat-tlieta neqsien għaxra ta’ filgħodu, seħħ inċident fi Triq Kordin, Raħal Ġdid.

Ġuvni ta’ 28 sena, li jirrisjedi l-Isla kien għaddejj fuq ir-rota,meta ġie milqut minn vann Tata misjuq min ġuvni ta’ 27  sena, li jirrisjedi l-Isla.

Fuq il-post ġiet imsejħa ambulanza li ħadet lill-ġuvni ta’ 28 sena ġewwa l-isptar Mater Dei għall-aktar kura meħtieġa. Huwa ġie ċċertifikat li għandu ġrieħi gravi.

L-investigazzjonijiet tal-Pulizija għadhom għaddejjin.

SEGWI HAWN! L-ewwel Malti li għamel backflip b’rota BMX

Karl Naja riċentament sar l-ewwel Malti li jagħmel backflip b’rota tal-BMX meta huwa rnexxielu jagħmel dan nhar il-Ġimgħa 17 ta’ Frar 2017 fl-Indoor Skate Park ta’ Pembroke.

Naja li għandu 27 sena beda jsuq il-BMX fis-sena 2004. Minn meta kien ta’ eta żgħira huwa kellu mħabba għar-rota u kien meta xi ħbieb ħaduh it-trakka tal-BMX f’Pembroke li huwa ħass li dan huwa l-isport addattat għalih. Immedjatament huwa beda jfaddal l-flus biex jixtri r-rota addatta għal BMX. Appena huwa xtara rota Haro beda imur tlieta  jew erba’ darbiet kull ġimgħa jipprattika dan l-isport minfejn kien jitlaq kull darba bl-istess rota minn tas-Sliema sa Pembroke.

Aqra aktar

“Issa mmur bir-rota!” – realtà għal ċertu negozji Maltin

It-traffiku jinħass. Jgħidlek l-aktar minn dalgħodu sabha ftit diffiċli jasal għax-xogħol fil-ħin. Ħafna drabi ngħidu “mur bir-rota” bħal donnha xi ċajta, iżda għal tliet negozji Maltin, din m’hi ċajta xejn.

Bicycling Advocacy Group għadu kemm ħareġ dawk li jsejħulhom Awards for Business Cycling. Tliet ċertifikati ngħataw lil intrapriżi li qed isibu alternattivi vijabbli għall-użu tal-karozzi.

Fosthom hemm il-kumpanija Nextbike (Malta), li ħarġet b’sistema innovattiva għall-aħħar ta’ kif wieħed jista’ juża roti pubbliċi. Infatti r-roti blu u griżi sirna narawhom aktar minn qabel fit-toroq Maltin u Għawdxin.

Aqra aktar

Send this to a friend