PN – Page 4 – One News

Notifiki

Arrigo jgħid li Debono qed iwaqqa’ l-PN fil-baxx

Il-Kordinatur Politiku tal-Partit Nazzjonalista Jean Pierre Debono qiegħed iwaqqa’ lill-Partit Nazzjonalista fil-baxx. Hekk iddikjara l-Viċi Kap Nazzjonalista Robert Arrigo. Arrigo għamel din id-dikjarazzjoni iebsa fuq il-profil ta’ Facebook ta’ Maria Portelli li ikkontestat l-elezzjoni ġenerali fuq id-distrett ta’ Għawdex.

Il-ġimgħa li għaddiet is-Segretarju Ġenerali tal-Partit Nazzjonalista Clyde Puli kellem lil Portelli sabiex iħeġġiġha tieħu s-siġġu parlamentari flok David Stellini, li irrizenja mill-Parlament. Dan minħabba l-fatt li l-fazzjoni tal-Kap Nazzjonalista Adrian Delia ma riditx lil Kevin Cutajar jiġi elett fil-Parlament.

Maria Portelli ħarġet tappoġġja lil Kevin Cutajar u weġibha Robert Arrigo.

Huwa kiteb – Hekk hu ġust u xieraq. Qatt u qatt ma kellna ninżlu baxx daqshekk minħabba Jean Pierre Debono. Il-battibekk bejn Arrigo u Jean Pierre Debono ilu għaddej aktar minn ġimgħa.
Il-ġimgħa li għaddiet f’botta diretta lejn Jean Pierre Debono Arrigo għalaq billi talab għar-riżenja ta’ dak li ddeskriva bħala “xitan”. Aktar kmieni matul il-jum Arrigo saħansitra qabbel lil Jean Pierre Debono u lil martu Kristy Debono ma’ lpup.

Puli jattakka lil Busuttil b’Marlene – daħħalitna l-lifa f’ħobbitna

Is-Segretarju Ġenerali tal-Partit Nazzjonalista Clyde Puli ħareġ jattakka lill-eks Kap Nazzjonalista Simon Busuttil, li meta kien Kap tal-partit għamel koalizzjoni ma’ Marlene Farrugia. Puli xerred filmat ta’ Marlene Farrugia fuq l-ispalla tgħid kliem dispreġjattiv dwar il-Partit Nazzjonalista. Dan wassal biex Clyde Puli jattakka lil min iddeċieda li jġib lil Marlene Farrugia fil-Partit Nazzjonalista. Botta diretta lejn Simon Busuttil.Aqra aktar

Puli u Casa f’konfront dirett

Konfront dirett u jaħraq fil-laqgħa tal-grupp parlamentari tal-Partit Nazzjonalista kien dak bejn l-ewroparlamentari Nazzjonalista David Casa, u s-Segretarju Ġenerali tal-Partit Nazzjonalista Clyde Puli.

Casa huwa urtat għax ma tħallix Kap tad-Delegazzjoni tal-Partit Nazzjonalista fil-Parlament Ewropew u postu ħaditu Roberta Metsola. Casa jidher li ħalef li lit-tmexxija u l-grupp ta’ Delia ma jagħtihomx nifs.  Fil-fatt fil-laqgħa tal-grupp parlamentari Nazzjonalista dwar it-telfa ta’ Mejju li għadda Casa allega li t-tmexxija ma riditux elett.Aqra aktar

Mill-grupp tal-PN: Said urtat b’Mifsud Bonnici

Fost l-argumenti li qamu f’laqgħa tal-Grupp Parlamentari Nazzjonalista li saret ilbieraħ reġa’ kien hemm ieħor ma’ Chris Said. Id-Deputat Għawdxi li fl-aħħar ġimgħat kien iebes fi kliemu kontra l-Kap Adrian Delia jidher li kien imwarrab meta l-PN ġie biex jieħu l-pożizzjoni tiegħu dwar l-emendi fuq il-ħatra tal-Avukat Ġenerali. Saħansitra, Chris Said qal li jħossu mweġġa’ bil-fatt li kien injorat u l-anqas ikkonsultat dwar x’pożizzjoni għandu jieħu l-Partit Nazzjonalista fuq il-bidliet li qed jipproponi l-Gvern.

Fil-fatt, f’isem il-PN fil-Parlament, tkellem fit-tul Carm Mifsud Bonnici, eks Ministru tal-Ġustizzja li llum huwa l-kelliem ewlieni għall-Affarijiet Barranin. Mifusd Bonnici huwa qrib ħafna ta’ Adrian Delia u kien il-bniedem li ġie kkonsultat meta Delia keċċa għal ftit żmien lil Simon Busuttil mill-grupp parlamentari.

Fil-fatt fil-Parlament kien l-istess Mifsud Bonnici li tkellem fit-tul u ħabbar li l-Oppożizzjoni Nazzjonalista se tivvota kontra minkejja li Chris Said huwa r-rappreżentant tal-PN fuq kumitat għall-bidliet tal-kostituzzjoni.
Dan kien biss battibekk wieħed minn laqgħat li tant kienet taħraq li kellha tiġi aġġoranta għal lum. Bl-aħbar ewlenija tkun li din kienet laqgħa inkonklussiva li li ma waslet għal imkien.

Delia jrid ineħħi lil Puli minn Segretarju Ġenerali

F’mument li l-Partit Nazzjonalista ġarrab l-ikbar telfa fl-elezzjonijiet tal-Parlament Ewropew, fejn saħansitra tilef it-tielet s-siġġu, il-Kap Nazzjonalista Adrian Delia ma jridx aktar lil Clyde Puli fil-kariga ta’ Segretarju Ġenerali.

Waqt il-programm Dissett, Adrian Delia qal li ma jridx lis-Segretarju Ġenerali tal-Partit Nazzjonalista jkun ukoll Deputat elett fil-Parlament. Dikjarazzjoni li bosta interpretawha li Delia se jibda b’manuvra sabiex iwarrab lil Clyde Puli minn Segretarju Ġenerali wara l-akbar telfa elettorali li ġarrab il-Partit Nazzjonalista.Aqra aktar

Ivan Bartolo: “Il-PN jinsab bla pjan”

Bil-Partit Nazzjonalista spiċċa bil-kanuni fi ħdanu, bil-fazzjonijiet differenti jisparaw fuq xulxin, l-eks kandidat Nazzjonalista Ivan Bartolo kompla janalizza s-sitwazzjoni li jinsab fiha l-partit ta’ Adrian Delia wara t-telfa kbira li ġarrab fl-elezzjoni tal-Parlament Ewropew.Aqra aktar

ARA: Pressjoni kbira bejn il-Captain u l-Coach

L-amministrazzjoni tal-Partit Nazzjonalista, l-aktar is-Segretarju Ġenerali Clyde Puli u l-Kap tal-Midja tal-Partit Pierre Portelli spiċċaw fil-mira ta’ kritika qawwija mill-għeruq tal-partit fil-bidu tal-kampanja elettorali li l-PN nieda fil-lejl ta’ bejn il-Ħadd u t-Tnejn li għadda.

Artiklu li deher fil-gazzetta Kullħadd spjega kif l-attakki kontra Puli u Portelli qegħdin isiru fid-Dar Ċentrali u gruppi magħluqa fuq il-midja soċjali. Puli u Portelli spiċċaw jiddefendu l-istrateġija tal-Partit Nazzjonalista għall-elezzjonijiet tal-Parlament Ewropew, minħabba li huma l-perċimes fit-tfassil tal-kampanja elettorali. Dan filwaqt li d-Deputat Kap għall-Affarijiet tal-Partit Robert Arrigo ma kellux għażla oħra ħlief li joħroġ għonqu biex jiddefendi, u min-naħa l-oħra biex jikkalma l-irjus tal-għeruq u tat-tesserati tal-Partit li mhux qed jaqblu mal-istrateġija tal-Partit li minnhom Arrigo jrid ikompli jiġbor il-flusAqra aktar

Adrian Delia: “Dawk li jivvutaw lill-PN huma Maltin ta’ vera”

F’ġimgħa oħra kkaraterizzata minn inkwiet intern għall-Partit Nazzjonalista, il-Kap Nazzjonalista Adrian Delia reġa’ ikkonferma l-qasma fil-partit, riżultat tal-inkompetenza tiegħu li f’sena u seba’ xhur baqa’ ma kienx kapaċi jmexxi u jgħaqqad partit.

Fil-kazin Nazzjonalista tas-Siġġiewi, tkarrab sabiex il-Partit Nazzjonalista jitkellem b’leħen wieħed, dan f’mument fejn il-fazzjoni ta’ Delia ma jarawx għajn m’għajn u ma jikkoperawx mal-fazzjoni tal-eks Kap Nazzjonalista Simon Busuttil.Aqra aktar

Iwaħħlu f’xulxin għall-inkwiet intern fil-PN

Il-qasma kbira li kompliet toħnoq it-tmexxija tal-Kap Nazzjonalista Adrian Delia issa saħansitra wasslet lil dawk l-aktar qrib tiegħu sabiex ifittxu impjiegi alternattivi oħra għal wara Mejju.

Fl-istess ħin, dawk li ġejjin mill-fazzjonijiet opposti u li minn dejjem opponew b’qawwa liema bħalha t-tmexxija ta’ Delia qed iħejju  biex wara dan l-appuntament elettorali li jmiss jkomplu jħarxu l-attakk fil-konfront tal-Kap u n-nies tiegħu.

Dan qalitu l-gazzetta MaltaToday fejn fil-faċċata ta’ quddiem spjegat kif il-laqgħa ta’ bejn Kristy Debono uHerman Schiavone ma’ persuna kkritikata mill-istss partit kompliet twessa’ l-qasma fi ħdan il-Partit Nazzjonalista b’deputati jwaħħlu f’xulxin għall-ġlied intern fl-istess partit. Aqra aktar

Send this to a friend