PN – One News

Notifiki

Iwissu lil Delia biex joqgħod attent

Il-Kap Nazzjonalista Adrian Delia, ġie mwissi min-nies ta’ madwaru biex joqgħod attent kemm, kif u fuq min jitkellem. Irrappurtat dan il-gazzetta Kullħadd li qalet li dan qed isir għal diversi raġunijiet, b’ħafna fl-Istamperija huma konxji li dak kollu li jgħid il-Kap tal-Oppożizzjoni jista’ jdur kontra tiegħu u saħansitra kontra l-Partit Nazzjonalista fi żmien mhux imbiegħed.Aqra aktar

Ta’ Delia u ta’ Busuttil jiġġieldu fuq min se jieħu kontroll tal-MŻPN

Fil-Moviment Żgħażagħ Partit Nazzjonalista reġgħu skattaw il-problemi. Dan minħabba li l-fazzjoni ta’ l-Eks-Kap tal-Partit Nazzjonalista Simon Busuttil hija determinata li ma titlfix il-kontroll tal-MŻPN u għalhekk qed tara li biex hekk kif jibda jaħseb biex jispiċċa l-President attwali, Joseph Grech, iddaħħal kandidat ieħor minn tagħha.

Il-gazzett Kullħadd irrapurtat kif Clyde Puli u l-fazzjoni ta’ Adrian Delia b’mod ċar għall-aħħar kienu qed jippreparaw liż-żagħżugħ Thomas De Martino li fl-aħħar xhur mexxa dak magħruf bħala Team Start. Fergħa taż-żgħażagħ li nħolqot biex tiġġieled lill-MŻPN. Dan għax Delia kien baqa’ ma sabx appoġġ miż-żgħażagħ tal-Partit li jmexxi hu stess. De Martino ħoloq tim madwaru li bih issa jrid jieħu kontroll tal-fergħa ewlenija tal-partit, iżda ta’ Busuttil qed jiġru wara Gabriel Micallef biex ikun hu l-kandidat għall-President tal-MŻPN.

Micallef, kunsillier il-Mellieħa hu meqjus bħala lealissimu għall-fazzjoni ta’ Busuttil. Il-fazzjoni ta’ Busuttil bħalissa qed taħdem bis-sħiħ sabiex ikollha swaba’ mdeffsin f’kull fazzjoni biex meta jiġi l-mument li jerġa’ jkun imminat il-Kap ikollhom appoġġ mill-iktar wiesa’. Is-Sajf li għadda wara t-telfa fl-elezzjoni tal-Parlament Ewropew il-fazzjonijiet fiż-żgħażagħ tal-Partit Nazzjonalista ħarġu qatta’ bla ħabel konta xulxin. Fejn mhux biss ħarġu żewġ rapporti fuq din l-istess telfa biex wieħed jgħid li tort ta’ Delia u l-fazzjoni l-oħra tisħaq li mhux il-każ. Saħansita l-ġlieda kompliet il-qofol tagħha bis-sħiħ fuq Facebook.

F’mument minnhom il-Viċi President tal-MŻPN, Nicky Azzopardi għajjar lill-President ta’ Team Start Thomas De Martino bħala handbag wara li ħareġ jattakka lil żagħżugħa li ppreżentat il-petizzjoni biex jittieħed vot fit-tmexxija ta’ Delia.  Dakinhar De Martino, kien tefa’ botta u staqsa b’mod ċiniku jekk din hix li ttella’ fuq Instagram favur l-abort. Hawnhekk wieġbu Azzopardi u qallu li tinduna kemm il-problema hija traġika meta l-okkupanti ta’ wara l-fortizza tat-tieni sular, jibagħtu l-handbag tagħhom biex jattakkaw membri tal-partit b’mod personali. Żied jakkużah li lanqas huma denji jew kapaċi jmexxu l-fergħa li għandhom li sejħilha klabb tal-ħamiem ta’ ħames min-nies.

Mill-ewwel irreaġixxa Thomas De Martino li għajjar lil Azzopardi keychain.  De Martino qal lil Azzopardi – “Il-keychain jgħajjar lil ħaddieħor handbag. Mela waqt il-kampanja elettorali li matulha l-partit tkellem bis-saħħa kontra l-abort, tiġi ħabibtek u titkellem favurih. Ara kif ġibtuha diżastru fergħa,” qal il-President ta’ Team Start, b’referenza għall-MŻPN. Dakinhar Nicky Azzopardi wieġeb lil De Martino u għajru kaboċċa, biex il-fergħat taż-żgħażagħ fi ħdan il-Partit Nazzjonalista komplew juru li huma xempju tal-qasma fonda li għadha hemm fil-Partit imexxi minn Adrian Delia.

Il-PN se jagħlaq is-sena mingħajr kaxxier


Tliet xhur ma kinux biżżejjed biex il-Partit Nazzjonalista jsib min jimla’ l-kariga ta’ kaxxier fl-amministrazzjoni tiegħu biex hekk, il-partit imexxi minn Adrian Delia se jagħlaq is-sena mingħajr teżorier. Dan minkejja li sal-Ħadd li għadda reġa’ kien qed jiġbor l-eluf mingħand in-nies. Il-Partit Nazzjonalista baqa’ b’dik il-kariga battala anke jekk din hi kariga li tirriżulta mil-liġi tal-finanzjament tal-parititi u hija meqjusa bħala waħda importanti ħafna fil-kuntest ta’ liġi li hi maħsuba biex tiggarantixxi t-trasparenza.

Il-Partit Nazzjonalista ilu żmien biex isib persuna idonja għal din il-kariga. Dan riżultat tal-problemi finanzjarji li għandu. Il-Kap Adrian Delia u s-Segretarju Ġenerali Clyde Puli għamlu sforzi kbar biex isibu isem anke jekk għal fuq il-karta biss. Sorsi fl-istamperija qalu li issa ngħatat id-data ta’ Marzu jew April bħala t-tentattiv li jmiss sa meta tinstab din il-persuna.

Fis-sajf il-Partit Nazzjonalista spiċċa b’persuna li ma kellha ebda esperjenza għal din il-kariga. Tant li l-aħħar kaxxier Antoine Zammit ma dam mill-Milied sa San Stiefnu hekk kif kellu jirriżenja xahar biss wara li nħatar. L-imkejjen tagħna kienu spjegaw sa mill-ewwel jum li ma kienx tal-qatgħa, iżda Delia ma kellux għażla. Zammit kien umiljat għax mar jitlob parir fuq il-banking. Fil-fatt kellu jirrikorri għall-għajnuna ta’ grupp ristrett għan-Nazzjonalisti fuq Facebook. F’dan il-kuntest, il-fazzjoni ta’ Busuttil kienet diġà bdiet turi dubji kbar dwar il-ħiliet fil-finanzi ta’ Zammit biex jipprova jfejjaq is-sitwazzjoni finanzjarja mwiegħra li jinsabu fiha l-Partit Nazzjonalista.

Eventwalment Zammit kellu jirriżenja wara li ONE News kixef kif kien tella’ filmati fuq Youtube wara li l-kaxxa li tipprovdi xandir illegali ta’ eluf kbar ta’ stazzjonijiet waqfet turi l-films pornografiċi. Fl-istess waqt li l-kaxxier ta’ Adrian Delia kien qiegħed jagħti dawn l-istruzzjoniet, l-awtoritajiet Ewropej kienu qegħdin iwettqu ħidma sabiex iwaqqfu dan l-operat illegali ta’ xandir.

Metsola favur pajjiżi oħra, iżda kontra Malta!

It-Tnejn li għadda kellu jittieħed il-vot fuq it-tielet viċi president tal-Kumitat għal-Libertajiet Ċivili, il-Ġustizzja u l-Affarijiet Interni tal-Parlament Ewropew. Iżda, il-vot ma tteħidx. Dan għaliex kif il-Gazzetta kulħadd żvelat nhar il-Ħadd li għadda, l-ewroparlamentari Nazzjonalista, Roberta Metsola, baqgħet tippersisti li tressaq isem li hu meqjus mhux aċċettabbli.

Din hi t-tieni darba li l-vot kellu jkun pospost u l-kumitat baqa’ mingħajr it-tielet viċi president tiegħu, li issa ilu nieqes għal diversi xhur minħabba l-ebusija tar-ras ta’ Roberta Metsola.  Aqra aktar

Send this to a friend