PM – Page 2 – One News

Notifiki

ARA: Il-PM Joseph Muscat f’laqgħa bilaterali mal-PM tal-Indja Narendra Modi

Il-Prim Ministru Joseph Muscat kellu laqgħa bilaterali mal-Prim Ministru tal-Indja Narendra Modi waqt li qed jattendi s-Summit, Vibrant Gujarat 2019 f’Ahmedabad, Gurjarat, l-Indja.

Waqt din il-laqgħa ġew diskussi diversi punti ta’ interess għaż-żewġ pajjiżi fosthom il-qasam tal-farmaċewtika fejn f’pajjiżna hemm diġa’ presenza ta’ kumpaniji Indjani li jaħdmu fil-qasam. Ġew diskussi l-vantaġġi li toffri Malta f’dan il-qasam.Aqra aktar

Il-PM ta’ Franza bi ħsieb li jikkastiga lil min organizza l-protesti madwar il-pajjiż

Il-Prim Ministru Franċiż Edouard Philippe ħabbar pjanijiet biex jikkastiga nies li jorganizzaw protesti, wara seba’ gimgħat ta’ inkwiet fil-konfront tal-gvern.

Il-gvern ta’ Philippe jrid jabbozza leġislazzjoni ġdida li tipprojbixxi lil dawk li jfasslu l-problemi minn protesti u jrażżan l-ilbies tal-maskri waqt id-dimostrazzjonijiet.

Huwa qal li tmenin elf membru tal-forzi tas-sigurtà se jkunu fuq xogħolhom, lesti għall-mewġa ta’ protesti li hemm mistennija għall-jiem li ġejjin.

Il-PM Joseph Muscat fi Vjenna għal laqgħa bejn il-mexxejja tal-UE u tal-pajjiżi Afrikani

Il-Prim Ministru Joseph Muscat se jkun qed jattendi Laqgħa tal-Livell Għoli bejn mexxejja tal-Unjoni Ewropea u mexxejja ta’ pajjiżi Afrikani, fi Vjenna. Il-laqgħa ssejħet mill-Kanċillier Awstrijak, Sebestian Kurz, li fl-istess ħin qed imexxi l-Presidenza Awstrijaka tal-Kunsill tal-Unjoni Ewropea.

Il-Kanċillier Kurz qal li l-Unjoni Ewropea ma tistax tibqa’ tiffoka biss fuq l-immigrazzjoni bħala sifda fil-pajjiżi Afrikani, iżda għandu jiġi pprovdut spazju biex tkun żgurata l-prosperità u l-kompetittività fiż-żewġ kontinenti.Aqra aktar

“Moviment ta’ bidla istituzzjonali wkoll”- il-PM

Storikament qatt ma kien hawn moviment f’pożizzjoni tajba li jwettaq il-bidla.

Stqarr dan il-Prim Ministru Joseph Muscat meta fisser kif il-moviment Laburista jaħseb għall-futur billi ma jibżax ibiddel.

Huwa qal dan waqt li tkellem dwar il-bidliet fil-kostituzzjoni tal-pajjiż u l-proposta tal-Parlament Ewropew li tiġi l-Kummissjoni Venezja bħala entità indipendenti li tara x’inhuma s-sistemi ta’ pajjiżna.Aqra aktar

“Sena b’investiment f’infrastruttura għall-futur” -JM

Fl-aħħar attività politika għal din is-sena, il-Prim Ministru Joseph Muscat tkellem dwar kif matul din is-sena l-pajjiż għamel investiment kbir fl-infrastruttura tal-pajjiż u wera li nbidlet totalment il-paġna ta’ kif isir l-investiment f’dan il-qasam.

Infrastruttura li tinkludi t-toroq, iżda mhux biss.Aqra aktar

Il-PM ifakkar it-twelid tal-ewwel PM tal-Gvern Kolonjali Ingliż, Joseph Howard

Il-Prim Ministru Joseph Muscat fakkar il-156 anniversarju mit-twelid tal-ewwel Prim Ministru tal-Gvern Kolonjali Ingliż, Joseph Howard.

Wara li serva bħala uffiċjal fl-Akkademja tal-Militar Franċiż, Howard kien elett fil-Kunsill tal-Gvern fuq nomina tal-Partito Patriottico ta’ dak iż-żmien. Kien elett fis-Senat fl-1921 tal-ewwel Parlament Malti, fejn hemmhekk okkupa l-kariga ta’ Prim Ministru. Huwa mexxa l-Gvern sal-1923 bl-appoġġ tal-Partit Laburista.Aqra aktar

RITRATTI: Il-PM jinawgura l-grawnd tal-futbol f’Birżebbuġa

Minkejja l-Maltemp li ppersista matul il-jum, kienet ġurnata mill-isbaħ għall-lokalità ta’ Birżebbugia hekk kif ġie inawgurat grawnd tal-futbol attrezzat b’dak kollu meħtieġ għal dawk dilettanti tal-logħba tal-futbol.

Proġett minn Sport Malta li ġie inawgurat mill-Prim Ministru Joseph Muscat b’investiment ta’ ftit iktar minn żewġ miljun ewro u li jimmarka wegħda oħra mwettqa mill-Gvern.

Waqt l-inawgurazzjoni, il-Prim Ministru saħaq li dan il-Gvern huwa impenjat bis-serjetà li jinvesti fil-faċilitajiet sportivi tant li din is-sena biss nefaq €13-il miljun. Dan għal kuntrarju ta’ dak li kien isir fi żmien amministrazzjonijiet preċedenti, fejn kienu jintefqu madwar €5 miljun biss f’sena.Aqra aktar

Send this to a friend