parlament ingliz – One News

Notifiki

Illum se jerġa’ jibda jitlaqqa’ l-Parlment Ingliż

Il-Membri Parlamentari Ingliżi se jirritornaw lura fil-Parlament wara li l-Qorti Suprema ddeċidiet li s-sopensjoni tal-Parlament li talab il-Prim Ministru Ingliż, Boris Johnson, kienet illegali. Il-Prim Ministru qal li minkejja li ma jaqbilx mad-deċiżjoni li ttieħdet it-Tlieta, se jirrispetaha. Johnson se jirritorna lura l-Ingilterra kmieni mis-Summit tan-Nazzjonijiet Uniti li qed isir fi New York. Aqra aktar

Boris Johnson b’wegħda friska għal ftehim dwar Brexit

Il-Prim Ministru Ingliż Boris Johnson wiegħed li se jagħmel l-aħjar li jista’ biex jikseb ftehim mal-Unjoni Ewropea dwar Brexit sal-31 ta’ Ottubru li ġej. Dan sigħat wara li deċiżjoni tiegħu li jissospendi l-Parlament Ingliż ix-xahar id-dieħel xprunat rabja kbira f’pajjiżu, tant li saret petizzjoni li fi ftit sigħat ġabret mal-miljun firma. Aqra aktar

Jieqfu d-diskussjonijiet dwar Brexit jum qabel vot f’Westminster dwar l-abbozz tat-tluq

Diskussjonijiet dwar Brexit bejn ir-Renju Unit u l-Unjoni Ewropea għadhom ma komplewx, skont l-Uffiċċju tal-Prim Ministru Ingliż f’Downing Street, minkejja li baqa jum biss biex jittieħed vot fil-Parlament Ingliż dwar l-abbozz tat-tluq.

Il-Prim Ministru Theresa May tkellmet mal-President tal-Kummissjoni Ewropea Jean-Claude Juncker il-Ħadd filgħaxija wara li jiem ta’ diskussjoni bejn iż-żewġ partijiet ma wasslu għall-ebda soluzzjoni. Dawn id-diskussjonijiet mistennija jkomplu t-Tnejn bil-ħsieb li jkunu ffinalizzati t-tibdiliet meħtieġa qabel il-vot tat-Tlieta f’Westminster.

Ir-Renju Unit mistenni jitlaq b’mod uffiċjali mill-Unjoni Ewropea fid-29 ta’ dan ix-xahar.

Il-Parlament Ingliż jivvota bil-qawwa kontra Brexit

Il-Parlament Ingliż ivvota kontra l-ftehim maqbul bejn il-Prim Ministru Ingliż Theresa May u l-Unjoni Ewropea dwar Brexit.

B’202 favur u 432 vot kontra, kif mistenni kien hemm oppożizzjoni qawwija għall-ftehim ta’ Brexit. F’indirizz li għamlet eżatt wara li nqara l-vot, il-Prim Ministru Theresa May qalet li tirrispetta d-deċiżjoni tal-vot fil-Parlament.

Minkejja dan qalet li r-rappreżentanti tal-poplu Ingliż għandhom ukoll jirrispettaw ir-rieda tal-poplu f’Ġunju ta’ tliet snin ilu vvutaw favur Brexit. Il-mexxej tal-Partit Laburista Ingliż Jeremy Corbyn saħaq li dan kien vot ta’ sfiduċja fil-Gvern ta’ May. Qal li dan kien l-akbar vot fejn Gvern ġie sfiduċjat f’100 sena.

Huwa ressaq mozzjoni ta’ vot ta’ sfiduċja fil-Gvern Ingliż u din se tiġi diskussa għada.

Send this to a friend