Owen Bonnici – One News

Imħabbar il-programm ta’ ŻfinMalta 2019-2020

Il-kumpanija nazzjonali taż-żfin, ŻfinMalta, li taqa’ fi ħdan il-Ministeru għall-Ġustizzja, Kultura u Gvern Lokali, għadha kif ħabbret l-istaġun 2019-2020 tagħha. Mill-bidu tagħha, il-kumpanija ħadmet lejn aktar għarfien dwar iż-żfin kontemporanju fil-gżejjer tagħna. Il-kumpanija taħdem mal-aqwa żeffiena u koreografi, kemm fuq livell lokali kif ukoll dinji biex toħloq produzzjonijiet ġodda u innovattivi ta’ livell artistiku għoli. Aqra aktar

Ser jiġi rrestawrat ir-Ridott ta’ San Ġorġ f’Birżebbuġa

Il-Ministru għall-Ġustizzja, Kultura u Gvern Lokali Owen Bonnici żar ir-Ridott ta’ San Ġorġ, li se jiġi rrestawrat mid-Direttorat tar-Restawr fi ħdan il-Ministeru għall-Ġustizzja, Kultura u Gvern Lokali. Ir-ridott se jiġi rrestawrat grazzi għall-Iskema ta’ Xogħlijiet ta’ Restawr għall-Kunsilli Lokali.Aqra aktar

The Travellers, Skald u Mistura fost it-talenti lokali f’Għanafest 2019

The Travellers, Skald u Mistura, fost l-oħrajn, se jkunu qegħdin jagħtu spettaklu uniku waqt l-Għanafest ta’ din is-sena, li se tkun qiegħda ssir llejla 21 ta’ Ġunju u għada 22 ta’ Ġunju fi Ġnien l-Argotti fil-Furjana.

Il-Ministru Owen Bonnici żar l-aħħar preparamenti, fosthom il-provi ta’ The Travellers li se jkunu qed jagħtu spettaklu llejla fl-Argotti. Permezz ta’ festivals bħall-Għanafest, qegħdin nagħtu spazju xieraq lit-talent lokali biex jimraħ u jsaħħaħ il-karriera mużikali tiegħu, filwaqt li nkomplu nippromwovu l-aċċessibbiltà għall-avvenimenti kulturali Maltin ta’ kwalità għolja.Aqra aktar

Il-Gvern ċar dwar punti li tqajmu f’artiklu dwar ir-riformi mill-Kummissjoni Venezja

Fi stqarrija b’risposta għall-artiklu mill-eks Dekan tal-Fakultà tal-Liġi fi ħdan l-Università ta’ Malta, il-Ministru għall-Ġustizzja Owen Bonnici kkoreġa punti li tqajmu b’rabta mar-riformi mill-Kummissjoni Venezja. Filwaqt li l-Gvern fisser kitbet il-Professur Kevin Aquilina bħala kritika leġittima, saħaq li parir legali li għandu juri biċ-ċar li l-fatt li l-Avukat Ġenerali se jkun preżenti fil-kumitat li jaħtar il-ġudikanti mhuwiex ksur tal-att tal-liġi ta’ Strasburgu.

L-istqarrija mill-Ministeru tal-Ġustizzja żżid tgħid li ż-żewġ kumitati responsabbli mill-ħatriet tal-Avukat Ġenerali u l-Avukat tal-Istat mhumiex se jidħlu bħala parti mit-tibdil fil-Kostituzzjoni kif jgħid Aquilina iżda dawn se jidħlu bħala parti minn emendi fil-liġi li jirregolahom.

Intant kitbet Aquilina kienet użata ferm mill-Oppożizzjoni Nazzjonalista li issa wara diversi tħambiq ħarġet fil-beraħ li se tivvota kontra r-rakkomandazzjonijiet tal-Kummissjoni Venezja.

Investiment fl-indafa taż-żoni turistiċi

Il-Gvern għaddej b’ħidma biex titneħħa l-alka kollha mill-inħawi ta’ Buġibba bi preparazzjoni għas-sajf, kif ukoll ħaseb għal tibdil tal-kontenituri tal-iskart madwar il-lokalità.

Apparti dan qed isir ukoll xogħol biex jitneħħa r-ramel minn taħt il-pjazza ta’ Buġibba.

Aqra aktar