Net TV irrifjuta reklamar f’Mejju li offrielu l-Ministeru tal-Edukazzjoni.
Meta wieġeb mistoqsija Parlamentari tad-Deputat Nazzjonalista Jason Azzopardi, l-Ministru Bartolo qal li n-nefqa f’reklamar mill-Ministeru tiegħu xahar b’xahar fl-2017, kienet hekk: Jannar: €22,771.96; Frar: €17,472.83; Marzu: €26,656.62; April: €28,028.28; Mejju: €40,745.45 u Ġunju: €15,916.69.
Il-Prim Ministru qal li min jagħmel l-allegazzjonijiet mingħajr ma jipprovahom għandu jinżamm kontabbli. Meta mistoqsi dwar l-aħħar allegazzjonijiet ta’ Daphne Caruana Galizia, li dwarhom diġà infetħu kawżi ta’ libell, il-Prim Ministru qal li dak li qed tgħid Caruana Galizia huwa “totalment falz.”
Net News sebħu bil-countdown dalgħodu. Problema maġġuri għas-sorpriża li se jniedu dalwaqt hija li persuni tal-qalba diġà qasmu magħna dak li se jniedu. Kopja eżatta ta’ din in-newsportal.
Idejquni l-attakki fuq Mario Frendo, il-ġurnalist tan-NET li ntbagħat il-Ġermanja biex forsi jsib prostituti li jgħidu li raw b’ċertezza lill-Ministru Chris Cardona u l-konsulent tiegħu f’burdell fejn l-istess prosituti jbigħu ġisimhom għall-flus. Xi ħaġa li m’għamilx b’suċċess.
Għalkemm lil Frendo kont nagħmlu iktar intelliġenti u biċċa bħal din ħsibt li jgħarbilha aħjar, irridu nifhmu li kien qed jagħmel ix-xogħol tiegħu ta’ reporter f’kamra tal-aħbarijiet ta’ partit politiku. Lil Mario Frendo bagħtu ta’ fuqu u ta’ fuqu mhux Fabian Demicoli. Ta’ fuqu huwa Simon Busuttil, li hija bil-barka u b’għażla tiegħu li qed titħaddem din l-istrateġija tal-Partit Nazzjonalista.
Għal darb’oħra erġajna konna preċiżi. Kif żvelajna lbieraħ Salvu Mallia x’aktarx ikollu programm fuq Net Television.
Dan bħala parti mill-istrateġija tal-Partit Nazzjonalista li jpoġġi fuq l-istazzjonijiet tiegħu l-iktar kandidati agressivi u negattivi biex jissokta l-attakk aħrax fuq il-Gvern. Filwaqt li David Thake x’aktarx jidħol lura fuq Radio 101, Mallia x’aktarx imur fuq it-television. Xi ħaġa li kkonferma Fenech Adami, li ma’ The Malta Independent qal li “ma tkunx idea ħażina.”
Dan għax skont Fenech Adami l-Partit Nazzjonalista jrid juża aħjar it-talenti tal-kandidati tiegħu.
Laqgħa fid-Dar Ċentrali għall-kandidati tal-Partit Nazzjonalista, li saret ilbieraħ filgħaxija, kellha l-għan li ssikket lil dawk il-kandidati li fl-aħħar ġimgħat tkellmu fil-miftuħ kontra l-kandidatura ta’ Salvu Mallia u l-aġir tiegħu.
Il-Kap sejjaħ lill-kandidati d-Dar Ċentrali u qalilhom li f’dan il-mument il-kandidati għandhom ikunu ffukati kontra Joseph Muscat. Il-messaġġ kien biex ma jiddubitawx mid-deċiżjonijiet li qiegħda tieħu t-tmexxija. Fl-istess ħin fil-laqgħa kienu mwiegħda iktar ħin fuq il-midja tal-Partit Nazzjonalista. Bħala parti minn dan kollu tneħħiet id-deċiżjoni li kandidati tal-Partit ma jkollhomx programmi tagħhom fuq il-midja tal-PN.
Il-Qorti ddikjarat li Michael Seychell uża kliem libelluż u malafamanti fil-konfront ta’ Jason Micallef waqt programm bl-isem ta’ Analiżi dwar l-Aħbar, li xxandar fl-24 ta’ Novembru tal-2011 fuq Net TV.
Aqra aktar
Send this to a friend