nadur – Page 2 – One News

Notifiki

Appell biex ma jsirux karnivalati relatati ma’ mard

   

Tfajla tappella biex ma jsirux karnivalati relatati ma’ mard mentali permezz tal-midja soċjali.

Dan intqal wara li l-bieraħ fil-karnival spontanju tan-Nadur kien hemm vann partikolari li fuqu kien hemm kliem li jista’ weġġa’ lil xi wħud.

Il-kliem fost oħrajn kien jgħid Crazy People. Żgur li min ikun għaddej mill-esperjenza, jew min għandu nies viċin tiegħu li kellhom bżonn assistenza minħabba xi tip ta’ mard, ma ħadux gost b’dan.

Dan qed jiġri wkoll f’mument fejn suppost il-poplu kollu feraħ bil-kanuznetta rebbieħa fil-Malta Eurovision Song Contest kantata minn Christabelle bl-isem ta’ Taboo bil-għan li tinħoloq kuxjenza aħjar dwar nies li jbatu minn problemi mentali, li fl-aħħar mill-aħħar jista’ jgħaddi minnhom kulħadd.

Ara:

 

Ajruplan tal-Air Malta jispiċċa fin-Nadur

Fuq il-midja socjali tal-linja Nazzjonali Air Malta, ittella’ ritratt ta’ ajruplan li sar minn dilettanti tal-karnival fin-Nadur.

B’kumment ċajtier, il-kumpanija qalet li għandha l-kompetizzjoni u wriet apprezzament għax-xogħol artistiku.

Dan ix-xogħol sar minn grupp jismu Low Life Brother.

Il-Karnival fin-Nadur ikompli llejla.

 

Aġġornat: Jaqa’ erba’ sulari minn irdum fin-Nadur

Ġuvni ta’ 27 sena waqa’ madwar 4 sulari waqt passiġġata ħdejn it-Torri ta’ kenuna fl-akkwati tan-Nadur f’Għawdex.

Dan ġara għall-ħabta tas-14.30.

Issejħet l-għajnuna tal-pulizija u membri tal-protezzjoni ċivili li talbu aktar għajnuna mill-Forzi Armati ta’ Malta għaliex il-persuna ma setgħetx tittella’.

Ir-raġel ittella’ permezz ta’ helicopter u ttieħed l-Isptar Mater Dei għall-kura meħtieġa. Iktar tard, huwa ġie ċċertifikat li qed isofri min ġrieħi ta’ natura gravi.

Aktar dettalji malli jaslulna.

ŻEWĠ ANZJANI MEJTA wara inċident fin-Nadur

Żewġ anzjani tiflu ħajjithom wara inċident tat-traffiku li seħħ fi Triq ir-Rabat, in-Nadur Għawdex.

L-inċident seħħ għall-ħabta tal-ħdax ta’ billejl, wara impatt minn quddiem bejn Suzuki u Peugeot Partner.

Is-Suzuki kienet misjuqa minn anzjan ta’ 68 sena residenti x-Xagħra Għawdex, li miegħu kellu mara ta’ 73 sena, wkoll tgħix ix-Xagħra. Iż-żewġ anzjani huma mir-Renju Unit. Huma ġew iċċertifikati mejta fl-Isptar Ġenerali t’Għawdex.

Il-vettura l-oħra kienet misjuqa minn żagħżugħ ta’ 25 sena mill-Qala, li wkoll sofra ġrieħi gravi.

Inkjesta Maġisterjali qed titmexxa mill-Maġistrat Joanne Vella Cuschieri. 

Karozza tinqaleb fin-Nadur

Għall-ħabta tas-13.00pm karozza nqalbet fin-Nadur, Għawdex. F’din il-karozza kien hemm mara u raġel li l-identità tagħhom għad mhux magħrufa. Persuni li kienu fuq il-post spjegaw lil one.com.mt, li l-inċident seħħ wara li karozza ħarġet minn fuq stop sign fil-ħin li kienet għaddejja karozza min-naħa tar-Rabat direzzjoni lejn in-Nadur. Kawża ta’ hekk il-karozza inqalbet.

Aqra aktar

Tal-linja b’servizz speċjali għall-Karnival tan-Nadur

Malta Public Transport ħabbret li se tkun qed topera Servizz Speċjali tat-Trasport Pubbliku biex tiffaċilità l-ivjaġġar u l-aċċessibilità ta’dawk li se jattendu l-Karnival tan-Nadur, Għawdex bejn l-24 u s-26 ta’ Frar 2017.

Il-Ġimgħa u s-Sibt se jkun operat shuttle service, bejn l-Imġarr u n-Nadur fil-ħin mas-servizz tal-vapur, bejn is-19:00 u 00:00. Il-Ġimgħa, servizzi diretti se joperaw mir-Rabat u n-Nadur bejn it-20:00 u 00:00, kull 30 minuta u s-Sibt kull kwarta. Il-Ħadd se jkun hemm servizzi oħra bejn it-20:00 u l-23:00, kull 30 minuta. Aqra aktar

Send this to a friend