mutur – Page 2 – One News

Notifiki

Sewwieq ta’ mutur bi ġrieħi gravi wara ħabta ma’ karozza

Sewwieq ta’ mutur qed isofri minn ġrieħi gravi wara li dalgħodu intlaqat minn karozza misjuqa minn mara ta’ 40 sena minn Ħal-Balzan. L-nċident seħ għall-ħabta tas-7.30 am fi Vjal De Paule, Ħal Balzan.

Il-Pulizija tad-Distrett marru minnufih fuq il-post, fejn minn stħarriġ preliminari illi sar irriżulta li l-mara li kienet qed issuq karozza tal-għamla Opel Astra ħabtet ma’ mutur Yamaha li kien qiegħed jiġi misjuq minn raġel ta’ 62 sena minn Ħal Balzan ukoll.

Fuq il-post issejħet ambulanza li ħadet lir-raġel l-Isptar Mater Dei sabiex jingħata l-kura meħtieġa. Aktar tard, huwa ġie ċċertifikat li qiegħed isofri minn ġrieħi gravi. L-investigazzjonijiet tal-Pulizija għadhom għaddejjin.

Sewwieq ta’ mutur isofri ġrieħi gravi wara ħabta ma’ karozza f’Għawdex

Taljan ta’ 36 sena li jgħix ix-Xewkija, Għawdex, qed isofri minn ġrieħi gravi wara li l-mutur li kien qed isuq ħabat ma’ karozza f’Għajnsielem, Għawdex. L-inċident seħħ għall-ħabta tat-19:50 tat-Tlieta filgħaxija fi Triq l-Imġarr, Għajnsielem, meta l-mutur li kien qed jinstaq mill-vittma ħabat ma’ karozza tat-tip Opel Corsa misjuqa minn mara ta’ 67 sena minn Għajnsielem.

Fuq il-post issejħet ambulanza li ħadet lis-sewwieq tal-mutur l-Isptar Ġenerali t’Għawdex għall-kura, fejn aktar tard ġie ċċertifikat li qed isofri minn ġrieħi gravi.

L-investigazzjonijiet tal-Pulizija dwar dan l-inċident għadhom għaddejjin.

Żagħżugħ bi ġrieħi gravi wara li nqaleb bil-mutur f’San Pawl il-Baħar

Żagħżugħ ta’ 26 sena mill-Imtarfa qed isofri minn ġrieħi gravi wara li nqaleb bil-mutur f’San Pawl il-Baħar.

L-inċident seħħ għall-ħabta tal-11:30 tal-Ġimgħa filgħodu fi Triq Ġnien Borg, limiti ta’ San Pawl il-Baħar, meta għal xi raġuni l-ġuvni tilef il-kontroll tal-mutur tat-tip Honda CBR li kien qed isuq, u nqaleb bih.

Fuq il-post issejħu ambulanza u tim mediku mill-Isptar Mater Dei li ħadu lill-ġuvni għal aktar kura. Aktar tard huwa ġie ċċertifikat li qed isofri minn ġrieħi gravi.

L-investigazjonijiet tal-Pulizija dwar dan il-każ għadhom għaddejjin.

BIL-FILMAT: Żagħżugħ imut f’inċident ikrah tat-traffiku f’Ħal Luqa

Inċident fatali tat-traffiku erbat ijiem qabel it-tmiem tas-sena ħasad il-ħajja ta’ Nolan Farrugia ta’ 21 sena mis-Siġġiewi.

L-inċident traġiku seħħ bejn mutur u trakk taż-żibel fi Triq Ħal Qormi, Ħal Luqa, tefgħa ta’ ġebla ’l bogħol mill-uffiċċji tal-Korporazzjoni għas-Servizzi tal-ilma.

L-inċident seħħ għall-ħaba tal-10:15am, meta għal xi raġuni seħħet ħabta bejn mutur li kien misjuq mill-vittma u trakk. Fuq il-post intbagħtu ambulanza u ħaddiema tal-Protezzjoni Ċivili biex jassistu lill-vittma. Madankollu ż-żagħżugħ miet mad-daqqa u ġie ċċertifikat mejjet fuq il-post. Sorsi qalu li l-vittma kien ilu xahar biss isuq il-mutur.

Jidher li mal-ħabta, il-vittma, tkaxkar bil-mutur tat-tip tat-tip Kymco Agility, ħabat ma’ trakk tal-kostruzzjoni li kien qed jinstaq minn raġel ta’ 56 sena li jgħix Ħal Għaxaq.  Jidher li l-vittma tkaxkar għal bosta metri qabel ma spiċċa taħt il-bankina. Is-sewwieq tat-trakk deher maħsud bix-xena quddiemu u kellu jingħata għajununa mit-tim mediku li mar fuq il-post biex jassisti lill-vittma.

Sorsi fuq il-post qalu lil one.com.mt li ftit tal-minuti wara li seħħ l-inċident, xufier ta’ karozza tal-Linja li kienet nieżla lejn Ħal Qormi, waqaf biex jagħti l-għajnuna.

Dwar il-każ infetħet inkjesta mmexxija mill-Maġistrat tal-Għasssa Gabriella Vella, waqt li l-pulizija għadha qed tinvestiga l-każ.

Ara wkoll:

Il-vittma huwa Nolan Farrugia ta’ 21 sena- kien ilu jsuq il-mutur xahar biss

 

Raġel fil-periklu tal-mewt wara li nqaleb bil-mutur f’Ħal Luqa

Raġel ta’ 43 sena mill-Gudja jinsab fil-periklu li jitlef ħajtu wara li nqaleb bil-mutur f’Ħal Luqa.

Il-Pulizija qalet li r-raġel instab għall-ħabta tat-20:10 tal-Ħadd filgħaxija fi Triq il-Imgiered, Ħal Luqa, bil-mutur tat-tip Meiduo, maqlub fuqu.

Fuq il-post issejħet ambulanza li ħadet lir-raġel l-isptar għall-kura, fejn aktar tard ġie ċċertifikat li jinsab fil-periklu tal-mewt.

Bil-każ ġie infurmat il-Maġistrat tal-Għassa Joe Mifsud, li ħatar diversi esperti sabiex jassistuh fl-inkjesta li ġiet appuntata. L-investigazzjonijiet tal-Pulizija għadhom għaddejjin.

 

 

Send this to a friend