mutur – Page 14 – One News

Notifiki

Jitlef ħajtu s-sewwieq tal-mutur; kellu 47 sena u kien miż-Żurrieq

Tilef ħajtu r-raġel ta’ 47 miż-Żurrieq li sofra ġrieħi serji, wara li kien involut f’ħabta bil-mutur ma’ vettura.

L-inċident seħħ ilbieraħ għall-ħabta tas-sitta ta’ filgħodu, fi Triq Ħal Far Birżebbuġa. Hemm seħħ impatt bejn Opel Tigra misjuqa minn ġuvni ta’ 21 sena minn Birzebbuġa u l-mutur tat-tip Honda. Il-karozza u l-mutur kienu qegħdin jinstaqu f’direzzjoni opposta.

Il-Maġistrat tal-Għassa Dr Galea Sciberras qed tmexxi inkjesta li ġiet appuntata.

Somalu jittajjar minn mutur qrib il-Moskea ta’ Raħal Ġdid

Somalu ta’ 31 sena residenti San Pawl il-Baħar ittieħed l-isptar Mater Dei wara li ttajjar minn mutur waqt li kien qed jaqsam it-triq. L-inċident seħħ għall-ħabta tas-7.30a.m fi Triq il-Perit Duminku Mintoff, qrib il-Moskea ta’ Raħal Ġdid. Is-sewwieq tal-mutur, raġel ta’ 41 sena residenti l-Fgura, ittieħed l-Isptar Mater Dei għall-kura wkoll.
Aqra aktar

Raġel bi ġrieħi gravi wara inċident fil-Mosta

Raġel ta’ 37 sena mill-Imsida sofra minn ġrieħi gravi wara li kien involut f’inċident tat-traffiku fil-Mosta.

Fl-10:15pm tal-bieraħ, fi Triq Salvu Dimech, seħħet ħabta bejn vettura tat-tip Toyota misjuqa minn raġel ta’ 41 sena mill-Mosta u mutur tat-tip Piaggio misjuq mill-Misidjan.

Is-sewwieq tal-mutur ittieħed iċ-Ċentru tas-Saħħa tal-Mosta għall-kura medika, fejn iżjed tard ġie ċċertifikat li qed isofri minn ġrieħi gravi.

L-investigazzjonijiet tal-Pulizija għadhom għaddejjin.

Jinstab mixħut mal-art, midrub gravi

 

Ingliż ta’ 61 sena, instab mixħut mal-art mill-Pulizija, għall-ħabta tan-nofs siegħa fi Triq il-Bajja ta’ San Tumas, Marsaskala. Il-Pulizija sabet li kien tief il-kontroll tal-mutur tal-għamla Suzuki li kien qiegħed isqu.

Ambulanza ħadet lir-raġel l-Isptar Mater Dei għall-kura.  Iktar tard huwa ġie ċċertifikat li qiegħed isofri minn ġrieħi ta’ natura gravi iżda mhux fil-periklu tal-mewt.

Anzjan imtajjar minn mutur u midrub gravi

 

Anzjan ta’ 72 sena, residenti l-Marsa ntlaqat minn mutur misjuq minn ġuvni ta’ 25 sena, residenti Ħal Qormi.

Dan seħħ illum, għall-ħabta tad-09:30hrs fi Triq il-Kbira San Ġużepp, il-Ħamrun.

L-anjzan ittieħed l-isptar Mater Dei permezz tal-ambulanza, fejn iżjed tard ġie ċċertifikat li qed isofri minn ġrieħi ta’ natura gravi.

L-investigazzonijiet tal-Pulizija mill-Għassa tal-Ħamrun għadhom għaddejjin.

Send this to a friend