Michael Farrugia – One News

Notifiki

Il-Korp tal-Pulizija b’aċċess għal 60 kamera ta’ Transport Malta

Ġie ffirmat Memorandum of Understanding li jagħti aċċess lill-Korp tal-Pulizija għal madwar 60 kamera li għandha Transport Malta fit-toroq u l-portijiet madwar pajjiżna.

Il-Ministru għall-Intern u Sigurtà Nazzjonali, Michael Farrugia, saħaq li dan il-ftehim ikompli jmexxi l-Korp tal-Pulizija maż-żminijiet fil-ġlieda kontra l-kriminalità. Dan filwaqt li hekk il-pulizija jkunu jistgħu jgħinu b’mod iżjed effettiv fl-infurzar fit-toroq.

Il-Ministru għat-Transport u infrastruttura, Ian Borg, stqarr kif dan l-investiment f’kameras madwar pajjiżna huwa mod effettiv kif l-awtorità tindirizza l-akwati l-iżjed problematiċi u li jżommu traffiku. Filfatt in-numru ta’ kameras mistenni jiżdied.

Huwa seraq moħħ kulħadd li dawn il-kameras mhux se jkunu qed jintużaw biex iħarrku s-sewwieqa.

Investiment qawwi fil-Faċilità Korrettiva ta’ Kordin

Uffiċjali tal-Aġenzija għas-Servizzi Korrettivi rreġistraw bħala donaturi tal-organi u r-reġistrazzjonijiet rispettivi tal-uffiċjali ġew ippreżentati l-Ħamis filgħodu lill-Aġent Prim Ministru u Ministru għas-Saħħa Chris Fearne fil-preżenza tal-Ministru għall-Intern u Sigurtà Nazzjonali Michael Farrugia waqt żjara li għamlu fil-Faċilità Korrettiva ta’ Kordin.Aqra aktar

Il-fatti jgiddbu lil Delia dwar is-serq mid-djar f’Tas-Sliema

Fil-każin nazzjonalista ta’ tas-Sliema Adrian Delia  qal li n-nies f’Tas-Sliema qed jagħmlu saħansitra tliet bibien minħabba r-rata ta’ serq f’Tas-Sliema.

Izda c-cifri ufficjali ppubblikati mill-Ministru Michael Farrugia juru li meta mqabbel mal-aħħar sena tal-Partit Nazzjonalista, ir-rapporti ta’ serq minn djar f’Tas sliema naqsu  bi tlettin fil-mija.

Aqra aktar

Jiġi ffirmat ftehim kollettiv bejn l-AWAS u l-GWU

Dalgħodu ġie ffirmat it-tieni ftehim kollettiv bejn l-Aġenzija għall-Ħarsien tal-Persuni li qed ifittxu Ażil (AWAS) u l-General Workers Union. Dan il-ftehim kollettiv mhux biss se jtejjeb il-kundizzjonijiet tal-pagi u l-mod li bihom il-ħaddiema javvanzaw fl-iskali, imma jinkludi fih miżuri li jattira wkoll impjegati ġodda f’dan is-settur.

Aqra aktar

125 ruħ b’rikonoxximent tal-protezzjoni li taw lill-poplu Malti u Għawdxi

125 ruħ foshtom nies fl-Armata u oħrajn li temmew is-servizz ġew rikonoxxuti għax-xogħol u l-ħidma li taw lill-poplu Malti u Għawdxi.

F’ċerimonja tal-okkażjoni, 44 membru tal-Armata ngħataw midalja għal servizz twil u effiċjenti li tingħatha mat-18-il sena servizz, filwaqt li 81-il membru u eks-membru ngħataw rikonoxximent ieħor li jingħata mal-25 sena servizz.

Fid-diskors tiegħu l-Ministru Michael Farrugia qal li mhux faċli li tkun membru ta’ korp iddixxiplinat u tqatta’ snin sħaħ b’imġiba tajba, tkun ubbidjenti, u tasal sal-ġurnata li tieħu mertu tal-imġiba tajba li kellek matul is-servizz.Aqra aktar

260 każ ta’ vjolenza domestika fuq l-anzjani rrappurtati f’sentejn

F’temp ta’ sentejn ġew irrappurtati ftit aktar minn 260 każ ta’ vjolenza domestika fuq l-anzjani. Dan ġie żvelat mill-Ministru  Michael Farrugia fil-Parlament. Il-Ministru semma kif bejn l-2017 u l-2018 ġew irrapurtati total ta’ 570  każ b’rabta ma’ reati li għandhom x’jaqsmu ma anżjani li għanhom aktar minn 60 sena.

Fost ir-rapporti, kien hemm ftit aktar minn 180 każ irrappurtat b’rabta ma’ offii fuq il-persuna jiġifieri reati li setgħu waslu biex dawn l-anzjani sofrew minn xi ġrieħi.

Matul dawn is-sentejn, il-pulizija rċeviet 95rapport b’rabta ma’ reati fejn l-anzjani sfaw misruqa minn ħallelin li serqulhom il-basket u għosfru b’ħeffa lhiema bħala. Fuq l-istess nota, f’dawn is-sentejn kien hemm disa’ rapporti b’rabta ma’ każijiet ta’ ta’ serq li fihom intużat xi tip ta’ arma.

Min-naħa l-oħra, in-numru ta’ rapporti marbuta ma’ vjolenza fuq l-anzjani naqas, hekk kif tul dawn is-sentejn kien hemm b’kollox 15-il rapport.

Simon Schembri jinħatar Surġent tal-Pulizija

L-Uffiċjal tal-Pulizija Simon Schembri nħatar fil-kariga ta’ surgent it-Tnejn waqt ċerimonja mmexxija mill-Kummissarju tal-Pulizija Lawrence Cutajar u l-Ministru Michael Farrugia.

Il-Ministru qal li ċ-ċerimonja tal-lum hi pass ieħor ’il quddiem fejn Simon Schembri ġie maħtur fil-kariga ta’ surġent. Schmebri ingħata din il-kariga minħabba l-ispirazzjoni u l-għaqda li rnexxielu jġib fil-Korp tal-Pulizija. Simon Schembri rnexxielu jwaqqaf ukoll fondazzjoni li tgħin lill-membri tal-korpi dixxiplinati meta jkollhom bżonn l-għajnuna. Kien l-ispirazzjoni wkoll biex il-gvern iħaffef il-miżura mħabbra fil-baġit u jdaħħal skema ta’ assigurazzjoni għall-uffiċjali tal-korpi dixxiplinati kollha, li mistennija titwettaq din is-sena.

Il-Kummissarju Lawrence Cutajar fakkar li ċ-ċerimonja tat-Tnejn kienet waħda importanti għall-Korp tal-Pulizija, għax hi riżultat tax-xogħol li rnexxielu jikseb Simon Schembri wara l-inċident.

Send this to a friend