messiku – Page 3 – One News

Notifiki

Ġurnalist Messikan jinqatel fi sparatura

Il-ġurnalist Messikan Javier Valdez, magħruf għal mod ta’ kif irrapporta b’mod ġurnalistuku t-traffikar tad-droga, inqatel waqt sparatura.

Il-persuni li sparaw fuq Valdez fil-belt Culiacan fl-istat ta’ Sinaloa għadhom ma ġewx identifikati.

Valdez li kellu 50 sena, ingħata l-International Press Freedom Award mingħand il-Committee to Protect Journalist fl-2011 għax-xogħol li hu wettaq.

Valdez hu wieħed fost bosta ġurnalisti li nqatlu fil-Messiku din is-sena.

Tinqatel l-omm Messikana li investigat u solviet il-każ tal-qtil ta’ bintha

Intraprenditura Messikana li għenet ‘il fuq minn 600 familja biex ikomplu t-tfittxija għall-għibien ta’ membri tal-familja tagħhom ġiet maqtula.

Miriam Rodriguex Martinez inqatlet b’tiri fir-residenza tagħha f’San Fernando fl-istat ta’ Tamaulipas.

Hi kienet magħrufa ferm għal mod ta’ kif investigat il-ħtif u kif ukoll il-qtil tat-tifla tagħha minn membri ta’ grupp li jmexxu d-droga, the Zetas.

Aqra aktar

Il-Ministru Messikan għall-Affarijiet Barranin jikkundanna deċiżjoni li ħa Trump

Il-Messiku kkundannat il-linji gwida maħruġa mill-Istati Uniti, li taħthom kważi kull Messikan jista’ jiġi deportat.
Ir-regoli l-ġodda jinkludu nies li ma jkollhomx id-dokumenti neċessarji fejn jintbgħatu lejn il-Messiku, anke jekk ma jkunux Messikani.

Iżda l-Ministru Messikan għall-Affarijiet Barranin, Luis Videgaray qal li l-pajjiż tiegħu “ma jistax jaċċetta din id-deċiżjoni li se jkunu imposti minn Gvern fuq Fvern ieħor.”

Żewġ uffiċjali Amerikani bħalissa jinsabu fil-MEssiku sabiex jiddiskutu dawn il-miżuri.

Terġa’ tfeġġ wara snin mgħerrqa

Knisja storika li għandha madwar 400 sena reġgħet ħadet in-nifs hekk kif inkixfet minn taħt l-ilma wara kważi diċenju mgħerrqa kompletament.

Jidher li filwaqt li tqatta’ ħafna minn ħinha taħt l-ilma, din il-Knisja Dumnikana fil-Messiku għadha f’kundizzjoni tajba fejn skond filmati miġbudin minn drone tidher bi struttura intatta.

Aqra aktar

Jilmenta l-ikbar baruni tad-droga

Il-baruni tad-drogi Messikan, Joaquin “El Chapo” Guzman ilmenta fil-qorti dwar il-kundizzjonijiet ta’ kustodja fil-ħabs tal-Istati Uniti.

Guzman qed jinżamm taħt sigurtà massima fil-ħabs fi New York wara li x-xahar li għadda kien estradit. Huwa ħarab darbtejn mill-ħabs fil-Messiku, darba f’basket tal-ħwejjeġ u riċentament permezz ta’ mina fiċ-ċella tiegħu.

Fil-Qorti, huwa wieġeb li ma kienx ħati għat-tmexxija tal-akbar organizzazzjoni tat-traffikar tad-drogi fid-dinja għal karriera twila ta’ snin. Jekk jinsab ħati, huwa jaffaċċja ħajja fil-ħabs.

Send this to a friend