Mediċina – Page 3 – One News

Notifiki

Roħs fil-mediċina frott l-erba’ snin ta’ dan il-Gvern

Kien frott ta’ ħidma ta’ dan il-Gvern li tul dawn l-aħħar erba’ snin raħsu 143 medicina tad-ditta. Dan wara proċess ta’ djalogu mal-importaturi u l-fornituri tal-mediċini. Ir-roħs laħaq is-67% fuq ċertu medicini, u l-konsumaturi frankaw sa €320, fosthom fuq mediċini tal-kanċer.

Sostniet dan il-Ministru għad-Djalogu Soċjali, Helena Dalli, waqt konferenza tal-aħbarijiet fejn fakkret id-diversi kisbiet li għamel dan il-Gvern permezz tal-Awtorità dwar il-Mediċini.

Dalli qalet li sabu Awtorità fejn l-impjegati kienu demotivati, b’sitwazzjoni finanzjarja li sa erba’ snin ilu bilkemm kien hemm flus biex joħroġ is-salarji u b’ilmenti mill-industrija dwar l-Awtorità. Minn hemm sar proċess strutturat sabiex l-Awtorità tiġi fuq saqajha u tkun ċentru t’eċċellenza fl-Ewropa.

Aqra aktar

Malta titfa’ l-offerta tagħha biex l-Aġenzija Ewropea tal-Mediċini tibda topera minn pajjiżna

Malta uffiċjalment tefgħet l-offerta tagħha biex l-Aġenzija Ewropea tal-Mediċini tibda topera minn pajjiżna.

Aġenzija li bħalissa qed taħdem minn Londra, imma li fid-dawl ta’ Brexit se jkollha tiċċaqlaq għal belt oħra Ewropea.

Għaldaqstant Malta se tingħaqad ma’ bosta pajjiżi li wrew ix-xewqa u l-interess li jkunu huma li jilqgħu din l-aġenzija.

L-Aġenzija Ewropea għall-Mediċini hija responsabbli mill-evalwazzjoni xjentifika, is-superviżjoni u l-monitoraġġ ta’ sigurtà tal-mediċini żviluppati minn kumpaniji farmaċewtiċi għall-użu fl-Unjoni Ewropea.
Aqra aktar

Eluf ta’ tobba mistennija jitilqu mir-Renju Unit

Il-maġġoranza tat-tobba li ġejjin minn pajjiżi Ewropej u li qed jaħdmu fir-Renju Unit qed jikkunsidraw li jitilqu minn dan il-pajjiż minħabba BREXIT, dan ħareġ fi stħarriġ li sar mill-GMC (General Medical Council). Dan ifisser li eluf ikunu qed jitilqu mir-Renju Unit fuq mhedda ta’ sentejn.

Aqra aktar

FILMAT: L-infermiera jagħmlu minn kollox biex iżommu ċkejkna bi tbissima

F’dan il-filmat sempliċi li juru numru ta’ infermiera jiżfnu u jkantaw ma’ ċkejkna li qed tingħata l-kura l-isptar jnissel tbissima, iżda mhux biss.

Dan il-filmat juri d-dedikazzjoni tal-infermiera li mhux biss jassiguraw li jagħtu l-aqwa għajnuna lill-pazjenti iżda jagħmlu ukoll ħilithom biex minkejja d-diffikultajiet u t-tbatija li jkunu għaddejjin minnha l-pazjenti jibqgħu bi tbissima fuq fommhom u jsibu l-pożittiv fost in-negattivita.

Aqra aktar

Se jitħabbar qafas biex Ewropej b’mard rari jingħataw kura fi stati membri oħra

Il-presidenza Maltija se tkun qed tindirizza l-isfida tal-prezzijiet tal-mediċina. Dan permezz ta’ laqgħat bejn Ministri tal-pajjiżi membri tal-Unjoni Ewropea u l-Kapi Eżekuttivi fil-qasam tal-farmaċewtika.

F’Marzu se jitħabbar qafas li se jwassal biex pazjenti Ewropej b’mard rari jistgħu jingħataw kura fi stati membri oħra.

Dan intqal mill-Ministru għas-Saħħa Chris Fearne meta indirizza konferenza dwar il-kontroll tal-kanċer, li għaliha attendew mal-250 persuna nvoluti fil-qasam.

Fearne qal li sar progress kbir fejn għandha xtaqsam kura, madanakollu għad hemm l-isfida tal-prezzijiet tal mediċina li tista’ tkun indirizzata billi propju f’pajjiżna jintlaħaq ftehim dwar mekkanizmu li jiggarantixxi trasparenza u sistema ġusta.

 

Ir-reazzjoni ta’ Claudette Buttiġieġ “INKREDIBBLI”

Ir-reazzjoni tal-kelliema Nazzjonalista għas-Saħħa, Claudette Buttigieg dwar il-mediċini ġodda għall-kura tal-kanċer tista’ tiġi deskritta biss bħala waħda nkredibbli.

Claudette Buttigieg dalgħodu kkritikat il-fatt li l-Gvern din il-ġimgħa ħabbar tliet mediċini ġodda għal kontra l-kanċer.

Aqra aktar

L-użu tal-kannabis bħala mediċina mhuwiex xi ħaġa ġdida

L-użu tal-kannabis bħala mediċina m’għandu jaħsad  lil ħadd u f’pajjiżna l-ħsieb hu li din tkun disponibbli fl-ispiżeriji. Għalkemm biex tingħata jrid ikun hemm il-perskrizzjoni ta’ żewġ speċjalisti.

Iddikjara dan ic-chairman tal-Awtorità tal-Mediċini, il-Professur Anthony Serracino Inglott, waqt il-programm One News Breakfast.

Aqra aktar

Mediċina magħmula mill-kannabis legali fil-Ġermanja ukoll

Wara r-Renju Unit, il-Ġermanja ukoll għaddejja bi proċess biex tiġi legalizzata l-użu tal-kannabis għal skopijiet mediċinali hekk kif l-abbozz ta’ liġi għadda mill-Parlament Germaniż. Dan l-abbozz ġie approvat mill-kabinett f’Mejju tal-2016. 

Il-ħamis, il-voti fil-kamra kienu unaniment favur mediċina magħmula mill-kannabis – liġi li se tidħol fis-seħħ f’Marzu 2017.

Aqra aktar

Fi triqtu għall-kura f’għeluq sninu

F’dawn iż-żminijiet, ta’ kull sena nisimgħu diversi stejjer li bla ma trid imissulek qalbek. Stejjer b’sitwazzjonijiet diffiċli li ħafna drabi jinċentivaw lil ħaddiehħor jagħmel xi ħaġa dwarhom biex joffri l-għajnuna.

Din hi l-istorja ta’ Ziam, tifel mill-Kalkara li fl-ewwel snin ta’ ħajjtu għaddej mill-kura għal kundizzjoni rari.

Aqra aktar

“Gvern b’impenn sħiħ biex jinstabu impjiegi alternattivi”

Fi stqarrija l-Partit Laburist qal li għall-aħbar li l-kumpanija Actavis se tnaqqas il-ħaddiema minħabba takeover tal-kumpanija minn kumpanija oħra, il-Gvern ma qagħadx sempliċiment b’idejh fuq żaqqu iżda b’impenn se jkun qed jaħdem sabiex jinstabu impjiegi alternattivi għall-ħaddiema kollha.

Min-naħa l-oħra, huwa ċar li l-Oppożizzjoni, meta l-aħbar tkun kontra l-ħaddiema toħroġ togħrok idejha, iżda meta l-aħbar tkun bħal dik tad-De La Rue din il-ġimgħa, fejn il-kumpanija mhux biss mhux se tkeċċi l-ħaddiema, iżda se tkabbar l-operat, tibqa’ b’fommha magħluq.

Aqra aktar

Send this to a friend