Malta | One News - Part 2

Notifiki

Il-Ġappun huwa l-akbar suq barra mill-UE għal Malta

Minkejja li hemm iktar minn 10,000 kilometru f’distanza bejn iż-żewġ pajjiżi, Malta esportat lejn il-Ġappun iktar minn kwalunkwe pajjiż ieħor barra mill-Unjoni Ewropea.

Ċifri tal-Eurostat għall-2018 juru li Malta esportat lejn il-Ġappun b’madwar €149. Dan ifisser li l-Ġappun kien l-iktar pajjiż barra mill-Unjoni Ewropea li Malta esportat lejh. Wara l-Ġappun ġew Singapor, l-Istati Uniti u Hong Kong.Aqra aktar

Apparat mediku ġdid b’investiment ta’ €700,000 għal operazzjonijiet li jirrikjedu qasma fiż-żaqq jew fis-sider

Kull sena, madwar 5,000 pazjent li jiġu bżonn operazzjoni li tirrikjedi qasma fiż-żaqq jew fis-sider, se jibbenefikaw minn apparat mediku ġdid li beda jintuża fl-Isptar Mater Dei b’investiment ta’ €700,000.

Imdawwar b’numru ta’ kirurgi li se jagħmlu użu minn dan l-apparat tal-ogħla livell, id-Deputat Prim Ministru u Ministru tas-Saħħa Chris Fearne spjega li permezz tiegħu se jitħaddmu sistemi ta’ laperoskopija li jippermettu lill-kirurgu jagħmel interventi dettaljati b’qasmiet żgħar ħafna.

Il-kirurgu Joe Etienne Abela qal li l-pazjenti li l-aktar se jibbenefikaw minn din it-teknoloġija moderna huma dawk li jidħlu b’appendeċite u pazjenti bil-ġebel fil-marrara.

“Il-fatt li t-tagħmir issa huwa High Definition jgħin lill-kirurgu biex jagħmel operations iktar kumplessi per eżempju fejn titneħħa l-musrana l-kbira jew il-musrana ż-żgħira, l-istonku, partijiet mill-frixa, il-pajp tal-ikel, fejn tidħol ġinekoloġija t-tneħħija tal-utru u tal-ovaries.”

Sa issa l-pazjenti li jirrikjedu dawn it-tip ta’ interventi, ikollhom qasma kbira u jispiċċaw iqattgħu numru ta’ ġranet l-isptar biex jirkupraw.

Issa, b’dan l-apparat, il-qasma tkun ferm iżgħar u l-inkonvenjent ferm inqas għall-pazjent, tant li l-ħin li l-pazjent ikollu bżonn iqatta’ fl-isptar qabel ma jintbagħat id-dar, mistenni jonqos b’ħamsa u sebgħin fil-mija.

“Bil-laperoskopija flok qasma kbira, ikollok medja ta’ ħames qasmiet żgħar u dawn ma joffrux daqshekk uġigħ lill-pazjent. Ir-riżultat hu li l-pazjent ma jkunx muġugħ, jiċċaqlaq iktar, jiekol qabel, jattendi għall-bżonnijiet tiegħu qabel allura joħroġ mill-isptar iktar komdu f’qasir żmien.”

Id-Deputat Prim Ministru u Ministru tas-Saħħa Chris Fearne qal li dan l-investiment se jwassal għall-pass li jmiss fil-kirurġija f’Malta, fejn fi żmien tnax-il xahar mistennija tibda titħaddem sistema ta’ robotic surgery.

“Bdejna l-proċess biex lejn l-aħħar tas-sena jew bidu tas-sena d-dieħla jkollna dak li ngħidulu robotic surgery jiġifieri għal numru ta’ operazzjonijiet – mhux l-operazzjonijiet kollha, il-kirurgu minbarra li jkollu persuna umana tassistih ikollu wkoll robot li qed jassistih biex l-operazzjoni ssir b’iżjed dettall, inkunu nistgħu nagħmlu operazzjonijiet li sa issa m’għamilniex u l-pazjenti jkollhom riżultati aħjar.”

BIL-FILMAT: Metsola mhix denja li terġa’ tkun eletta – Opinjonisti indipendenti

Roberta Metsola insiet li l-irwol tagħha fil-Parlament Ewropew mhux biex tkisser lil Malta imma biex tirrappreżenta l-aħjar interessi tal-Maltin li poġġewha hemm.

Dan qalu l-opinjonista indipendenti Martin Scicluna fil-ġurnal Times of Malta tal-Erbgħa, f’artiklu bit-titlu ‘Unworthy of election’.

B’diversi referenzi għal kitba tagħha stess, Scicluna juri kif Metsola qed tipprova ssalva ġildha u tgħatti dak li verament għamlet.

Aqra aktar

“L-estensjoni trid tkun waħda sensibbli” – il-PM

Kwalunkwe estensjoni li kapaċi tingħata dwar Brexit għandha tkun waħda sensibbli. Dan qalu l-Prim Ministru Joseph Muscat f’kummenti lill-ġurnalisti, ftit qabel ma beda summit ta’ emerġenza fi Brussell li ssejjaħ wara li Theresa May talbet estensjoni sat-tletin ta’ Ġunju li ġej dwar Brexit.

Aqra aktar

BIL-FILMAT: Investigazzjoni tikkonkludi li ma nkisru ebda drittijiet ta’ Mario Portelli

Bord ta’ investigazzjoni li nħatar mill-Kummissarju tas-Saħħa Mentali kkonkluda li ma nkisru l-ebda drittijiet ta’ Mario Portelli u li l-Pulizija aġixxew skont il-liġi tas-Saħħa Mentali.

Dan joħorġ minn tweġiba għall-mistoqsija parlamentari tal-whip tal-Gvern Byron Camilleri li staqsa lid-deputat Prim Ministru u Ministru għas-Saħħa Chris Fearne dwar l-investigazzjonijiet li saru fuq il-każ ta’ Portelli.

Aqra aktar

L-Ajruport Internazzjonali ta’ Malta jinawgura disa’ rotot ġodda

L-Ajruport Internazzjonali ta’ Malta ikompli b’rabtiet sodi ma’ pajjiżi Ewropej u anke lil hinn biex b’hekk isaħħaħ is-settur tal-avjazzjoni f’Pajjiżna. F’din l-ewwel ġimgħa ta’ April biss, l-ajruport, laqa’ l-ewwel titjiriet ta’ Ryanair minn disa’ destinazzjonijiet ġodda, b’erbgħa minn dawn id-destinazzjonijiet imorru fl-erbgħa ajruporti f’żewġ pajjiżi l-aktar popolari fost il-Maltin. Intant, Ryanair se jkun qed jintroduċi ukoll rotta diretta għall-Maastricht fl-Olanda.

Il-Maltin se jkollhom opportunitajiet b’titjiriet diretti lejn destinazzjonijiet popolari b’mod speċjali fix-xhur tas-sajf. Din tinkludi Thessaloniki fil-Greċja u Cork fl-Irlanda. Għal dawk li jfittxu destinazzjonijiet li joffru avventura, se jkunu jistgħu jivjaġġaw ukoll minn Malta għal Oslo, in-Norveġja kif ukoll il-Jordan.

Dawn id-disa’ rotot se jibdew joperaw bejn April u Ottubru darbtejn fil-ġimgħa, filwaqt li titjijra lejn in-Norveġja se tibda tkun kull nhar ta’ Erbgħa waqt il-perjodu tas-sajf.

Il-linja tal-ajru Ryanair mhix l-unika linja li se tespandi l-operat tagħha f’Malta. Nhar il-Ħadd li għadda l-linja tal-ajru WizzAir, varat ir-rotta lejn l-Ungerija, filwaqt li tliet rotot addizzjonali mill-kumpaniji Volotea u Qatar Airways huma skedati li jiġu varati fit-tieni ġimgħa ta’ Ġunju.

L-iskeda tat-titjiriet robusti li qed joffri l-Ajruport Internazzjonali ta’ Malta hija mistennija li tkun strumentali, biex għal din is-sena, l-ajruport Malti jikseb l-għanijiet tiegħu dwar l-ammont ta’ passiġġieri li jgħaddu mill-ajruport.

Malta fost l-aqwa pajjiżi għal btala fir-rebbiegħa din is-sena

Malta ssemmiet ma’ 18-il pajjiż ieħor madwar id-dinja li huma l-aħjar post għal btala fir-Rebbiegħa. Dan skont studju li għamlet il-kamra tal-aħbarijiet internazzjonali, CNN, fejn tat deskrizzjoni tal-aqwa 19-il pajjiż fid-dinja fejn wieħed jista’ jżur waqt btala f’dawn iż-żmienijiet.

Is-CNN qalu li l-btajjel tar-Rebbiegħa m’għadhomx sinonimi biss mal-avventuri fil-kampanja, iżda saru opportunità biex it-turisti jżuru postijiet pittoreski li ma jirrikjedux ħafna finanzjarjament.

L-istess artiklu qal ukoll li d-19-il pajjiż li kienu mistħarrġa kienu l-aqwa pajjiżi jew postijiet biex wieħed iżur fir-Rebbiegħa, li s’issa ftit kienu kkunsidrati bħala post tajjeb għal btala bejn Marzu u Ġunju.Aqra aktar

Send this to a friend