Malta – One News

Notifiki

Malta se tipparteċipa fl-ewwel semi-finali tal-Eurovision

Malta se tkun qed tipparteċipa fit-tieni nofs tas-semi-finali li se jsir fit-12 ta’ Mejju li ġej f’Rotterdam, l-Olanda.

Ma’ Malta se jipparteċipaw 16-il pajjiż ieħor, b’dawk li jiġu mal-ewwel għaxra jgħaddu għas-serata finali tas-Sibt 16 ta’ Mejju.

Din hija l-ewwel darba sa mill-2016 li Malta se tkun qed tkanta fl-ewwel serata tal-Eurovision.

Ma’ Malta se jikkompetu; Maċedonja ta’ Fuq, Belarus, Litwanja, Svezja, Slovenja, Awstralja, Irlanda, Russja, Norveġja, Ċipru, Kroazja, Ażerbajġan, Iżrael, Ukrajna, Rumanija u Belġju.

Fit-tieni semi-finali se jikkompetu; Awstrija, Moldova, Polonja, San Marino, Serbja, Iżlanda, Repubblika Ċeka, Greċja, Estonja, Danimarka, Bulgarija Svizzera, Finlandja, Armenja, Latvja, Ġorġja, Portugall u Albanija.

Is-sitt finalisti se jivvutaw kif ġej;

Fl-ewwel semi-finali: Italja, Ġermanja u l-Olanda.

Fit-tieni semi-finali: Franza, ir-Renju Unit u Spanja.

BIL-FILMAT: €799,000 f’donazzjonijiet għal 36 entità mill-IIP fl-2019

F’sena waħda biss, 36 għaqda filantropika bbenefikaw minn €799,000 f’donazzjonijiet minn persuni li daħlu fil-programm ta’ ċittadinanza b’investiment.

Dan joħroġ mill-aħħar rapport tar-regolatur dwar il-programm ta’ ċittadinanza b’investiment. Bejniethom dawn l-għaqdiet li jaħdmu fl-isfera kollha tas-soċjetà rċievew 128 donazzjoni li bihom setgħu jkomplu jtejbu s-servizzi u l-ħidma tagħhom fil-komunità Maltija fosthom tfal li jimirdu bil-marda kiefra tal-kanċer u persuni b’diżabilità.

Aqra aktar

Studju nazzjonali dwar is-saħħa mentali tat-tfal


11,000  tifel u tifla minn 30 skola differenti minn madwar il-gżejjer Maltin qed jipparteċipaw fi studju nazzjonali dwar is-saħħa mentali tagħhom.

Rosemarie Sacco li hija tabiba li tispeċjalizza fil-psikjatrija spjegat kif dan l-istudju tal-Assoċjazzjoni tas-saħħa mentali tat-tfal u adoloxxenti huwa importanti għax se jkun qed jagħti stampa aktar ċara dwar problemi ta’ saħħa mentali fit-tfal u adoloxxenti f’pajjiżna “Dan huwa studju fejn bih se nkunu nafu n-numru ta’ tfal li jbatu minn ċertu kundizzjonijiet bħall-ADHD, awtiżmu, ansjetà, depressjoni, problemi ta’ drogi, xorb, social meida u ħafna affarijiet. Huwa importanti għax minnu nistgħu niddeterminaw x’tip ta’ servizzi għandna bżonn biex ngħinu lil dawn it-tfal u żgħażagħ Maltin”Aqra aktar

Send this to a friend