lukanda | One News

Notifiki

Żewġt irġiel jinstabu mejta f’lukanda f’Manchester

Żewġt irġiel instabu mejta f’lukanda fiċ-ċentru ta’ Manchester, l-Ingilterra. Wieħed mill-vittmi, li għandu ftit iktar minn 20 sena, jidher li waqa’ milll-għoli fl-lukanda f’Portland Street, u miet fuq il-post.

Iktar tard, il-Pulizija sabet il-katavru tat-tieni raġel f’kamra fil-lukanda Brittania.

It-toroq fil-viċinanzi tal-lukanda bħalissa jinsabu magħluqa għat-traffiku sakemm il-Pulizija tinvestiga dan il-każ.

 

Lukanda abbandunata tieħu n-nar fil-Qawra

Lukanda abbandunata fi Triq it-Tamal fil-Qawra ħadet in-nar ftit tal-ħin ilu. Fuq il-post issejħu xi membri mid-Dipartiment tal-Protezzjoni Ċivili biex jikkontrollaw in-nirien.

Jidher li ma kienx hemm bżonn intervent mediku fuq il-post hekk kif ma kienx hemm nies fl-inħawi.

Tal-wirt kulturali kontra ukoll

  • IKTAR OĠĠEZZJONIJIET GĦAL-LUKANDA FUQ L-IRDUM TA’ ĦAD-DINGLI

Is-Sovrintendenza għall-Wirt Storiku oġġezzjonat ukoll għall-proposta ta’ lukanda fuq l-irdum ta’ Ħad-Dingli. Dan meta kienet qed tirreaġixxi mal-Awtorità għall-Ippjanar għall-applikazzjoni ta’ outline permit preżentata għat-twaqqigħ u żvilupp mill-ġdid tal-eks fabbrika tal-isplussiv f’Ħad-Dingli, iktar magħrufa bħala l-fabbrika tal-Ġelatina fiż-żona tal-Qaws. Il-ħsieb hu li din il-fabbrika tinbidel f’resort u spa.

“Se tkun opportunità mitlufa, jekk il-pajsaġġ kulturali taż-żona ma jiġix riabilitat sabiex ikompli jżid il-valur ambjentali tal-irdumijiet. Għalkemm Malta għadha ma rratifikatx il-Konvenzjoni Kulturali Ewropea, jekk dan l-iżvilupp jitħalla jsir, se nkunu qed nimminaw l-isforzi biex nipproteġu u nippromwovu l-pajsaġġ kulturali ta’ pajjiżna,” qalet is-sovrintendenza.

Aqra aktar

Dinglin kontra l-iżvilupp ta’ lukanda f’żona ODZ

Applikazzjoni ta’ outline permit preżentata fl-1 ta’ Ġunju  għat-twaqqigħ u żvilupp mill-ġdid tal-eks fabbrika tal-isplussiv f’Ħad-Dingli, iktar magħrufa mir-residenti bħala l-fabbrika tal-Ġelatina fiż-żona tal-Qaws, f’resort u spa ma niżlet tajjeb xejn mar-residenti Dinglin li se jkunu qed jagħmlu minn kollox biex joġġezzjonaw l-hekk imsejjaħ żvilupp propost.

Aqra aktar

Lukandi ta’ erba’ stilel l-aktar imfittxija

F’Marzu li għadda, l-ammont ta’ persuni f’akkomodazzjonjiet bħal-lukandi żdied b’13.7%. L-ammont ta’ ljieli mqatta’ f’dawn l-akkomodazzjonijiet żdied bi 3%. Dan meta tqabbel mal-istess xahar fl-2016.

L-ikbar żidiet fl-ammont ta’ ljieli fl-akkomodazzjonijiet seħħew f’lukandi ta’ ħames u tliet stilel. L-ikbar ammont ta’ ljieli mqatta’ kien f’lukandi ta’ erba’ stilel.

 

€18-il miljun investiment fil-lukanda Dolmen

Waqt inawgurazzjoni ta’ €18-il miljun f’investiment tal-lukanda Dolmen, il-Ministru għat-Turiżmu Edward Zammit Lewis, akkumpanjat miċ-Chairman tal-Awtorità Maltija għat-Turiżmu Gavin Gulia, faħħar lis-sidien għal dan l-investiment favur titjib fil-prodott offrut lit-turist f’din il-lukanda ta’ erba’ stilel fl-akkwati tal-Qawra, u li bi proġett infrastrutturali fl-istess żona l-Gvern se jirranġa l-madwar għal livell ogħla.

Aqra aktar

L-Assoċjazzjoni tal-Iżviluppaturi tikkundanna l-mod kif twaqqgħet il-lukanda Imperial

Fi stqarrija l-Assoċjazzjoni tal-Iżviluppaturi kkundannat l-aġir ta’ ċertu kuntratturi li b’mod irresponsabbli jużaw metodi mhux konformi mal-liġi biex iwaqqgħu xi bini.

L-MDA irreferiet għal rapporti fl-istampa dwar il-mod kif qed isir it-twaqqigħ tal-lukanda Imperial f’Tas-Sliema.

L-MDA spjegat li illum il-kuntratturi għandhom il-mezzi, apparti l-obbligi legali u morali biex meta jsiru xogħolijiet bħal dawn, l-inkonvenjenzi għall-ġirien u għall-pubbliku inġenerali jkunu mtaffija u kemm jista’ jkun limitati.

Aqra aktar

Send this to a friend