Libja | One News - Part 3

Notifiki

Jintbagħat disà xhur ħabs għax jekk imur lura pajjiżu jinqatel

Libjan ta’ 32 sena minn Benghazi ngħata s-sentenza ta’ disa’ xhur ħabs wara li ammetta akkużi ta’ serq.

Il-każ seħħ f’ħanut fil-Belt Valletta, fejn ikkawża biża’ lil żewġ nisa li ħasbu li se jkun vjolenti magħhom.

Barra minhekk kiser il-kundizzjonijiet ta’ ħelsien mill-arrest li kien ingħata f’sentenzi oħra.

Aqra aktar

Aktar minn 200 immigrant maħsuba mejta

Aktar minn 200 immigrant huma maħsuba li tilfu ħajjithom wara li għerqu waqt li kienu abbord dgħajsa li għerqet ftit ‘il bogħod mill-kosta tal-Libja, dan skond organizzazzjoni Spanjola li tgħin lil persuni fil-bżonn.

Proactiva Open Arms qalet li s’issa sabu madwar ħames iġsma li kienu qrib dgħajsa meqluba, li kull waħda tesa’ mitt persuna.

Aqra aktar

Il-Libjani l-iktar li talbu l-ażil f’Malta

Ma kienx hemm differenza kbira fin-numru ta’ persuni li talbu ażil għall-ewwel darba f’Malta. Dan meta wieħed iqabbel is-sena li għaddiet mas-sena ta’ qabel. Filwaqt li fl-2016 kienu 1,735 persuna li talbu ażil f’pajjiżna, fl-2015 kienu 1,695. Differenza ta’ erbgħin persuna.  Kienu l-Libjani (655) l-iktar li talbu ażil f’Malta, segwiti mis-Sirjani (285) u nies mill-Eritrea (255).

Aqra aktar

“L-Unjoni Ewropea trid tkompli tintensifika l-ħidma tagħha fir-rigward tal-Libja”

 “L-Unjoni Ewropea trid tkompli tintensifika l-ħidma tagħha fir-rigward tal-Libja, inkluż permezz ta’ azzjonijiet aktar iffukati tal-Politika ta’ Sigurtà u Difiża Komuni (PSDK) u ħidma bil-għan li jintlaħqu l-miri tal-Laqgħa Għolja tal-2015 tal-Belt Valletta dwar il-Migrazzjoni u l-Laqgħa Għolja Informali li saret f’Malta x-xahar li għadda, filwaqt li jsir ix-xogħol li ntlaħaq qbil dwaru f’dawk il-laqgħat,” qal il-Ministru għall-Intern u s-Sigurtà Nazzjonali, Carmelo Abela, waqt li indirizza l-laqgħa informali tal-Ministri tad-Difiża tal-Unjoni Ewropea fi Brussell.

Il-laqgħa sejħitha u ppresedietha r-Rappreżentant Għoli tal-UE għall-Affarijiet Barranin u l-Politika ta’ Sigurtà, Federica Mogherini, biex issir diskussjoni dwar il-prospettiva strateġika tal-involviment tal-PSDK fil-viċinat tal-UE u wkoll lil hinn minnu.

Aqra aktar

Nisa u rġiel bejn it-18 u 45 sena pprojbiti milli jivvjaġġaw

Lvant tal-Libja pprojbixxiet lil irġiel u nisa bejn l-etajiet ta’ 18 u 45 sena milli jivvjaġġaw barra mill-pajjiż mingħajr permess.

Il-Kap militari tar-reġjun, Abdelrazzak Al-Naduri, qal li l-għan wara din id-deċiżjoni hu bħala prekwazzjoni biex l-ebda persuna li jkollha ħsieb li tingħaqdu ma’ gruppi terroristiċi ma tingħata ċ-ċans. Aqra aktar

GĦAJNUNA KONKRETA LIL-LIBJA

 

Disgħa u tmenin persuna mill-gwardja tal-kosta l-qawwa navali Libjana ngħataw taħriġ bħala parti minn operazzjoni Ewropea bl-isem EUNAVFOR Med Operation Sophia.

F’ċerimonja fuq il-bastiment Taljan, San Giorgio fil-Port il-Kbir, it-taħriġ tagħhom kien rikonoxxut uffiċjalment.

Dan fil-preżenza tal-Prim Ministru Malti u r-Rappreżentant Għoli għall-Affarijiet Barranin tal-Kummissjoni Ewropea, Federica Mogherini.

Joseph Muscat tenna li din hija prova oħra ta’ kif summit bħal dak ta’ Malta il-ġimgħa li għaddiet mhuwiex biss diskors.
Aqra aktar

L-Italja u l-Libja jiffirmaw ftehim dwar il-migrazzjoni llegali

Il-Prim Ministru Taljan Paolo Gentiloni u dak Libjan Fayez al-Serraj iffirmaw memorandum of understanding fil-jum tal-Ħamis fuq kooperazzjoni biex tkun miġġielda l-migrazzjoni llegali, it-traffikar tan-nies, il-kutrabandu u r-rinfurzar tal-fruntiera bejn il-Libja u l-Italja.

Gentiloni qal li dan kien jum importanti għar-relazzjonijiet bejn iż-żewġ pajjiżi, fid-dawl li kien hemm konferma tal-kooperazzjoni li ilha għaddejja għal diversi xhur permezz tal-impenn tal-Gvern Taljan fuq diversi fronti.

Aqra aktar

‘Eluf ta’ immigranti jistennew il-Libja’ – Miriam Dalli

Ninsabu fuq l-għatba ta’ influss probabbli ta’ eluf ta’ immigranti fiċ-ċentru tal-Mediterran u l-Unjoni Ewropea għadha ma ħarġitx b’soluzzjoni effettiva li verament tagħmel differenza u tindirizza din ir-realtà.

Stqarret dan il-Membru Parlamentari Ewropew Maltija Miriam Dalli fil-Parlament Ewropew waqt li kien qed jiġi diskuss is-suġġett tal-immigrazzjoni miċ-ċentru tal-Mediterran.

“Sorsi differenti qed jitkellmu dwar eluf ta’ nies jistennew fil-Libja biex jaqsmu lejn l-Ewropa. Is-sitwazzjoni hija kritika u la jikkalma t-temp se nerġgħu niffaċċjaw influss qawwi ieħor mingħajr m’għandna soluzzjonijiet adegwati,” qalet Dr Dalli.

Aqra aktar

TUSK: IRRIDU NAGĦLQU R-ROTTA TAL-LIBJA

Dikjarazzjonijiet ċari kristall mill-President tal-Kunsill Ewropew, Donald Tusk, lejliet il-Malta Summit.

Għada jrid li f’Malta tkun diskussa l-kwistjoni tal-Libja u miżuri biex ikun hemm koperazzjoni li twaqqaf l-influss ta’ immigranti mil-Libja.

Aqra aktar

Send this to a friend