laburista – One News

Notifiki

BIL-FILMAT: Il-Gvern se jirdoppja l-ispazju miftuħ f’Ta’ Qali biex isir Il-Park Nazzjonali ta’ Malta

Il-Prim Ministru Joseph Muscat ħabbar li l-Gvern se jirdopppja l-park ta’ Ta’ Qali biex fuq medda ta’ 450,000 metru kwadru ta’ art jkollna l-ewwel Park Nazzjonali ta’ Malta.

F’konferenza tal-aħbarijiet f’Ta’ Qali, il-Prim Ministru qal li l-park se jinkludi tnejn u ħamsin tomna ta’ art li kienet okkupata minn fabbrika tal-konkrit. Qal li din l-art setgħet ingħatat għall-iżvilupp kummerċjali, iżda l-Gvern ħa d-deċiżjoni li jwaqqaf l-akbar proġett kapitali mħaddar li qatt sar f’minn tal-anqas ġenerazzjoni.

Il-proġett b’investiemnt ta’ 20 miljun ewro jinkludi t-tħawwil ta’ 80,000 siġra u xitla ġdida.

Dr Muscat qal li l-Gvern se jagħmel riġenerazzjoni sħiħa ta’ Ta’ Qali biex jrodd lill-familji medda ta’ art kbira daqs terz tal-kobor ta’ Hyde Park f’Londra.

Dr Muscat qal li dan il-proġett mhux fula f’qargħa. Qal li dan il-proġett jingħaqad ma’ dak imħabbar f’Bengħajsa fuq medda ta’ 80 elf metru kwadru ta’ art fin-Nofsinhar ta’ Malta u l-proġett innovattiv li se joħloq 13-elf metru kwadru oħra bit-tisqif tal-mini ta’ Santa Venera.

Il-Ministru għall-Proġetti Kapitali Ian Borg qal li dan il-park se jservi ta’ pulmun u sors ta’ enerġija nadifa għall-familji Maltin u Għawdxin.

Niżguraw li Ta’ Qali kollu jkun wieħed sħiħ għaliex għandek ħafna pockets li mhux utilizzati. Daqs 63 grawnd tal-futbol se jingħataw lura lill-familji. L-ekonomija sejra tajjeb u l-Maltin għandhom bżonn aktar ħin biex iqattgħu mal-familja, u rridu niżguraw li nagħtu l-proġett malajr kemm jista’ jkun lilhom ukoll.

Il-Park Nazzjonali ta’ Malta se jinkludi wkoll żoni ta’ kampeġġ, twessigħ tad-dog park, trakkek għall-ġiri, u se jagħti għall-proġett ta’ Chadwick Lakes u tal-Villaġġi tas-Snajja. Il-Gvern iddeċieda li l-Arkivji Nazzjonali l-ġodda se jingħaqdu mal-Park.

Qed inħarsu lejn investiment ta’ €20 miljun biex niżguraw li jkollna infrastruttura ħadra kif suppost li tħabbatha ma’ parks internazzjonali li aħna nesperjenzaw barra mill-pajjiż.

Min-naħa tiegħu l-Ministru għall-Ambjent Jose Herrera qal li l-Gvern qed juri prijorita fil-qasam ambjentali billi jagħti lura dawn iż-żoni lill-familji Maltin li se jkollu kemm aspetti naturali u aspetti sportivi.

 

Kif spiċċaw il-bużullotti!

Din il-ġimgħa l-operatur tat-trasport pubbliku ħabbar il-figura ta’ kemm nies użaw it-trasport pubbliku fis-sena li għada kif għaddiet. 53.4 miljun passiġġier għażlu li jużaw dan il-mezz tat-trasport. Dan ifisser li qed naraw żieda ta’ 11.3% fl-użu mis-sena 2017 għas-sena 2018; żieda li tfisser aktar minn 5 miljun passiġġier minn sena għal oħra. Is-sena 2018 tfisser ukoll żieda ta’ 61.3% fl-użu tat-trasport pubbliku meta mqabbla mas-sena 2011.Aqra aktar

Fertility Europe favur l-emendi fil-liġi tal-IVF

L-għaqda Fertility Europe esprimiet l-appoġġ kollhu tagħha fit-tibdil fil-liġijiet proposti u stqarret li hi tinkoriġġI lil leġislaturi Maltin biex jivvutaw favur din il-bidla.

Fi stqarrija Fertility Europe qalet li dawn huma tibdiliet kbar li se jwasslu biex it-trattamenti jkunu iżjed effettivi u sikuri. Huma esprimew is-sapport kollhu tagħhom u faħħru x-xogħol li qed tagħmel il-Malta Infertility Network fil-ħidma tagħhom lejn trattamenti iżjed effiċjenti u denji.

Huma saħqu li l-membri parlamentari Maltin għandhom iħossuhom kburin li qed jaħdmu favur din il-kawża u stqarru li dan hu pass li jwassal lejn l-aqwa prattiċi mediċi fl-Ewropa. Fertility Europe żiedet tgħid li l-pazjenti tal-infertilità Maltin għandu jkollhom aċċess għal trattament regolat u bbażat fuq mediċina bbażata fuq l-evidenza u mibni fuq is-sigurta tal-pazjenti u mhux il-politika, l-ideoloġiji u r-reliġjon.

“Nittama li min jintagħżel bħala Kap tal-PN ibiddel l-attitudni negattiva ta’ Simon Busuttil” – JM

Mhux se nkun qed nikkumenta fuq l-għażla tal-Kap, jien bħala Prim Ministru lest li naħdem ma’ kullħadd, iżda nittama li min jingħażel, ibiddel l-attitudni negattiva ta’ Simon Busuttil li prova jkisser kemm f’Malta u jagħmel il-bsaten fir-rotti kontra pajjiżu stess barra minn Malta.

Stqarr dan il-Prim Ministru u Mexxej tal-Partit Laburista Joseph Muscat f’intervent telefoniku fuq ONE Radio.

Aqra aktar

Send this to a friend