Kanada | One News

Notifiki

Il-Kanadiżi jneħħu ċ-ċittadinanza onorarja lil Suu Kyi

Il-membri parlamentari Kanadiżi ivvotaw b’mod unanimu biex ineħħu ċ-ċittadinanza onorarja tal-mexxej ta’ Myanmar Aung San Suu Kyi.

Il-mozzjoni kienet ir-risposta għall-falliment tagħha li twaqqaf il-persekuzzjoni tal-minoranza Rohingya f’pajjiżha.

Suu Kyi rebħet il-Premju Nobel għall-Paċi fl-1991 għall-isforzi tagħha sabiex iġġib id-demokrazija f’Myanmar, magħruf ukoll bħala Burma, hekk kif il-pajjiż kien immexxi mill-militar.

Rapport tal-Ġnus Magħquda qal li mexxejja militari ta’ Myanmar għandhom ikunu investigati għal ġenoċidju kontra r-Rohingya.

Minn tal-inqas seba mitt elf Rohingya ħarbu l-vjolenza fil-pajjiż fl-aħħar tnax-il xahar.

34 persuna jitilfu ħajtihom fil-Kanada minħabba sħana qawwija

Erbgħa u tletin persuna tilfu ħajjithom fil-provinċja Kanadiża ta’ Quebec hekk kif għaddejja sħana qawwija. Fil-Kanada, dan it-temp ilu għaddej għal madwar ġimgħa hekk kif it-temperaturi qed ilaħħqu madwar 37 gradi celsius u l-umdita’ hija għolja, bit-temperaturi jinħassu sa 47 gradi celsius.

Il-vittmi ta’ din is-sħana qawwija huma nies li għandhom madwar 50 u 80 sena.

Uffiċjali qalu li dawn huma l-iktar ġranet sħan f’dawn l-aħħar diċenji u uffiċjali tas-saħħa qegħdin jitolbu biex jibgħqu fil-kenn u jixorbu ħafna ilma.

Fi tweet, il-Prim Ministru Kanadiż Justin Trudeau qal li juri s-sogħba tiegħu għal familjari u l-qraba tal-vittmi, filwaqt li bħall-uffiċjali tas-saħħa qal li s-sħana se tippersisti.

Il-Kannabis rekreazzjonali issa legali fil-Kanada

Il-Parlament Kanadiż approva l-użu tal-kannabis rekreazzjonali. Dan wara li l-Att kontroversjali għadda mis-Senat b’52 vot favur u 29 kontra.

Issa, il-marijuana għal użu oltre minn dak mediċinali se tkun tista tiġi mkabbra u mibjugħa fil-pajjiż minn Settembru li ġej wara li l-użu tagħha kien ilu att kriminali mill-1923. Minkejja dan, il-kannabis mediċinali ilha tintuża mill-2001.

Il-Kanada hija t-tieni pajjiż fid-dinja li llegalizzat l-użu tal-kannabis wara l-Uruguay, fl-2013.

Fi tweet, il-Prim Ministru Kanadiż esprima s-sodisfazzjon għal din il-bidla tant mistennija.

ARA: Il-Prim Ministru Kanadiż jgħid li Trump kien insulenti

Is-summit tal-G7 spiċċa bil-President tal-Istati Uniti, Donald Trump irtira lura l-approvazzjoni tiegħu tad-dikjarazzjoni konġunta.

Huwa akkuża lill-Prim Ministru tal-Kanada, Justin Trudeau li aġixxa b’mod leġġer waqt il-laqgħat.

Is-summit kien iddominat minn nuqqas ta’ qbil, partikolarment fuq in-negozju.

Trudeau ddeskriva bħala insulenti, d-deċiżjoni ta’ Trump biex jinvoka s-sigurtà nazzjonali biex jiġġustifika t-tariffi.

Send this to a friend