Joseph Muscat | One News - Part 13

Notifiki

“Irridu nibnu l-Ewropa mill-ġdid biex inwettqu dak li wegħedna”-il-PM Joseph Muscat f’artiklu fuq The Guardian

Artiklu li qed jidher fuq is-sit elettroniku tal-aħbarijiet The Guardian qed jitfa’ dawl fuq kif il-mexxejja Ewropej qed jirriffjutaw li jirrepetu l-iżbalji li saru minn predeċessuri tagħhom, u joffru mexxejja li verament iridu ċ-ċittadini Ewropej: mexxejja li jaħdmu għal Ewropa ta’ prosperità, solidarjetà, u paċi.

Aqra aktar

“Malta reġgħet uriet li hija proattiva fis-solidarjetà bla ma tgħabbiet bl-ebda piż”-Il-PM Joseph Muscat  

Fi New York, il-Prim Ministru Joseph Muscat ta l-kummenti tiegħu dwar l-aħħar żviluppi b’rabta mal-vapur MV Aquarius li għamel missjoni ta’ salvataġġ fl-ibħra taħt ir-responsabbiltà Libjana u rrifjuta li jagħti l-persuni salvati f’idejn l-awtoritajiet Libjani biex il-vapur spiċċa jiġġerra fil-Mediterran u saħansitra tneħħitlu l-bandiera li kellu.

Muscat qal li s-sitwazzjoni kienet qed teskala bis-serjetà u fuq inizjattiva tal-Gvern Franċiż u l-Gvern Malti ġie deċiż li jittieħdu numru ta’ miżuri.

Aqra aktar

Tiftaħ l-Assemblea Ġenerali tal-Ġnus Maqgħuda fi New York

Bit-tema Making the United Nations relevant to all people, fetħet uffiċjalment it-73 sessjoni tal-Assemblea Ġenerali tal-Ġnus Maqgħuda. Fi New York, il-mexxejja dinjin ingħaqdu flimkien għall-ewwel diskorsi fost oħrajn tas-Segretarju Ġenerali tal-Ġnus Maqgħuda António Guterres u tal-President tal-Istati Uniti Donald Trump.

F’kummenti lill-meżżi tax-xandir, il-Prim Ministru Joseph Muscat qal li ta’ kull sena, din il-ġimgħa tkun importanti ħafna biex il-mexxejja jiltaqgħu bejniethom u jiddiskutu formalment u informalment dwar is-soluzzjonijiet għal sitwazzjonijiet kontroversjali.

 

Aqra aktar

Jiżdied l-infurzar biex komunitajiet jgħixu f’serenità

  • Pjanijiet ta’ proġetti teknoloġiċi biex nipprevjenu l-anti-social behaviour f’pajjiżna.

Il-Prim Ministru, Joseph Muscat, tkellem fid-dettal dwar politika tal-Gvern fil-qasam tal-immigrazzjoni.

Qal li din hi politika sensibbli u ta’ sens komun fl-istess ħin li l-gvern jaf fejn għandu jkun strett.

Fuq ONE Radio għamilha ċara li ma jistax ikun li kulħadd jaħseb li jista’ jagħmel li jrid.

Il-Prim Ministru spjega fenomenu ta’ immigrazzjoni pjuttost ġdid għal pajjiżna. Dak ta’ nies Afrikani li ma jkunux waslu Malta bid-dgħajjes imma jaslu bid-dgħajjes fl-Italja jew f’postijiet oħra, ma jsibux xogħol hemm u jiġu lejn Malta b’mod leġittimu jiġifieri jiġu bl-ajruplan jew katamaran u bil-permess. Dawn il-persuni iżda mbagħad ma jkollhomx per eżempju d-dritt illi jfittxu xogħol ġewwa pajjiżna.Aqra aktar

Il-PM jgħid li l-Mexxejja Ewropej huma “kważi unanimi” dwar it-tieni vot dwar Brexit

Diversi rapporti fil-midja Ewropea qed jikkwotaw lill-Prim Ministru Joseph Muscat li f’intervista lil BBC Radio 4 qal lil-mexxejja Ewropej huma kważi unanimi dwar it-tieni vot dwar Brexit.

“Aħna rridu li jiġri dak li hu kważi impossibbli, li r-Renju Unit ikollu referendum ieħor”, qal il-Prim Ministru Muscat ftit tal-ħin ilu. Il-mexxejja Ewropej issa qed jgħidu li r-Renju Unit għadu fiċ-ċans li jerġa’ jersaq quddiem il-poplu Brittaniku u jħallih jiddeċiedi għal darb’oħra.Aqra aktar

Jitolbu lill-Gvern iħalli l-bastimenti tal-NGOs joperaw

Delegazzjoni tal-Parlament Ewropew li ġiet pajjiŻna sabiex tinvestiga l-kwistjoni tal-Immigrazzjoni, talbet lill-gvern malti sabiex iħalli l-vapuri u ajruplan jitilqu minn Malta biex jerħula lejn iż-żona ta’ tiftix u salvataġġ tal-Libja.

Fl-aħħar ta’ Ġunju li għadda, il-Gvern ordna li l-vapuri Seawatch 3 u l-MV Lifeline li jaħdmu fil-qasam tas-salvataġġ fil-Mediterran biex ma joħorġux mill-Port il-Kbir minħabba ksur ta’ regolamenti internazzjonali.

Dan wara deċiżjoni tal-Unjoni Ewropea li bl-insistenza ta’ Malta qablet li dawn il-vapuri għandhom jaħdmu skont ir-regoli internazzjonali.

Madankollu, id-delegazzjoni mmexxija mill-membru parlamentari ewropew tal-irlanda Martina Anderson, qalet li l-Prim Ministru Joseph Muscat għandu jintervjeni u jħalli dawn il-bastimenti tas-salvataġġ joperaw.

We are asking the PM to intervene to these vessels to leave Malta.

Fl-stess konferenza tal-aħbarijiet, il-membru parlamentari ewropew ingliza Jean Lambert appellat sabiex l-istati membri tal-Unjoni Ewropea ma jaħarbux mir-responsabillita tagħhom u jsalvaw l-immigranti.

Bil-gvern malti dejjem mexa bil-politika tas-sens komun u salva ħajjet in-nies f’kazijiet fejn kien hemm bzonn. Bil- ħajja umana hija l-interess ewlieni tal-gvern.

We were looking at the situation when Malta was undepressure a number of years ago. The inability of member states to cooperate where people will land and the support.

Il-ġimgħa li għaddiet l-Kap Nazzjonalista Adrian Delia qal li Malta għandha ssir ċentru ta’ salvataġġ għall-immigranti għax qal li għandha ħafna baħar. Propsota li l-Prim Ministru Joseph Muscat għamilha ċara li ma jaqbilx magħha għax Malta ssir target għat-traffikanti li jimmiraw li jġibu l-immigranti mill-ewwel f’pajjiżna.

 

Il-PM f’laqgħa ma’ Theresa May f’Londra

Il-Prim Ministru Joseph Muscat jinsab f’Londra fejn aktar tard illum mistenni li jiltaqa’ mal-Prim Ministru tar-Renju Unit Theresa May. F’din il-laqgħa mistenni li jiġi diskuss l-istadju delikat tan-negozjati bejn ir-Renju Unit u l-Unjoni Ewropea b’rabta ma’ Brexit.

Waqt iż-żjara tiegħu fil-Kapitali Brittanika, il-Prim Ministru mistenni  jiltaqa’ wkoll ma’ negozjanti li jidhru li huma interessati li jinvestu f’Malta. Aqra aktar

Gvern pro-business ikompli jkabbar l-ekonomija

“Fejn tidħol ekonomija, ma tantx għandek sitwazzjoni ta’ brejkijiet. Fl-ekonomija għandek il-clutch u l-gass u trid tirregola lilek innifsek f’dak ir-rigward,” sostna l-Prim Ministru waqt intervista dalgħodu fuq ONE Radio meta mistoqsi dwar it-tkabbir ekonomiku ta’ pajjiżna. Qal li jekk tnaqqas it-tkabbir ekonomiku, l-ikbar daqqa se jaqlgħuha l-middle class u ż-żgħir.

Aqra aktar

Send this to a friend