Jason Azzopardi | One News

Notifiki

Jason Azzopardi kontra d-deċiżjoni tal-Gvern li jissospendi l-permessi ta’ twaqqigħ u skavar

Id-Deputat Nazzjonalista Jason Azzopardi ħareġ jattakka d-deċiżjoni tal-Gvern li jissospendi b’mod immedjat il-permessi għat-twaqqigħ u skavar. Il-Prim Ministru Joseph Muscat ħabbar dan il-Ħamis wara li ġġarrfet binja fil-Gwardamangia, fejn b’xorti tajba ħadd ma’ weġġa’.

Id-deċiżjoni għaqlija tal-Gvern ma niżlet xejn tajjeb ma’ Azzopardi, tant, li fuq il-profil personali tiegħu ta’ Facebook, iddeskriva d-deċiżjoni tal-Gvern bħala ‘azzjoni popolista’.

Azzopardi jikkonferma li l-PN mar lura mill-appoġġ għall-mina

Filwaqt li l-gvern huwa deċiz li jwettaq il-proġett tal-mina, Deputati nazzjonalisti komplu jikkonfermaw li l-Partit Nazzjonalista mar lura mill-appoġġ lejn il-mina.

B’Jason Azzopardi jaqbel ma’ Adrian Delia li minkejja li ivvutaw favru il-mina fil-parlament, issa darilhom u qed jgħidu li se jistennew ir-rapporti sabiex jieħdu d-deċiżjoni finali. Dan meta studji li kienu saru taħt amministrazzjoni Nazzjonalista kienu kkonkludew li l-proġett tal-mina huwa fattibbli.

Aqra aktar

Kumpanija tgiddeb lil Jason Azzopardi

Il-kumpanija Technoline ċaħdet bl-aktar mod kategoriku l-allegazzjonijiet tad-Deputati Nazzjonalisti Jason Azzopardi u Beppe Fenech Adami fil-parlament it-Tlieta filgħaxija.

Iż-żewġ deputati allegaw li l-kumpanija ‘Technoline’ hi propjeta’ ta’ ‘Vitals Global Healthcare’, ‘Steward Health Care’ jew individiwi oħra b’rabta mal-Gvern ta’ Malta.

Stqarrija l-kumpanija Technoline u s-sid tagħha Ivan Vassallo  sejjaħ dawn l-allegazzjonijiet bħala infondati. Qalu li dan hu attentat malizzjuz sabiex azzopardi u fenech adami jieħdu vantaġġ politiku.

L-istqarrija temmet tgħid li l-kumpanija qed tieħu dawn l-allegazzjonijiet b’serjeta u mistennija tieħu l-azzjonjiet meħtieġa sabiex tissalvagwardja l-interessi u r-reputazzjoni tagħha minn aħbarijiet foloz.

Azzopardi skomdu jwieġeb… jippreferi jitkellem hu l-ewwel

Fil-Kumitat għall-Kontijiet Pubbliċi dwar il-każ tat-trasferiment tal-art fil-Fekruna ftit jiem qabel l-elezzjoni tal-2013, id-deputat Nazzjonalista Jason Azzopardi kien mistenni jixhed quddiem dan il-kumitat. Dan wara diversi dikjarazzjonijiet min xhieda preċedenti li Azzopardi nnifsu kien ordna li jsir it-trasferiment sigħat qabel ma l-Partit Nazzjonalista tilef l-elezzjoni ġenerali.Aqra aktar

“Il-PN mhux kredibbli jitkellem fuq il-valur tal-art pubblika”- il-PL

Il-Partit Nazzjonalista mhux kredibbli li jitkellem fuq il-valur tal-art pubblika. Sostna dan il-Partit Laburista b’reazzjoni għal akkużi li qed jagħmel il-Partit Nazzjonalista dwar proċess li għaddej dwar art li se tintuża għal investiment turistiku.

Il-Partit Laburista nnota li l-ġimgħa li għaddiet, il-Qorti kkonfermat ir-responsabbilità tad-deputat Jason Azzopardi fl-iskandlu tal-art tal-Löwenbräu.  Fejn l-uniku tellief fid-deal tal-art kien il-poplu Malti.Aqra aktar

Jason Azzopardi jordnalu jibqa’ miexi b’esproprjazzjoni jiem qabel l-elezzjoni ġenerali

L-eks Direttur Ġenerali fid-Dipartiment tal-Artijiet, Eman Schembri, kien wera f’e-mail li bagħat fit-28 ta’ Frar 2013 lill-eks Ministru tal-Finanzi Tonio Fenech u lill-eks Segretarju Parlamentari Jason Azzopardi li ma ħassx li kien prudenti li l-każ tal-esproprjazzjoni tal-art tal-Fekruna kellu jibqa’ għaddej meta kienet waslet l-elezzjoni ġenereali.

Meta kien qed jixhed quddiem il-Kumitat Permanenti dwar il-Kontijiet Pubbliċi dwar ir-Rapport tal-Awditur Ġenerali dwar dan it-trasferiment tal-art, is-Sur Schembri qal li huwa kien irċieva minuta fil-file minn Jason Azzopardi biex imexxi u jagħlaq it-transizzjoni.Aqra aktar

Sentenza tal-Qorti l-konferma li Jason Azzopardi għandu jerfa’ r-responsabbiltà politika

F’sentenza tal-Qorti dalgħodu, f’kawża ta’ libell li d-deputat nazzjonalista Jason Azzopardi għamel kontra l-Ministru Owen Bonnici, kien hemm konferma ta’ dak li ilu jgħid il-Partit Laburista. Huwa Jason Azzopardi l-politiku li kellu jerfa’ r-responsabbiltà għall-iskandlu tal-art tal- Löwenbräu li fost oħrajn ġab il-kundanna tal-Awditur Ġenerali.

Fi stqarrija, il-Partit Laburista fakkar kif Jason Azzopardi kien mar il-Qorti wara konferenzi tal-aħbarijiet fuq is-suġġett mill-Partit Laburista. Iżda, mix-xhieda li semgħet u d-dokumenti li rat il-Qorti kkonkludiet li kellu raġun il-Partit Laburista li jsejjaħ lil Jason Azzopardi biex iwieġeb għad-deċiżjonijiet skandalużu f’dan il-każ.Aqra aktar

Jason Azzopardi jaħrab il-PAC


Illum id-deputat Nazzjonalista, Jason Azzopardi, ħarab milli jidher quddiem il-Kumitat għall-Kontijiet Pubbliċi.

Is-seduta tal-lum reġgħet semgħet lix-xhud Ray Vella li kellu l-proprjetà tal-Fekruna u li għamel id-deal li l-gvern mar ħażin minnu. Aqra aktar

Deputati Nazzjonalisti jiddefendu lil Jason Azzopardi

Id-Deputat Nazzjonalista Mario Galea ħareġ għonqu jiddefendi lid-Deputat Nazzjonalista Jason Azzopardi.

Il-gazzetta It-Torċa żvelat li l-każ skandaluż tal-esproprazzjoni tal-art tal-Fekruna jinsab taħt il-lenti tal-Pulizija għall-mod li bih ingħatat l-art pubblika lil persuna qrib il-partit nazzjonalista. Dan b’kuntratt iffirmat erbat ijiem biss qabel l-elezzjoni ġenerali tal-2013.Aqra aktar

Send this to a friend