Italja – Page 9 – One News

Notifiki

Malti fost dawk li sawtu tfajla Russa fl-Italja

Raġel Malti u tliet tfajliet Ingliżi, li għandhom bejn it-23 sena u l-54 sena, kienu qed jiddeveru f’post tad-divertiment meta f’ħin minnhom, mingħajr ebda raġuni, qabdu jagħtu ma’ tfajla Russa fiċ-Ċentru ta’ Ruma. Dan skond rapport Corriera della Sera.

Qed jingħad li l-grupp xorbu aktar milli felħu hekk kif qabdu jagħtu ma’ tfajla Russa ta’ 27 sena, meta għal raġuni mhux magħrufa, bdew ifajru d-daqqiet ta’ sieq u bil-ponn.

Aqra aktar

Pajjiżi oħra jgħollu l-prezz tad-dawl – Malta le

Filwaqt li hawn Malta l-prezz tal-enerġija huwa garantit li jibqa’ dak li hu, fl-Italja se jkun hemm żieda ta’ kważi 1%, minħabba ż-żieda fil-prezz internazzjonali tal-fuel.

B’differenza, il-prezz tal-elettriku f’pajjiżna mhux ser jiġi affettwat miż-żidiet qawwija fil-prezz internazzjonali taż-żejt. Dan huwa dovut għall-pjan tal-enerġija li qed iwettaq dan il-Gvern biex pajjiżna jiġġenera l-elettriku mill-gass u ma jibqax dipendenti fuq il-heavy fuel oil.

Aqra aktar

IS-SUSPETTAT WARA L-ATTAKK TA’ BERLIN JINQATEL F’MILAN

Is-suspettat wara l-attakk ta’ Berlin inqatel wara għadd ta’ sparar ta’ tiri bejnu u bejn il-Pulizija f’Milan fl-Italja, sorsi qrib is-sigurtà tal-Italja qed jgħidu. Rapporti inizjali qalu li l-Pulizija tad-Danimarka lemħu raġel li jaqbel mad-deskrizzjoni tas-suspettat fid-Danimarka.

Rapporti fuq siti tal-aħbarijiet tal-Italja qed jirraportaw li raġel inqatel mill-Pulizija wara li ġew sparati diversi tiri miż-żewġ naħat. L-isparatura seħħet qrib stazzjon tal-ferrovija f’Milan wara li r-raġel ġie mwaqqaf mill-Pulizija kmieni dalgħodu. Qed jiġi allegat li r-raġel ħareġ pistola ftit wara li ġie mistoqsi biex juri l-karta tal-identità tiegħu. Hu spara u laqat Pulizija. L-istess raġel, li allegatament kellu biljett għall-ferrovija minn Franza fil-but tiegħu, għajjat “Allahu Akbar”, waqt l-isparatura.

Isma’ x’qal Sandro Gozi fuq Joseph Muscat

Waqt il-programm Pjazza, il-Membru Parlamentari Taljan Sandro Gozi tkellem dwar il-Presidenza Maltija tal-Kunsill tal-Unjoni Ewropea.

Qal li Muscat huwa mexxej rispettat u li dan ir-rispett jinħass fuq livell Ewropej.

Tista’ tisma’ l-intervent hawn.

Aqra aktar

Paolo Gentiloni mistenni jieħu post Renzi

Paolo Gentiloni huwa mistenni li jieħu post Matteo Renzi bħala Prim Ministru tal-Italja. Il-President Taljan Sergio Mattarella se jiltaqa’ ma Gentiloni, li preżentament qed iservi bħala Ministru għall-affarijiet barranin illum, dan ġie mħabbar fi stqarrija maħruġa mill-Uffiċju tal-President. Huwa mistenni li f’din il-laqgħa, Mattarella jsaqsi lil Paolo Gentiloni biex jieħu post Renzi.
Aqra aktar

Se jibqa’ Prim Ministru sakemm ikun approvat il-baġit għall-2017

Matteo Renzi se jżomm il-kariga ta’ Prim Ministru Taljan sa ma jkun approvat il-baġit 2017. Huwa maħsub li dan isir il-ġimgħa d-dieħla. Renzi ħabbar ir-riżenja tiegħu nhar it-Tnejn wara li proposti li għamel għal riforma fil-kostituzzjoni tilfu r-referendum tal-Ħadd li għadda.

Madanakollu il-President Sergio Mattarella talbu biex għalissa jżomm it-titlu ta’ Prim Ministru. Wara li jgħaddi l-baġit, il-President Mattarella jitlob mexxej għall-Partit Demokratiku biex ikun fil-Gvern sal-elezzjoni tal-2018, bl-iktar kandidati b’saħħithom s’issa jidru li li huma Pier Carlo Padoan, il-President tas-Senat Pietro Grasso, u l-Ministru għall-Affarijiet Barranin Paola Gentiloni.

L-Italja tgħid LE u Renzi jirriżenja

It-Taljani qalu le għall-proposti ta’ bidliet kostituzzjonali li kien qed jipproponi l-Prim Ministru Matteo Renzi u meta ftit tas-sigħat ilu kien deher ċar li Renzi tilef il-vot ħabbar li se jirriżenja. Biex żamm mal-kelma li jorbot il-kariga tiegħu mar-riżultat tar-referendum.

Aqra aktar

It-Taljani jivvotaw

It-Taljani llum qed jivvotaw f’referendum li qed jiġbed ħafna l-attenzjoni ta’ dawk li qed ifittxu sinjali ‘anti-establishment’ fl-Ewropa.

Il-vot issejjeħ mill-Prim Ministru Matteo Renzi, u jitratta bidliet fis-setgħat tas-senat. Jekk tgħaddi ta’ Renzi, il-membri tas-senat jonqsu minn 315 għal 100, b’ħafna sindki u rappreżentanti reġjonali jkollhom jitilqu.

Renzi jemmen li r-riforma se tħaffef il-proċess biex jidħlu liġijiet importanti – proċess bħalissa jemmen li qed jittawwal għalxejn.

Madanakollu, stħarriġ tal-opinjoni pubblika jindika li mhux se tgħaddi ta’ Renzi. Il-popu beda jivvota fis-07:00 dalgħodu u jista’ jivvota sal-23:00 tal-llejla.

Send this to a friend