Italja | One News

Notifiki

Xufier jagħti n-nar lil xarabank bi tfal tal-iskola abbord fl-Italja

Xufier ta’ xarabank tal-iskola jagħti n-nar il-vettura mimlija bit-tfal tal-iskola fl-Italja. Ir-raġel, li għandu 47 sena u huwa mis-Senegal, ħataf ix-xarabank li kien qed isuq u taha n-nar viċin Milan, bi protest.

Fix-xarabank kien hemm 51 tifel u tifla tal-iskola, u xi għalliema, uħud minnhom marbuta. Dawn kollha ġew salvati u hu mifhum li ma ġarrbux ġrieħi serji, għalkemm madwar 14 minnhom kellhom jingħataw kura għall-ammont ta’ dħaħen li belgħu. Aqra aktar

Sehem Malta kien fundamentali f’investigazzjoni kontra l-ħasil tal-flus fl-Italja

L-Awtoritajiet Maltin ikkoperaw bis-sħiħ f’investigazzjoni dwar ħasil tal-flus minn għaqda tal-krimintalità organizzata fl-Italja li jingħad li qed tmexxi l-industrija tal-logħob tal-azzard b’mod majfuż.

Il-kamra tal-aħbarijiet Taljana Rai News irrappurtat li 68 persuna ġew arrestati, u assi li jammontaw għal aktar minn biljun ewro ttieħdu mill-Italja u pajjiżi oħra. Dan wara li saru tliet investigazzjoni differenti f’Bari, Reggio Calabria, u Catania. Dawn kienu kkordinati mid-Direttorat Nazzjonali ta’ kontra l-Majfa u t-Terroriżmu. Jidher li l-industrija tal-logħob tal-azzard immexxija mis-suspettati taqbeż’ l-erba’ biljun ewro.Aqra aktar

Il-K.E. ma taċċettax il-baġit tal-Italja

Il-Kummissjoni Ewropea m’aċċettatx il-baġit tal-Italja, xi ħaġa li qatt ma ġrat fl-istorja tal-Unjoni Ewropea. Jidher li l-Kummissjoni Ewropea għamlet dan għaliex kienet imħassba bid-dejn li diġà għandu l-pajjiż minkejja li l-Italja hija t-tielet l-akbar ekonomija fiż-żona ewro. Aqra aktar

Malta fost l-inqas b’rati ta’ qgħad fl-Unjoni Ewropea

Għal xahar ieħor, Malta baqgħet fl-inqas postijiet fl-istatistika tal-Eurostat li għandhom l-inqas rata ta’ qgħad fost il-pajjiżi tal-Unjoni Ewropea.

Iċ-ċifi għal Lulju juru li r-rata ta’ persuni jfittxu x-xogħol f’Malta kienet ta’ 4%. Kien biss l-Olanda, l-Ungerija, il-Polonja, il-Ġermanja u r-Repubblika Ċeka li kellhom rata ta’ qgħad ftit inqas minn ta’ Malta.

F’dak li huwa qgħad fost iż-żgħażagħ ta’ taħt il-25 sena, Malta  b’6.3% kellha t-tieni l-inqas rata fost il-pajjiżi Ewropew, ftit iktar minn tal-Ġermanja fejn ir-rata hija ta’ 6.1%.

Ir-rata medja ta’ qgħad fil-pajjiżi taż-Żona tal-Ewro f’Lulju kienet 8.2% filwaqt li kienet ta’ 6.8% fit-28 pajjiż tal-Unjoni Ewropea fejn ftit aktar minn 17-il miljun ruħ jinsabu qiegħda. Il-Greċja għad għandha l-ogħla rata ta’ qgħad b’19.5% u Spanja bi 15.1%.

Send this to a friend