Hong Kong | One News

Notifiki

Jitwarrab l-Abbozz ta’ liġi kontroversjali li qajjem furur f’Hong Kong

Waqt konferenza stampa indirizzata llum mill-Kap ta’ Hong Kong, Carrie Lam, qalet li l-abbozz kontroversjali li kien jippermetti estradazzjoni lejn iċ-Ċina u li qajjem furur f’dawn l-aħħar ġimgħat f’Hong Kong, huwa mitmum. Hija qalet li x-xogħol li sar mill-Gvern dwar dan l-abbozz kien falliment totali, iżda naqset milli tgħid li ġie rtirat kompletament bħalma qed jitolbu d-demostranti. F’nofs Ġunju li għadda, Lam kienet kostretta li tissospendi l-abbozz b’mod indefenittiv wara li eluf ta’ nies inġabru fit-toroq ta’ Hong Kong jipprotestaw. Aqra aktar

Jitlef ħajtu f’attrazzjoni bikrija tal-Halloween f’Hong Kong

Ġuvni ta’ 21 sena miet wara li allegatament intlaqat minn oġġett mekkaniku waqt li kien miexi f’dar tal-waħx f’park tad-divertiment ġewwa Hong Kong.

Ir-raġel, li ġie identifikat biss mill-kunjom tiegħu Cheung, instab mitluf minn sensih ħames minuti wara li daħal fl-attrazzjoni li ġġib l-isem ta’ ‘Buried Alive f’Ocean Park.

Aqra aktar

FILMAT: Ħsara f’escalator twassal biex tmintax-il persuna jindarbu

Inċident mhux mistenni kien dak li jidher f’dan il-filmat. Dan hekk kif escalator f’stabbiliment kummerċjali f’Hong Kong awtomatikament biddel id-direzzjoni li kien sejjer fiha. Inċident li wassal biex tmintax-il persuna tweġġa’ hekk kif il-bidla fid-direzzjoni ħolqot paniku sħiħ.

Filfatt, f’dan il-filmat CCTV jidher il-mument li fih il-passiġġieri li kienu qed jagħmlu użu minn dan l-escalator jaqaw kollha fuq xulxin.

Aqra aktar

Tinħatar l-ewwel mara li se tmexxi Hong Kong

Carrie Lam inħatret bħala l-mexxejja l-ġdida ta’ kumitat amministrattiv li jmexxi l-istat semi-awtonomu ta’ Hong Kong.

Hong Kong li jirrispondi direttament il-Gvern Ċiniż ibbażat fil-kapitali Beijing se jkollu għall-ewwel darba mara tmexxih.

Carrie Lam kienet mistennija li tiġi eletta wara li kellha l-appoġġ sħiħ mill-Gvern Ċiniż.

Aqra aktar

Min hu minn Ħong Kong u jitlob l-indipendenza miċ-Ċina, aħjar joqgħod attent

Iċ-Ċina wissiet li kull min qed iħabrek għall-indipendenza ta’ Ħong Kong jistgħu jittieħdu passi kontrih.

Dan il-messaġġ wasal wara li attivisti żgħażagħ favur id-demokrazija rebħu siġġijiet fil-Kunsill leġislattiv ta’ Hong Kong. Iżda l-gvern Ċiniż, b’mod determinat, oppona kull attività indipendenti fil-Kunsill jew barra minnu.

Dan fl-istess waqt li ħafna f’Hong Kong qed jesprimu tħassib dwar l-interventi ta’ Beijing fil-politika tagħhom.

L-elezzjoni tal-Ħadd li għadda kienet l-ewwel waħda fit-territorju mindu saru dimostrazzjonijiet fit-toroq fl-2014. Dakinhar, żoni ċentrali f’Hong Kong kienu pparalizzati għal ġimgħat sħaħ minn ħafna protestanti żgħażagħ li sejħu għal aktar awtonomija fiċ-Ċina.

Send this to a friend