Helena Dalli | One News

Notifiki

Biex inkissru l-isterjotipi marbuta ma’ sehem in-nisa fis-settur Marittimu

“Irridu bidla fis-settur marittimu. Irridu nkissru l-isterjotipi marbuta ma’ dan is-settur biex verament ngħarfu l-potenzjal qawwi li għandhom in-nisa biex jikkonbtribwixxu għat-tkabbir tal-ekonomija blu”.

Qalet dan il-Ministru għall-Affarijiet Ewropej u l-Ugwaljanza Helena Dalli fl-indirizz tagħha lil numru ta’ studenti, professjonisti, u baħħara nisa minn madwar id-dinja waqt konferenza fl-Istitut tal-Liġi Marittima fl-Università ta’ Malta. Aqra aktar

Helena Dalli f’laqgħat ma’ Ministru Spanjol dwar il-futur tal-Unjoni Ewropea

Il-Ministru għall-Affarijiet Ewropej u l-Ugwaljanza Helena Dalli f’laqgħa mal-Ministru Spanjol għall-Affarijiet Barranin, l-Unjoni Ewropea u l-Kooperazzjoni Josep Borrell

 

Il-Ministru għall-Affarijiet Ewropej u l-Ugwaljanza Helena Dalli ltaqgħet mal-Ministru Spanjol għall-Affarijiet Barranin, l-Unjoni Ewropea u l-Kooperazzjoni Josep Borrell fil-Berġa t’Aragona.

 

Iż-żewġ Ministri tkellmu dwar temi kurrenti fil-kuntest tal-futur tal-Unjoni Ewropea, b’mod partikolari dwar Brexit, il-migrazzjoni u l-qafas finanzjarju pluriennali.

 

Dalli u Borrell qablu li  l-Unjoni għandha tibqa’ magħquda fil-pożizzjoni komuni tas-27 Stat Membru dwar Brexit. Iż-żewġ ministri qalu li rridu naħdmu ħafna biex din l-għaqda narawha wkoll fuq il-kwistjoni tal-migrazzjoni. F’dan ir-rigward, il-Ministri sostnew li s-sitwazzjoni attwali mhijiex tenibbli u qablu li ma jistgħux jibqgħu jittieħdu deċiżjonijiet ad hoc għal kull vapur li jasal.

 

Għal kuntrarju, il-Ministri tennew l-impenn tagħhom favur mekkaniżmu ta’ rilokazzjoni mandatorja maqbul bejn l-iStati Membri. Dan bil-għan li jintbgħat messaġġ ċar liċ-ċittadini li l-Unjoni Ewropea kapaċi tasal għal soluzzjoni ġusta abbażi tal-prinċipju ta’ solidarjetà b’responsabbiltà, biex kulħadd jagħti is-sehem tiegħu.

 

Helena Dalli u Josep Borrell tkellmu wkoll dwar il-ħtieġa ta’ investiment sostenibbli fil-kontinent Afrikan bil-għan li tinbena reżiljenza waqt li r-realtà tal-migrazzjoni rregolari tiġi indirizzata fis-sors tagħha.

 

Fil-laqgħa spikka wkoll il-kunsens li n-negozjati dwar il-qafas finanzjarju pluriennali għandhom jintemmu malajr kemm jista’ jkun.  Fil-laqgħa ssemmiet ukoll il-politika ta’ koeżjoni, bil-Ministru Helena Dalli ttenni l-importanza ta’ din il-politika Ewropea għal pajjiżna.

Il-Baġit tal-Unjoni Ewropea 2021-2027 jeħtieġ li jkun approvat mingħajr ebda dewmien żejjed

“Jeħtieġ li nikkonkludu n-negozjati dwar il-Qafas Finanzjarju Multiannwali (MFF) 2021-2027 malajr kemm jista’ jkun u mhux aktar tard minn Ottubru biex nevitaw li ċ-ċittadini jbatu konsegwenzi negattivi relatati ma’ dewmien żejjed biex nibdew l-implimentazzjoni”, qalet il-Ministru għall-Affarijiet Ewropej u l-Ugwaljanza Helena Dalli waqt il-Kunsill għall-Affarijiet Ġenerali tal-Unjoni Ewropea fi Brussell.

Aqra aktar

Malta tixpruna vot favur l-ugwaljanza

19-il membru tal-Unjoni Ewropea, fuq inizjattiva ta’ Malta, iffirmaw dokument informali kontra d-diskriminazzjoni u l-abbuż fuq persuni LGBTI.

Dan id-dokument se jiġi ppreżentat lill-Kummissjoni Ewropea l-ġdida li se tkun iffurmata s-sena d-dieħla. Aqra aktar

Infermier f’San Vinċenz de Paul jirbaħ il-Premju Ħaddiem tas-Sena

Anthony Borg, infermier li jmexxi sala fir-residenza ta’ San Vinċenz de Paul, huwa r-rebbieħ ewlieni tal-Premju Ħaddiem tas-Sena 2018.

B’kollox kien hemm 36 nominazzjoni għal premjijiet minn sitt kategoriji differenti.

Ir-rebbieħa intgħażlu fost in-nominati minn bord indipendenti mmexxi mill-Avukat Anna Mallia flimkien mal-Inġinier Helga Pizzuto u l-Professur Anthony Serracino Inglott.Aqra aktar

Il-progress qawwi miksub fil-qasam tad-drittijiet tal-bniedem fl-aħħar ħames snin imfaħħar fl-ogħla forum internazzjonali tan-Nazzjonijiet Uniti

Waqt it-tielet Eżami Perjodiku Universali dwar is-sitwazzjoni tad-drittijiet tal-bniedem f’Malta, pajjiżna kien imfaħħar għall-progress miksub fl-aħħar ħames snin. Il-progress kien xprunat mill-bidla fil-mentalità ta’ nazzjon li nħeles mill-ktajjen konservattivi biex illum, kulħadd, mingħajr ebda distinzjoni, ingħata d-dinjità li tixraqlu.

Aqra aktar

Send this to a friend