ħal għaxaq – One News

Notifiki

Ser titella’ festa ta’ nbid u ikel Malti f’Ħal Għaxaq

Wara s-suċċess ta’ dawn l-aħħar sentejn l-Għaqda Mużikali San Ġużepp ta’ Ħal Għaxaq ser itella’ Maltese Food & Wine Festival f’Ħal Għaxaq nhar il-Ġimgħa 13 u s-Sibt 14 ta’ Settembru mis-7:30 ta’ filgħaxija ‘l quddiem.

Waqt dan il-Festival ser ikun hemm varjetà ta’ platters b’ikel tipikament Malti fosthom laħam taż-żiemel, fniek, majjal, bebbux, arjoli, bigilla, ġbejniet t’Għawdex, zalzett tal-Malti, mqaret u ħafna iktar. Dawk kollha li jattendu ħa jkollhom għażla sħiħa ta’ ikel minn fejn jagħżlu fejn żgur li se jintlaqtu l-gosti ta’ kulħadd, bl-unika limitazzjoni tkun li l-iklel kollu servut se jkun ikel Malti.

Platt ikel Malti ma jkunx komplut jekk miegħu ma tixrobx daqxejn inbid tajba u waqt dan il-Festival se jkun hemm verjetà kbira t’inbid Malti, prodott minn Delicata Winery, minn fejn wieħed jista’ jagħżel skont il-preferenza tiegħu. B’kollox se jkun hemm madwar 14-il tip differenti t’inbid minn  fejn wieħed jagħżel.

Minbarra l-ikel u l-inbid li wieħed jista’ jgawdi waqt dan il-festival se jkun hemm ukoll stands  bi prodotti tal-ikel magħmula lokalment. Dawk kollha li jattendu se jkunu jistgħu iduqu u jixtru biex igawduhom fi djarhom.

Din l-attività ser issir fi Pjazza Santu Rokku ġewwa Ħal Għaxaq, fejn hemm spazju tajjeb ħafna biex wieħed jiġi u minbarra li jgawdi l-ikel u l-inbid jitpaxxa bid-divertiment lokali li se jkompli jpaxxi l-widna ta’ dawk li jattendu. Fost il-mistednin speċjali għal dan il-festival hemm il-grupp Stereotipi, Ben Purple ta’ Verna Folk Band u Raquel.

Id-Dħul għal dan il-festival huwa mingħajr ħlas fejn kulħadd ikollu faċilità huwa mingħajr ħlas fejn imbagħad kulħadd ikollu l-faċilità li jixtri mill-istands li se jkun hemm ippreparati.

Biex iżżomm ruħek aġġornat bl-aħħar informazzjoni dwar din l-ewwel edizzjoni tal-festival tal-inbid u ikel Malti inħeġġuk tidħol fil-paġna ta’ Facebook Maltese & Wine Festival.

 

 

Ġew rilaxxati l-katavri tal-omm u l-bint li nqatlu f’Ħal Għaxaq

Il-Qorti laqgħet it-talba biex jiġu rilaxxati l-katavri għad-difna ta Marija Lourdes u Angele Bonnici. Kif ukoll it-talba li saret mis-sieħba tal-akkużat biex jiġu rilaxxat ċ-ċwievet tal-proprjetà fejn seħħ il-każ, minħabba li fiha kien hemm oġġetti personali tal-mara. Meta semgħet din l-aħbar il-mara dehret emozzjonata.Aqra aktar

“Dan mhux biss moviment tal-lum” – Joseph Muscat f’Ħal Għaxaq

Dan mhux biss moviment tal-lum, imma meta wasal il-waqt li l-poplu jagħti l-ġudizzju tiegħu, kien lest jgħid mhux biss x’għamel imma x’ħa jkun qed jagħmel. Ħareġ bil-prioritajiet li qed ikunu spjegati, inkluż bl-effett tagħhom fuq l-ekonomija, u kif se jdawwru r-rota ekonomika.

Joseph Muscat qal li ma jrid lil ħadd jimmina x-xogħol bil-kalunji.

Aqra aktar

Il-festa ta’ San Ġużepp f’Ħal Għaxaq se titmexxa

Fi stqarrija l-Għaqda Mużikali San Ġużepp ta’ Ħal Għaxaq ħabbret li għal din is-sena, il-festa ser tiġi iċċelebrata b’mod sħih bejn is-Sibt 17 u l-Hadd 25 ta’ Ġunju 2017, minflok fl-aħħar ġimgħa ta’ Mejju qabel l-ewwel Ħadd ta’ Ġunju

Dan tħabbar illum wara li l-Għaqda tkellmet mal-Kummissjonijiet Ġuzeppini u ġabet l-permessi neċessarji mill-awtoritajiet kemm ċivili u kemm eklessjastiċi.

Aqra aktar

“In-nies jiġġudikaw fuq il-ħidma” – Joseph Muscat

Il-gvern ma waqafx jara kif se jqassam fost kullħadd il-ġid u l-frott tal-investiment li qed jikseb b’ ħidma bla qatigħ.  “Kull Malti u Għawdxi, anka Simon Busuttil, jaf lil dan il-pajjiż jinsab aħjar illum milli kien 3 snin ilu” irrimarka Joseph Muscat fiċ-ċentru Laburista ta’ Ħal Għaxaq. F’ messaġġ ta’ kuraġġ u pożittività, il-Prim Minsitru stqarr li minkejja li pajjiżna dieħel fi żmien bla preċedent, fejn se jkollu t-tmun tal-Unjoni Ewropea f’ idejh fi żmien delikat ħafna, mhijiex se tonqos id-dedikazzjoni lejn il-ħidma fuq bażi lokali. “Ir-responsabilita tagħna lejn il-pajjiż u n-nies tkompli tikber” sostna l-Prim Ministru.

Aqra aktar

Send this to a friend