Gvern | One News - Part 2

Notifiki

ARA: X’jaħsbu t-tfal mill-iskola l-ġdida ta’ Marsaskala

Wara li t-tmexxija tal-iskola u l-persunal klerikali bdew joperaw mill-iskola l-ġdida fil-jiem li għaddew, u l-edukaturi ppreparaw il-klassijiet tagħhom, issa kien imiss lill-ewwel mitt student tal-kindergarten iżanżnu l-iskola primarja l-ġdida fil-lokalità ta’ Marsaskala hekk kif fetħet il-bibien tagħha. Mitejn student ieħor ta’ etajiet varji se jiġu rilokati l-gimgħa d-dieħla.

L-istudenti u l-għalliema tagħhom kienu ppreparati sa mill-bidu tas-sena skolastika u għalhekk dan iċ-ċaqliq ma kkawża ebda problema fit-tmexxija tal-iskejjel. B’investiment ta’ €7 miljun, din l-iskola għandha daqs ta’ 6,000 metru kwadru, inkluż parkeġġ għall-karozzi taħt l-art b’daqs ta’ 2,000 metru kwadru.

Din l-iskola se tkun qiegħda tikkumplimenta l-iskola primarja eżistenti fl-istess lokal li se tibqa’ topera. L-inawgurazzjoni uffiċjali ta’ din l-iskola se ssir matul ix-xahar li ġej.

Il-Gvern jilqa’ rakkomandazzjonjiet mill-KE dwar l-iskemi ta’ ċittadinanza b’investiment

IL-Gvern laqa’ sensiela ta’ rakkomandazzjonijiet ewlenin li għamlet il-Kummissjoni Ewropea f’rapport dwar l-iskemi ta’ ċittadnanza u ta’ residenza b’investiment fl-Unjoni Ewropea offruti minn għoxrn stat ewropew.

Fir-rapport tagħha, il-Kummissjoni Ewropea rrikonoxxiet li d-deċiżjoni biex jiġu nnaturalizzati ċ-ċittadini hija d-dritt sovran ta’ kull Stat Membru. Mir-rapport joħroġ ukoll li Malta tispikka bħala dik li għandha programm b’saħħtu.

Il-Gvern innota bi pjaċir li l-Kummissjoni tirrikonoxxi l-benefiċċji ekonomiċi tal-industrija, settur li stqarr li ġġenera bosta opportunitajiet ta’ impjieg madwar l-Unjoni Ewropea u d-dinja kollha. Il-Gvern sejjaħ bħala pass fid-direzzjoni t-tajba biex ikun hemm standards ogħla u aktar regolamentazzjoni fl-industrija madwar l-Unjoni Ewropea. Qal li Malta kienet fuq quddiem nett biex tippromwovi b’mod kontinwu kollaborazzjoni akbar bejn il-pajjiżi hekk kif rakkomandat.

Mill-banda l-oħra l-Gvern qal li ma jaqbilx mad-dikjarazzjoni tar-rapport li ċ-ċittadinanza b’investiment tingħata b’kundizzjonijiet inqas stretti. Wera t-tħassib ukoll dwar il-preżenza fiżika u qal li Malta hi waħda mill-ftit ġurisdizzjonijiet fejn il-preżenza fiżika hi obbligatorja. Sostna li Malta tadotta wieħed mill-aktar proċessi stretti ta’ verifika tant li huwa meqjus bħala l-aqwa wieħed fl-industrija. Qal li Malta taqbel u tappoġġja t-talba tar-rapport għal proċess uniformi bejn il-pajjiżi kollha, u li lesta żżomm moħħha miftuħ biex tkompli ttejjeb dawn il-proċessi ta’ verifika. Qal li Malta mhux biss ikkoperat fit-tfassil tar-rapport tal-Kummissjoni, iżda daħlet ukoll għal numru ta’ impenji biex tkompli tnaqqas ir-riskji.

Innota li Malta hi waħda mill-ftit pajjiżi Ewropej li tippubblika l-ismijiet tal-individwi li jiksbu ċ-ċittadinanza u l-kontrolli tal-applikanti huma pubbliċi wkoll. Il-Gvern saħaq li Malta diġà tat widen għall-ħafna mill-kritika indirizzata lejn dan is-settur, u ħadet l-inizjattiva minn jedda biex iddaħħal miżuri maħsuba biex jindirizzaw il-lakuni msemmija fir-rapport. Il-Gvern fakkar li f’dawn l-ewwel erba’ snin, il-Programm ġġenera dħul ta’ aktar minn €700 miljun, li 70% minnhom qed jiġu investiti mill-ġdid fi proġetti infrastrutturali u soċjali għall-benefiċċju tal-ġenerazzjonijiet preżenti u dawk futuri.

Malta tilqa’ l-impenn tal-Unjoni li tibqa’ tosserva lil dan is-settur mill-qrib u se tappoġġja kull azzjoni li ssaħħaħ l-integrità tal-industrija.

Intant, b’reazzjoni għal stqarrija tal-Partit Nazzjonalista, il-Partit Laburista qal li l-Kummissjoni Ewropea ħalliet lill-Partit Nazzjonalsita iżolta. Dan għax minkejja d-diversi suġġerimenti li saru mill-Kummissjoni Ewropea l-istituzzjoni Ewropea mkien m’għamlet bħal Adrian Delia u qalet li programmi simili m’għandhomx jeżistu.

Il-Partit Nazzjonalista ta’ Adrian Delia jrid ireġġa’ l-arloġġ lura billi jimmina programm li qed ikun ta’ benefiċju ekonomiku għall-pajjiżna.

Il-Gvern jiċħad allegazzjonijiet tat-Times dwar il-proġett tal-Corinthia

Il-Gvern ċaħad allegazzjoni li għamlet The Times li d-diskussjonijiet mal-Corinthia se jerġgħu jinfetħu wara li nħarġet twissija. Il-gazzetta qalet li l-Gvern reġa’ beda diskussjoni mal-Grupp Corinthia biex jinbidlu xi termini u negozjati dwar il-proġett tal-peniżula tal-bajja ta’ San Ġorġ, wara li allegatament inħarġet twissija li l-proġett jikser regoli Ewropej.

Fi stqarrija l-Gvern xejjen għal kollox din l-allegazzjoni u saħaq li din hija fabbrikazzjoni.Aqra aktar

Kif spiċċaw il-bużullotti!

Din il-ġimgħa l-operatur tat-trasport pubbliku ħabbar il-figura ta’ kemm nies użaw it-trasport pubbliku fis-sena li għada kif għaddiet. 53.4 miljun passiġġier għażlu li jużaw dan il-mezz tat-trasport. Dan ifisser li qed naraw żieda ta’ 11.3% fl-użu mis-sena 2017 għas-sena 2018; żieda li tfisser aktar minn 5 miljun passiġġier minn sena għal oħra. Is-sena 2018 tfisser ukoll żieda ta’ 61.3% fl-użu tat-trasport pubbliku meta mqabbla mas-sena 2011.Aqra aktar

Il-Gvern ma jilqax talbiet proposti mill-GRTU għal żidiet fil-prezz tal-fuel

Aktar kmieni llum, il-Ministru Joe Mizzi sejjaħ lill-GRTU għal laqgħa dwar il-kwistjoni tal-għajnuna li qed jitolbu s-sidien tal-pompi tal-petrol biex ilaħħqu mal-ħtiġijiet infrastrutturali. Dwar dan kienet ingħatat deċiżjoni mill-Awtorità Maltija għar-Riżorsi fl-2011 li kienet tat żieda fil-qliegħ mill-fuel lill-pompi bil-kundizzjoni li dawn ikopru l-investimenti strutturali li għandhom isiru sal-2020.

Il-Gvern jinnota t-talbiet għal żidiet mill-GRTU. Il-Gvern ma laqax dawn it-talbiet kif proposti għax f’dan l-istadju il-prezz tal-fuel jogħla għall-konsumatur lil hinn mill-prezz internazzjonali tal-fuel.

Il-Gvern offra żieda oħra ’il fuq minn dak deċiż fl-2011 u li f’dan il-ħin ma jitfax piż fuq il-familji u n-negozji. Il-bieb għal taħdidiet min-naħa tal-Gvern jibqa’ miftuħ.

Il-politika tal-Gvern qed twassal biex id-dħul f’pajjiżna jilħaq il-medja Ewropea

Fl-analiżi annwali dwar l-ekonomija ta’ pajjiżna, il-Fond Monetarju Internazzjonali jsostni li “Malta’s economic growth continues to be one of the strongest in Europe, resulting in rapid income convergence towards the EU average”. Skont l-esperti tal-IMF, dan ir-riżultat huwa dovut għal miżuri mwettqa mill-Gvern, deskritti bħala “prudent policies and reform efforts” li wasslu għal titjib kemm fis-settur privat kif ukoll f’dak pubbliku.

Filwaqt li rrimarkaw li s-sitwazzjoni internazzjonali qed issir aktar waħda ta’ sfidi, it-tkabbir f’pajjiżna mistenni jibqa’ sostnut bis-saħħa ta’ “rising incomes, low unemployment and planned investment projects”.Aqra aktar

Il-Gvern jilqa’ l-kummenti tal-K.E. dwar il-proġett tal-power station tal-gass

Il-Gvern laqa’ l-kummenti tal-Kummissjoni Ewropea dwar il-proġett tal-Power Station tal-Gass. Fil-kummenti tagħha l-Kummissjoni Ewropea nnutat li ntlaħqu l-għanijiet tal-proġett u li wasslu għal tnaqqis fl-emissjonijiet, għal kontijiet orħos u għat-tneħħija ta’ impjanti antiki u li jniġġsu tal-ġenerazzjoni tal-elettriku f’Delimara u l-Marsa.

Dan għal benfiċċju tal-poplu Malti u l-ambjent.

Il-Ministru għat-Turiżmu Konrad Mizzi nnota li dan il-kliem mill-Kummissjoni Ewropea juru kif ir-roadmap tal-enerġija u l-energy mix użata hija l-aqwa strateġija għal pajjiżna.

Send this to a friend