Għawdex | One News - Part 7

Notifiki

100 tunnellata ta’ skart organiku miġbur fl-ewwel ġurnata ta’ ġbir

100 tunnellata ta’ skart organiku nġabar matul il-jum tal-Erbgħa, fl-ewwel jum ta’ ġbir tal-borża l-bajda f’pajjiżna. 

Dan sar wara xhur ta’ ħidma li nfirxet mal-ibliet u l-irħula kollha f’Malta u f’Għawdex.

Il-borża l-bajda tinkludi fiha ikel imsajjar u nej inkluż l-għadam, il-ħut u l-frott tal-baħar, ħobż u għaġin, frott u ħaxix immuffatti, qxur tal-frott u ħxejjex, boroż tat-te u kafè mitħun, qxur tal-bajd, srievet tal-karti u karti maħmuġin, weraq u fjuri.

Il-ġbir ta’ dan l-iskart fil-lokalitajiet ta’ Malta u Għawdex kollha jsir kull nhar ta’ Tnejn, l-Erbgħa u l-Ġimgħa.

Is-soċjetà ċivili Għawdxija tħejji dikjarazzjoni favur l-inklussività f’Għawdex

Għaqdiet mhux governattivi f’Għawdex qegħdin jaħdmu fuq Dikjarazzjoni favur l-Inklussività għall-gruppi li jirrappreżentaw fil-gżira Għawdxija.

Rappreżentanti tal-Fondazzjoni OASI, Dar ARKA, LGBTI+ GOZO, Mental Health Association Gozo u l-‘Gozo Association for the deaf’ iltaqgħu fil-Fondazzjoni ARKA f’Għajnsielem, Għawdex biex jiffinalizzaw Dikjarazzjoni bil-miri speċifiċi tagħhom fil-qasam tal-inklussività.Aqra aktar

Jitlesta l-mudell ġeoloġiku tal-mina bejn Malta u Għawdex

Il-Gvern qed iżomm l-impenn tiegħu biex jibni konnessjoni permanenti bejn Malta u Għawdex.

Il-mudell ġeoloġiku ta’ taħt il-baħar fiż-żona ta’ interess tlesta, u matul ix-xahar li għadda kien sar seminar bil-għan li jkunu spjegati s-sejbiet minn dawn l-investigazzjonijiet.

Dawn l-istudji se jiffurmaw il-bażi għad-disinn tal-mina.

Maltin li jingħataw trattament mediku f’Għawdex se jingħataw rifużjoni tal-biljett tal-vapur

L-għajnuna finanzjarja li tingħata taħt l-iskema travel reimbursement for patients undergoing treatment cancer at Mater Dei, li tingħata lill-pazjenti Għawdxin li jiġu Malta għal trattament mediku, se tiġi riveduta billi tingħata wkoll lill-adult li jkun qed jakkumpanja lill-pazjent.

Din se tingħata wkoll lill-pazjenti Maltin li jmorru għal trattamenti f’Għawdex. Se tingħata wkoll allowance addizzjonali biex ittaffi l-piż tal-akkomodazzjoni f’Malta jew f’Għawdex skont il-każ.Aqra aktar

Titwettaq miżura oħra tal-‘budget’

Il-Ministru għat-Turizmu Konrad Mizzi u l-Ministru għal Għawdex Justyne Caruana ħabbru l-iskema Enable Tourism. Din hija skema ġdida għall-istabbilimenti turistiċi Għawdxin li permezz tagħha se jkun jista’ jsir xogħol relatat mal-aċċessbilità ta’ siti turistiċi.

Aqra aktar

Send this to a friend