Ġappun | One News

Notifiki

Il-Ġappun huwa l-akbar suq barra mill-UE għal Malta

Minkejja li hemm iktar minn 10,000 kilometru f’distanza bejn iż-żewġ pajjiżi, Malta esportat lejn il-Ġappun iktar minn kwalunkwe pajjiż ieħor barra mill-Unjoni Ewropea.

Ċifri tal-Eurostat għall-2018 juru li Malta esportat lejn il-Ġappun b’madwar €149. Dan ifisser li l-Ġappun kien l-iktar pajjiż barra mill-Unjoni Ewropea li Malta esportat lejh. Wara l-Ġappun ġew Singapor, l-Istati Uniti u Hong Kong.Aqra aktar

Vann jinstaq fuq folla nies waqt iċ-ċelebrazzjonijiet ta’ lejlet l-Ewwel tas-Sena f’Tokyo

Disa’ persuni sfaw midruba wara li vann instaq fuq folla nies fiċ-ċelebrazzjonijiet tal-ewwel tas-Sena f’Tokyo fil-Ġappun.

L-inċident seħħ fi triq Takeshita, li hi magħrufa sew mat-turisti, kif ukoll bħala ċentru kummerċjali fid-distrett ta’ Harajuku.

Fil-ħin tal-inċident it-triq kienet magħluqa għat-traffiku minħabba ċ-ċelebrazzjonijiet tal-ewwel tas-sena. Din iż-żona hija magħrufa wkoll għad-diversi visitaturi Ġappuniżi li jmorru jitolbu.

ARA: L-Aġenzija Scope tirrikonoxxi l-ħidma tal-Gvern kontra l-ħasil tal-flus

“Meta tikkunsidra li din hija ‘Rating Agency’ Ġermaniża, fejn il-midja Ġermaniża ġiet influwenzata ħafna mill-Politiċi hawn Malta u kien hemm ħafna allegazzjonijiet fil-konfront ta’ pajjiżna, din l-aġenzija tirrikonoxxi r-risposta u l-ħidma tal-Gvern kontra l-ħasil tal-flus” qal dan il-Ministru għall-Finanzi l-Professur Edward Scicluna b’reazzjoni għar-rapport tal-aġenzija ta’ kreditu Scope Ratings GmBH li għall-ewwel darba tat rating ta’ A+ u stabbli għall-pajjiżna.

Aqra aktar

Xaqq ta’ tama għal Theresa May

Ir-Renju Unit mistenni jissieħeb fit-Trans-Pacific Partnership, it-TPP, wara Brexit, skont stqarrija mill-Prim Ministru Ġappuiż Shinzō Abe. Minkejja li l-Renju Unit jitlef l-irwol bħala l-fruntiera Ewropea wara Marzu tal-2019, xorta waħda dan se jżomm is-saħħa globali tiegħu, saħaq Abe. Aqra aktar

“Daddy, hawn terremot kbir!”-Malti li esperjenza t-terremot qawwi fil-Ġappun

It-terremot li laqat il-gżira Ġappuniża ta’ Hokkaido ħasad il-ħajja ta’ madwar tmien persuni, u 40 oħra għadhom qed jiġu mfittxija mill-ħaddiema tas-salvataġġ.

It-terrmot kejjel qawwa ta’ 6.7 fuq l-Iskala Rikter, xi ħaġa mhux tas-soltu f’dawn l-inħawi tal-pajjiż.

ONE News tkellem ma’ John Busuttil, li bħalissa ibnu Damian qed jgħix Sapporo f’Hokkaido. Huwa spjega li f’dawn l-inħawi mhux soltu jkun hemm dan it-tip ta’ terremoti, u għalhekk, ir-residenti huma inkwetati ferm. Ibnu ilu madwar 14-il sena jgħix il-Ġappun, u dan huwa l-ikbar terremot li qatt ħassew.Aqra aktar

Minn kummerċ tradizzjonali sa teknoloġija tal-futur

Malta fil-Ġappun hija rappreżentata l-iktar mit-tonn Malti… sal-lum. Iżda l-laqgħat tal-Prim Ministru Joseph Muscat fil-Ġappun fetħu toroq ġodda għal negozju bejn dan il-ġgant ekonomiku dinji u Malta minn oqsma bħall-Blockchain u muniti virtwali, sa teknoloġija ġdida fil-qasam tal-enerġija mir-riħ, kif ukoll mat-tonn nistgħu nibdew nesportaw il-majjal Malti u prodotti oħra Maltin.

Aqra aktar

Bil-Filmat: Malta se tmexxi Stati Membri tal-U.E fi sħubija mal-Ġappun

Malta se tmexxi lil Stati Membri tal-Unjoni Ewropea oħra biex ikun irratifikat il-ftehim dwar Sħubija bejn l-U.E u l-Ġappun. Dan tħabbar mill-Prim Ministru Joseph Muscat waqt diskussjonijiet mal-Prim Ministru Ġappuni Shinzo Abe, li fost oħrajn tefgħu dawl fuq relazzjonijet kummerċjali u ekonomiċi bejn iż-żewġ pajjiżi.

Permezz ta’ dan il-ftehim, iktar prodotti mill-Ġappun se jkunu jistgħu jiddaħħlu fis-Suq Ewropew, u prodotti Maltin se jkunu jistgħu jidħlu fis-Suq Domestiku Ġappuniż. Fl-istess ħin, Malta u l-Ġappun iddiskutew il-possibiltà  li Malta tibda tesporta prodotti agrikoli bħal majjal u tadam.

Il-Prim Ministru Muscat innota ukoll kif l-ammont ta’ student Ġappuniżi li qed jiġu Malta biex jistudjaw l-Ingliż qiegħed jiżdied, u issa se jkollhom ukoll ċans li jsibu mpjieg f’pajjiżna. Muscat qal li huwa sodisfatt li għandu l-appoġġ tal-Prim Ministru Ġappuniż fil-ftehmiet hemm għaddejja bejn Malta u diversi korporazzjonijiet fil-Ġappun għal iktar investiment bejn iż-żewġ pajjiżi, biex, skont Muscat, il-Ġappun se jkollu sieħeb onest u b’interessi komuni f’Malta.

Min-naħa tiegħu, il-Prim Ministru Shinzo Abe qal li ż-żjara tal-Prim Ministru Malti f’pajjiżu kienet waħda ta’ suċċess li kompliet issaħħaħ ir-relazzjoni eċċellenti bejn iż-żewġ pajjiżi, u tkellem dwar il-kollaborazzjoni bejniethom rigward Il-Liġi Marittima Internazzjonali.

Send this to a friend