Football – Page 8 – One News

Notifiki

“Se niġġieldu kontra l-ġgant Gulija!”

Qabel il-logħba tant mistennija għada bejn Malta u l-Ingilterra, morna l-Belt Valletta u staqsejna lil min sibna ma min se jżommu u x’jaħsbu mil-logħba.

Kien f’San Pietruburgu li telgħu l-poloz tal-gruppi ta’ kwalifikazzjoni għat-Tazza tad-Dinja 2018. F’Malta se jsiru żewġ logħbiet, waħda għada u oħra fl-ewwel jum ta’ Settembru tas-sena d-dieħla. Malta u l-Ingilterra telgħu fi Grupp F flimkien mal-Isklovakkja, l-Iskozja, l-Islovenja u l-Litwanja.

Kif mistenni dawk li tkellimna magħhom kienu konxji li se nissieltu kontra ġganti, iżda lkoll qalu li se jżommu ma’ Malta.

Aqra aktar

“Forza Giacomo, we are with you all the way!”

“M’aħniex biss team tal-Futsal imma aħna familja. B’hekk inħossu li qiegħdin niksbu suċċess”
Kiteb dan Stuart Diacono, parti mit-team Valletta Futsal, li nhar is-Sibt li għadda żaru lil dak li ddeskrivew bħala “super kid” – iċ-ċkejken Giacomo.
“Tifel li kapaċi jtik tagħlima għal ħajtek” żied jgħid Diacono, li ltaqa’ ma’ Giacomo meta żaru Puttunu Cares. “Ma tistax ma tinnotax il-kuraġġ kbira li għandu u d-daħka li mhux ta min wieħed jinsiha”.
Ir-ritratti, li rajnihom fuq Facebook, juru l-ferħ ta’ Giacomo u ommu – evidenti li ċ-ċjekjen iħobb l-isport. “Li tara omm ferħana għax binha huwa ferħan huwa l-aqwa mument li wieħed jista’ jesperjenza” kiteb Diacono. Eżempju li nemmnu għandu jkaxkar.

Aqra aktar

Ghedin aktar ottimist issa li Lallana barra

The Sun online jikkowta lill-kowċ Malti Pietro Ghedin jgħid li Malta għandha spinta kbira wara li l-Ingilterra tilfu wieħed mill-aħjar players tagħhom. Adam Lallana huwa eskluż mill-logħoba ta’ kwalifikazzjoni għat-Tazza tad-Dinja, minħabba li weġġa’ waqt il-logħba Liverpool-Swansea li spiċċat bi skor ta’ 2-1 fil-Premier League.

Aqra aktar

Southgate jiftakar il-logħba kontra Malta … u li kienet diffiċli

 

Gareth Southgate, il-manager temporanju tat-tim Ingliż, qal li xi ħadd fakkru dan l-aħħar fil-logħba li saret l-aħħar bejn l-Ingilterra kontra Malta sittax-il sena. Waqt l-ewwel konferenza stampa bhala manager tal-Ingliżi wara li tneħħa Sam Allardyce, Southgate qal li jiftakar li l-logħba kontra Malta kienet diffiċli u allura qed jistenna li din id-darba se tkun iktar diffiċli milli jaħseb kulħadd.

Mistoqsi dwar il-formazzjoni tal-Ingilterra kontra Malta huwa qal li mhux se jagħti informazzjoni żejda lill-avversarji (f’dan il-każ Malta). Meta mistoqsi dwar jekk hux se jilgħab lil Wayne Rooney il-manager tal-Ingilterra qal li ma riedx jikkummenta iżda l-fatt li huwa captain tat-tim nazzonali huwa indikattiv u żied jgħid li Rooney huwa leader.

Aqra aktar

X’qal Sam Allardyce lil reporters taparsi negozjanti

Jingħad li Sam Allardyce qal lil sħabu li qed jibża’ li jitkeċċa wara li qed jingħad li uża r-rwol tiegħu bħala kowċ tat-tim nazzjonali Ingliż biex jipprova jieħu vantaġġ finanzjaru u jagħti parir lil negozjanti dwar kif jistgħu iduru madwar regoli ta’ trasferiment ta’ players.

Issa ħareġ filmat li allegatament jurih jagħti pariri kontroversjali lil reporters undercover tal-ġurnal Daily Telegraph, li għamlu tabirruħhom li huma negozjanti minn kumpanija fil-Lvant Nofsani.

Aqra aktar

Jikkompetu kemm se jtuna, u jgħidu li ġejjin għaxar gowls

Jidher li r-riżultat miksub mill-Iskoċċiżi f’Ta Qali, qanqal emozzjonijiet bombastiċi fost il-partitarji Ingliżi hekk kif dawn daħluha f’rashom li jridu jiskurjawlna għaxar gowls meta jilgħabu kontrina f’Londra x-xahar id-dieħel.

Dan żvelaħ il-kowċ tat-tim Nazzjonali Ingliż Sam Allardyce ma’ The Mirror. “Sfortunatament il-partitarji qed jistennew li nirbħu 10-0. Minix ċert, iżda jekk ux kapaċi niskurjaw dan l-ammont sostna Allardyce.”

Aqra aktar

President Ġdid għall-UEFA

Aleksander Ceferin huwa l-President il-ġdid tal-UEFA. L-Islovakk ta’ 48 sena irnexxielu jaqlibha lil Michael van Praag waqt il-Kungress Straordinarju f’Ateni, hekk kif ir-riżultat tal-elezzjoni kien 42 vot bi 13 rispettivament.

Ceferin li huwa Avukat, se jkun qed iservi għall-kumplament tat-terminu li suppost kellu jagħmel Michel Platini li kellu jirreżenja minn kull attività tal-football f’Diċembru li għadda, jiġifieri sas-2019.

Aqra aktar

54% tal-inċidenti fil-football relatati ma’ diskriminazzjoni razzjali

L-Organizazzjoni anti-diskriminatorja internazzjonali ‘Kick It Out’ qalet li ta’ kull ġimgħa, qed tħabbat wiċċha ma’ inċidenti ta’ mibgħeda fil-futbol. B’kollox fl-istaġun li għadda, l-organizazzjoni rċiviet 402 rapporti ta’ diskriminazzjoni, żieda minn 393 fl-istaġun ta’ bejn l-2014 u l-2015.

Minn dawn, 135 kienu waqt logħob professjonali b’122 minnhom ikollhom partitarji involuti. L-aktar żieda sinifikanti f’rapporti kkonċernaw il-media soċjali, b’194 inċidenti rrapurtati. Dan ifisser żieda ta’ 18% fil-mija.

Aqra aktar

“Ir-referee ħassar is-sabiħ tal-logħba” – Il-Viċi-President tal-MFA

Il-Viċi-President tal-Malta Football Association qal li ma jistax inaqqas mir-rabja għal dak li seħħ fil-logħba tal-bieraħ bejn Malta u l-Iskozja. Fuq facebook esprima d-diżappunt tiegħu għad-deċiżjonijiet tar-referee, kif wara kollox qed jagħmlu bosta.

“Ħallejt il-lejl jgħaddi biex forsi ttaffi ftit ir-rabja li kelli lbieraħ filgħaxija. Però qomt iktar irrabjat dalgħodu. Ma rridx ngħid li konna aħjar mill-Iskoċċiżi, iżda lanqas huma ma jistgħu jgħidu li kienu aħjar minna,” kiteb Chris Bonnet.

Aqra aktar

Send this to a friend