Football – Page 6 – One News

Notifiki

Issa tista’ ssemma’ leħnek dwar il-politika nazzjonali tal-isport

Tnieda dokument ta’ konsultazzjoni pubblika dwar il-politika nazzjonali tal-isport, mill-2017 sal-2027. Dan wara proċess li beda xhur ilu b’għexieren ta’ laqgħat m’għaqdiet sportivi u dawk kollha fis-settur
Id-dokument huwa msejjes fuq tliet pilastri: l-isport u l-edukazzjoni, il-parteċipazzjoni fl-isport u l-industrija sportiva. Kull waħda minn dawn tidħol f’punti u temi li jolqtu kull spettru fil-qasam sportiv.
Dan id-dokument għandu miftuh għall-konsultazzjoni pubblika sal-aħħar ta’ Jannar u s-Segretarju Parlamentari għall-isport Chris Agius ħeġġeġ lil dawk kollha involuti fl-isport, mhux biss professjonisti u għaqdiet sportivi imma anki l-pubbliku ġenerali, biex jgħaddu kummenti u suġġerimenti. 

Ġejjin jinvestigaw il-logħba ta’ Malta

Delegazzjoni mill-FIFA se tasal Malta din il-ġimgħa biex tmexxi ’l quddiem l-investigazzjoni tagħha u takkwista aktar informazzjoni biex tgħaddi għall-fażi li jmiss fl-investigazzjoni dwar il-logħba bejn il-Litwanja u Malta li ntlagħbet f’Ottubru li għadda.

Il-Malta Football Association qalet li qiegħda fil-massimu tagħha tappoġġja u tgħin lill-FIFA fl- investigazzjonijiet dwar imħatri mhux normali fil-partita minn Grupp F ta’ Kwalifikazzjoni tat- Tazza tad-Dinja 2018 li ntlagħbet fil-11 ta’ Ottubru. L-MFA qalet tawgura u tappoġġja lill-investigazzjoni tal-FIFA u se tkompli tassisti fl-aspett loġistiku tal-proċess li mistenni jdum għaddej għal diversi xhur.

Aqra aktar

TWISSIJA TA’ KLIEM OXXEN F’DAN L-ARTIKLU – joffendu lil referee b’ommu li ħalliet din id-dinja

Il-Malta Football Referees Association tkellmet kontra kliem dispreġjattiv u oxxen fil-konfront tar-Referee Malcolm Spiteri, u ommu li tinsab f’dinja aħjar.

L-MFRA ikkundannat minghajr ebda riservi l-kliem dispreġjattiv u oxxen li erba’ persuni kellhom fil-konfront tar-referee Malcolm Spiteri.

Saħansirta fuq Facebook semmiet dawn il-persuni, li huma l-finance manager tat-tim tal-Mosta, il-kit manager, uffiċjal tal-klabb u eks player u supporter.

Aqra aktar

Sar jaf li se jsir missier ġimgħa qabel it-traġedja – kien wieħed mill-ftit li ma mietx millewwel

Il-player Brażiljan Tiago da Rocha Vieira kien wieħed minn dawk li tilfu ħajjithom meta ġġarraf ajuplran bit-tim Chapecoense abbord.

Minkejja li kien wieħed minn dawk li ma tilifx ħajtu mallewwel, huwa miet ftit wara l-isptar.

Dan huwa l-mument meta, ġimgħa ilu biss, Tiago sar jaf li se jsir missier, permezz ta’ nota li bgħatitlu martu.

Familtu stess ippublikat dan il-mument, li tista’ ssegwi hawn isfel.

Aqra aktar

X’qalilna Michael Owen dwar il-fatt li rtira Steven Gerrard

Irtira mill-karriera tiegħu Steven Gerrard tal-Liverpool. Waqt il-programm Pjazza kienu mfakkra l-aktar mumenti memorabbli tiegħu flimkien mal-famużissimu Martin Tyler minn Sky Sports, li minn jaf kemm għajjat isem Gerrard fil-kummentajri tiegħu.

Hawn tista’ tisma’ wkoll il-kumment li bagħat Michael Owen lill-programm Pjazza.

Aqra aktar

Ara l-gowl ta’ Schembri fit-Tazza Portugiża

Għalkemm lil Boavista ma swiehomx wisq għax spiċċaw tilfu l-logħba huwa ta’ sodisfazzjoni għalina naraw lil Andre Schembri jiċċelebra dan il-gowl fit-Tazza Portugiża. Schembri skorja fis-56 minuta biex kiseb id-draw temporanju.

Aqra aktar

Ikollu jpatti talli qabbad flare f’Ta’ Qali waqt il-logħba Belt-Ħamrun

Jesmark Farrugia, żagħżugħ ta’ 18-il sena mill-Marsa tressaq il-Qorti akkużat li qabbad flare fl-istadium nazzjonali f’Ta’ Qali waqt il-partita tas-Sibt ta’ bejn il-Belt u l-Ħamrun.

Wara li għamel dan, deher jaħrab minn fejn kien, fejn saħansitra wara rreżista l-arrest tal-Pulizija.

Iż-żagħżugħ wieġeb mhux ħati għall-akkużi miġjuba kontrieh, u ngħata l-ħelsien mill-arrest fuq diversi kundizzjonijiet, fosthom garanzija personali t’għaxart’elef ewro, u li jkun id-dar bejn il-ħdax ta’ filgħaxija u l-ħamsa ta’ filgħodu.

Huwa ġie prjojbit milli jattendi kwalunkwe partita ta’ futbol oħra.

Ċans ta’ kastig għax jilbsu l-poppy!

L-assoċjazzjonijiet tal-football ta’ l-Ingilterra u l-Iskozja huma determinati li jisfidaw lill-FIFA li ma tridx li l-players jinżlu jilgħabu b’faxxa li fuqha jkun hemm stampata l-‘poppy’ meta ż-żewġ timijiet jiltaqgħu fil-11 ta’ Novembru għal-logħba tal-grupp ta’ kwalifikazzjoni tat-Tazza tad-Dinja li fih hemm ukoll Malta.
Aqra aktar

Send this to a friend