fiskali | One News

Notifiki

“Malta bi prattiċi avvanzati fil-qasam fiskali”- Uffiċjal tal-IMF

Meta mqabbla ma’ pajjiżi Ewropej oħra, Malta għandha prttiċi avvanzati ferm fil-qasam fiskali. Qal dan id-Deputat Kap tad-Dipartiment għall-Affarijiet Fiskali tal-IMF Torben Hansen, meta lbieraħ kien ippreżentat l-ewwel skrutinju dwar Malta mill-IMF.

 

Fost oħrajn, il-Fond Monterarju Internazzjonali rrikonoxxa li Malta implimentat diversi prattiċi pożittivi fejn tidħol it-trasparenza fiskali. Malta hija fost l-aktar pajjiżi Ewropej bl-akbar trasparenza tal-Finanzi Pubbliċi, b’mod partikolari għall-mod kif il-Gvern jirrapporta l-finanzi tiegħu u anke l-proċess baġitarju.

Dan ir-rapport hu riżultat ta’ missjoni li ntbagħtet f’pajjiżna f’Mejju li għada fuq talba tal-Gvern, wara diversi xnigħat tal-Oppożizzjoni dwar it-trasparenza finanzjarja ta’ pajjiżna.Aqra aktar

Surplus fiskali f’Lulju 2018

Ċifri tal-Uffiċċju Nazzjonali tal-Istatistika juru li matul Lulju li għadda il-Gvern irreġistra surplus finanzjarju ta’ kważi €25 miljun fil-Fond Konsolidat. Is-surplus jirrifletti żieda ta’ €28 miljun fid-dħul tal-Gvern waqt li n-nefqa naqset b’€10 miljun matul Lulju li għadda. Iċ-ċifri tal-NSO juru li matul l-ewwel seba’ xhur tas-sena, id-dħul mit-taxxi kien wieħed b’saħħtu u żdied b’€181 miljun.

Iċ-ċifri tal-NSO juru wkoll li fl-ewwel seba’ xhur tas-sena, in-nefqa fuq proġetti kapitali żdiedet bi kważi €23 miljun. Bl-istess mod, in-nefqa rikorrenti żdiedet ukoll, iżda ż-żieda kienet skont dak imbassar għall-perjodu ta’ bejn Jannar u Lulju li għadda. Fuq perjodu ta’ 12-il xahar, id-dejn naqas b’€193 miljun sal-aħħar tal-Lulju li għadda.

B’reazzjoni, il-Ministru għall-Finanzi Edward Scicluna qal li l-Gvern seta’ jibda t-tieni nofs tas-sena b’surplus. Qal li dan jawgura tajjeb biex il-Gvern jagħlaq is-sena b’surplus. Qal li dħul qawwi mit-taxxi huwa riżultat ta’ tkabbir b’saħħtu fis-suq tax-xogħol flimkien mal-anqas rata ta’ qgħad fl-istorja u żieda konsistenti fil-konsum privat.

Il-Professur Scicluna qal li minkejja tnaqqis qawwi ta’ €65 miljun minn għotjiet tal-Unjoni Ewropea, id-dħul totali żdied bi €98 miljun. Il-Ministeru għall-Finanzi qal li jinsab sodisfatt ukoll bit-tnaqqis konsistenti fid-dejn nazzjonali tant li l-interessi fuq id-dejn naqsu b’aktar minn €4 miljun.

 

Wara s-surplus, Moody’s ittejjeb it-tbassir ekonomiku għal Malta

Wara li ġimgħa u nofs ilu l-aġenzija Moody’s ippubblikat pubblikazzjoni fejn faħħret is-surplus miksub mill-Gvern Malti, l-esperti ta’ din l-aġenzija internazzjonali rrivedew ’il fuq it-tbassir ekonomiku għal pajjiżna.

Fi Credit Opinion ippubblikata fuq is-sit tagħha, Moody’s għolliet it-tbassir tagħha għat-tkabbir ekonomiku ta’ pajjiżna din is-sena għal 4.3%, dan meta sa Jannar li għadda kienet qed tbassar tkabbir ta’ 3.4% għall-2017.

Aqra aktar

Send this to a friend