EU – Page 4 – One News

Notifiki

“Il-banek ta’ daqs medju jiħtiġilhom trattament differenti”

L-Ewroparlamentari Alfred Sant qal lill-Kumitat Ekonomiku u Monetarju tal-Parlament Ewropew (ECON) li l-banek ta’ daqs medju mill-ekonomiji żgħar u medji tal-Ewropa ta’ isfel jixirqilhom trattament differenti mill-banek tat-Tramuntana tal-Ewropa.  Dr Sant kien qed jitkellem waqt sessjoni ta’ skambju ta’ ideat ma’ Elke Konig, il-Presidenta tas-Single Resolution Board, l-Awtoritá inkarigata milli tiżgura li banek Ewropej li jkollhom diffikultajiet finanzjarji jiġu sorveljati tajjeb.

B’reazzjoni għall-kummenti ta’ Dr Sant, Konig saħqet li huma jagħmlu minn kollox biex ma japplikawx ir-regoli bl-istess mod għal kulħadd, imma mbagħad qalet ukoll li ma tantx hemm differenza bejn banek tan-nord u dawk tas-sud u li għandhom jiġu ttrattati b’mod konsistenti skond ir-regoli tal-UE.

Aqra aktar

Sant: “naqqsu d-differenzi bejn l-Ewropa ta’ fuq u t’isfel”

L-Ewroparlamentari Alfred Sant qal lill-President tal-Grupp tal-Ewro Jeroen Dijsselbloem li l-investiment għandu jingħata spinta bil-għan li jitnaqqsu d-differenzi bejn l-ekonomiji tat-tramuntana u dawk tan-nofsinhar fiż-żona ewro.  Sant qal dan waqt skambju ta’ ideat mal-Ministru Olandiż waqt laqgħa tal-Kumitat tal-Affarijiet Monetarji u Ekonomiċi tal-Parlament Ewropew fi Brussell li ffokat fuq l-istudju tal-Kummissjoni dwar il-qagħda ekonomika għall-2017.  Dr Sant qal li f’dawn l-aħħar snin l-għan tal-UE li tnaqqas id-distakk ekonomiku bejn il-pajjiżi tas-Sud u dawk tan-Nord mhux talli ma seħħx, talli d-distakk kompla jikber.

“Fil-pajjiżi Nordiċi nosservaw surplus fil-baġits, welfare state b’saħħtu, u kważi xejn qgħad u faqar, filwaqt li fil-pajjiżi tas-Sud nosservaw defiċit u dejn eċċessivi, rati ta’ qgħad għoljin, tnaqqis fil-welfare state u rati ta’ faqar dejjem jogħlew. Id-diskrepanzi jistgħu jiġu osservati wkoll bejn il-pajjiżi membri li qegħdin fiż-żona tal-Ewro u dawk li mhumiex.” qal Sant.

Aqra aktar

Il-Parlament Ewropew jivvota biex iwaqqaf lit-Turkija milli tidħol fl-UE

Il-Parlament Ewropew ivvota biex jitwaqqfu il-pjanijiet li ilhom jiġu mħejjija biex it-Turkija tidħol fl-Unjoni Ewropea. Din id-deċiżjoni aktarx ġiet bħala rispons għar-ripressjoni t’Ankara tal-oppożizzjoni politika u l-midja indipendenti li bdiet f’Lulju wara li falla l-kolp ta’ stat.

479 Membri Parlamentari Ewropew ivvutaw favur il-mozzjoni biex jiġu emendati r-relazzjonijiiet ta’ UE-Turkija, b’37 kontra u 107 li astejnew.

Aqra aktar

L-Ewropa se ssabbat il-bieb f’wiċċ it-Turkija?

Nhar it-Tlieta li ġej membri Ewroparlamentari se jiddibattu jekk għandux ikun imwaqqaf immedjatament il-proċess ta’ tkabbir tal-Unjoni li jinkorpora ftehim mat-Turkija.

Membri fi ħdan il-Parlament se jkunu qed jivvotaw favur jew kontra riżoluzzjoni, b’ħafna jinsistu li kunċetti fundamentai bħas-saltna tad-dritt (rule of law), id-drittijiet umani, il-libertà tal-espressjoni, il-libertà fil-mezzi tax-xandir u n-nuqqas ta’ diskriminazzjoni mhumiex suġġetti li dwarhom wieħed għandu jinnegozja.

DAQSHEKK vjaġġar kif ġieb u laħaq lejn pajjiżi Ewropej fejn m’hemmx bżonn viża

L-Unjoni Ewropea żvelat pjanijiet għal sistema ġdida ta’ kontrolli ta’ sigurtà fuq vjaġġaturi li għandhom permess jidħlu l-Ewropa mingħajr viża, fi sforz biex jitwaqqfu l-estremisti.

Persuni minn sittin pajjiż fejn hemm waiver fuq il-visa, inkluż l-Istati Uniti, se jkollhom iħallsu €5 u jimlew dokumenti online. Wara, jingħataw permess jivjaġġaw lejn wieħed mis-26 pajjiż Ewropew li fihom m’hemmx bżonn visa.

Il-Kummissarju responsabbli mis-sigurtà fl-Unjoni Ewropea, Julian King, qal li billi jwaqqfu individwu li għandhom potenzjal joħolqu problemi u jżommuhom milli jersqu lejn l-Ewropa, tkun imtejjba s-sigurtà interna fi ħdan l-Unjoni.

Aqra aktar

Alfred Sant: l-għażla ta’ Trump se taffetwa Brexit

L-Ewroparlamentari Alfred Sant qal li minkejja l-iskuntentizza dejjem tinfirex fl-Ewropa, it-ton prevalenti fl-Unjoni Ewropea huwa kif l-Unjoni tiġi integrata aktar biex jiġi evitat it-tieni Brexit minħabba li dan huwa perikoluż ħafna.

“Dawk li qed jitkellmu favur Ewropa Federali għandhom jikkonsolidaw dak li nkiseb sa issa,” wissa l-Ewroparlamentari Malti Alfred Sant waqt Konferenza dwar il-Brexit, lejlet il-Presidenza ta’ Malta tal-Unjoni Ewropea.   

Aqra aktar

Il-Prim Ministru  tal-Olanda u l-Prim Ministru tas-Slovakja f’laqgħat f’Malta mal-Prim Ministru Joseph Muscat

 

Il-Prim Ministru tal-Olanda Mark Rutte u tas-Slovakja Robert Fico għada se jkunu Malta għal taħdidiet mal-Prim Ministru Joseph Muscat.

Il-laqgħat se jsiru fil-Berġa ta’ Kastilja.

Din hija l-ewwel laqgħa ta’ dak magħruf bħala t-trio tal-Presidenza tal-Kunsill tal-Unjoni Ewropea li se tkun saret f’Malta, qabel ma pajjiżna jieħu f’idejh il-Presidenza f’Jannar li ġej.

Aqra aktar

Ftehim storiku bejn l-UE u l-Kanada se jkun iffirmat għada

L-Unjoni Ewropea u l-Kanada għada jiffirmaw il-ftehim ta’ bejniethom magħruf bħala Comprehensive Economic and Trade Agreement (CETA).

Dan wara li r-reġjun Belġjan Wallonia żamm milli dan il-ftehim iseħħ. Xi ħaġa li setgħet isseħħ hekk kif il-ftehim ta’ negozju mal-Kanada kien jeħtieġ li l-istati kollha tal-Unjoni Ewropea jaqblu miegħu.

Nuqqas ta’ ftehim li kien wera d-diżuappunt għalih anke l-Prim Ministru Joseph Muscat.

Fi tweets, il-President tal-Kunsill Ewropew Donald Tusk, u l-Prim Ministru Kanadiż Justin Trudeau wrew l-ottimiżmu tagħhom li fl-aħħar se jitlaqqa’ Summit li fih mistenni jkun iffirmat dan il-ftehim.

Aqra aktar

Send this to a friend