Elezzjoni | One News

Notifiki

Trump iniedi l-kampanja tiegħu għall-Elezzjoni Presidenzjali tal-2020

Il-President Amerikan Donald Trump nieda b’mod uffiċċjali l-kampanja elettorali tiegħu għall-Presidenza tal-Istati Uniti bit-tema ‘keep this team in place’.

Huwa nieda l-kampanja tiegħu waqt rally fl-Istat Amerikan ta’ Florida, li għaliha attendew eluf ta’ partitarji Repubblikani. Hawnhekk huwa nfexx f’attakki kontra l-avversarju Demokratiċi tiegħu, li saħansitra akkużahom li pruvaw jiżirgħu il-firda fil-pajjiż.

“Inwegħdkom li mhu se niddiżappuntakom qatt”, qal Donald Trump, li f’eku tal-kampanja tiegħu għall-elezzjoni tal-2016, reġa’ wiegħed lill-elettorat li se jibqa’ jittrasforma l-Amerika f’pajjiż aħjar.

17-il Kunsillier mara tal-PL fi 23 lokalità

Fl-ewwel 23 lokalità f’Malta u Għawdex fejn ingħaddu l-voti tal-elezzjoni tal-Kunsilli Lokali, kienu eletti sbatax-il kandidata mara f’isem il-Partit Laburista. F’Birżebbuġa ġew eletti żewġ kandidati nisa: Josette Busuttil u Maria Mifsud. F’Ħal Tarxien ġiet eletta Darlene Vella Zammit.

Il-Mellieħa eleġġa żewġ kandidati nisa: Rebecca Bartolo Cutajar, u Annabelle Brincat Stellini. Għall-Qrendi kienet eletta Marion Parnis. Iż-Żejtun kienet il-lokalità li fl-ewwel jum tal-għadd, rat l-ikbar ammont ta’ nisa eletti f’isem il-Partit Laburista – erbgħa li huma s-Sindku Doris Abela, Joan Agius, Stephania Fenech u Dorcas Camilleri. Fiż-Żurrieq ġew eletti tliet kandidati nisa tal-Partit Laburista: is- Rita Grima – li hija wkoll sindku ġdida – Marisa D’Amato, u Tiffany Farrugia.Aqra aktar

Disfatta oħra għal Adrian Delia

L-Erbgħa filgħaxija l-Kap Nazzjonalista Adrian Delia kellu disfatta oħra meta bdew jingħaddu l-voti tal-kunsilli lokali, fl-ewwel 23 lokalità. Il-Partit Nazzjonalista ġab il-maġġoranza biss f’sebgħa lokalitajiet minn 23, bil-Partit Laburista jirbaħ il-maġġoranza f’sittax-il lokalità, fosthom il-Belt u San Pawl il-Baħar.

Minkejja r-riżultat diżappuntanti, Adrian Delia kellu diżappunt doppju għaliex kandidati favorit tiegħu ma rnexxilhomx jiġu eletti fil-Kunsilli Lokali. F’Ħal Balzan, Adrian Delia kien qiegħed jimbotta lil Andrè Grech, persuna qrib ħafna tiegħu u leali lejh sa minn meta beda t-tellieqa għall-Kap. Malli ġie elett Kap, Delia kien qiegħed jimbotta lil Andre Grech. Saħansittra, Grech imexxi waħda mill-fergħat fi ħdan il-Partit Nazzjonalista.Aqra aktar

Ara x’kienu l-kisbiet tal-Partit Laburista fl-ewwel għadd tal-voti tal-elezzjonijiet tal-Kunsilli Lokali

Il-Partit Laburista rebaħ il-maġġoranza f’sittax minn 23 belt u raħal li fihom sar l-ewwel għadd minn tlieta tal-voti mixħuta fl-elezzjonijiet lokali tas-Sibt li għadda. Il-Partit Laburista mhux biss żamm il-maġġoranza fil-kunsilli kollha li kellu t-tmexxija tagħhom fl-aħħar snin, iżda għamel l-istorja wara li kiseb il-maġġoranza għall-ewwel darba fil-kunsill lokali tal-Belt Kapitali, Valletta, li se jkun taħt it-tmexxija ta’ Alfred Zammit.  Il-Partit Laburista għamel kisba kbira oħra fin-naħa ta’ fuq ta’ Malta wara li rnexxielu jirbaħ lura l-kunsilli lokali ta’ San Pawl il-Baħar u għat-tieni darba fl-istorja se jmexxi l-kunsill taħt it-tmexxija Alfred Grima.  Aqra aktar

Bejn it-8.00 u d-9.30 tal-Ħadd filgħodu l-partiti jkollhom ħjiel ta’ fejn marret l-elezzjoni tal-Parlament Ewropew

Kollox jinsab lest biex il-Ħadd li ġej, mis-sala tal-għadd tal-voti fin-Naxxar, jibda l-għadd tal-voti tal-elezzjoni tal-Parlament Ewropew tas-Sibt li ġej. Din se tkun l-ewwel elezzjoni fl-istorja ta’ Malta fejn il-proċess tal-għadd tal-voti se jsir b’mod elettroniku, tant, li bejn it-8:00 u d-9:30 tal-Ħadd filgħodu, il-partiti jkollhom ħjiel ta’ fejn marret l-elezzjoni.
Aqra aktar

Ara minn fejn għandek tiġbor id-dokument tal-vot għall-elezzjonijiet li ġejjin

Votanti li huma rreġistrati Għawdex li jixtiequ jiġbru d-dokument għall-votazzjoni tagħhom minn Malta, jew votanti li huma rreġistrati Malta li jixtiequ li jiġbru d-dokument għall-votazzjoni tagħhom minn Għawdex, għandhom jagħmlu t-talba bil-miktub tagħhom malajr kemm jista’ jkun.

Fi sqtarrijja informattiva dwarn dan kollu, il-Kummissjoni Elettorali qalet li l-votanti se jkollhom ċans sas-6:00pm tat-23 ta’ Mejju li ġej biex jagħmlu dan, iżda qed tħeġġeġ lill-pubbliku biex kemm jista’ jkun jiġbir id-dokumenti mill-aktar fis, minħabba li jekk ikun hemm ċirkostanzi li m’għandhiex kontroll fuqhom, bħall-maltemp, ma jkunx possibli li d-dokument jinġieb fil-ħin legali stabbilit.Aqra aktar

Jirriżenja minn kunsillier tal-PN u ma jkellmu ħadd

10 ijiem ilu Raymond Caruana rriżenja minn kunsillier tal-Partit Nazzjonalista fiż-Żejtun u sal-lum ħadd mit-tmexxija jew mill-amministrazzjoni tal-Partit Nazzjonalista ma kellmu.

“Meta jien tfajt ir-riżenja tiegħi… mir-riżenja tiegħi ’l hawn ebda konferma li tgħidli isma’ jien irċivejt l-ittra tiegħek, għidli x’ġara,” qalilna Caruana li spjega kif mar bl-ittra personalment biex ikun ċert li waslet.

Aqra aktar

Send this to a friend