Droga | One News - Part 28

Notifiki

15-il sejba suspettuża f’Kordin din is-sena

Mill-ewwel jum ta’ din is-sena  sal-lum kien hemm 15-il każ ta’ sustanza suspettata li hi projbita u li nstabet fil-Faċilità Korrettiva ta’ Kordin, jew waqt li kienet qed tiddaħħal fil-Faċilità.

Din ħarġet minn mistoqsija parlamentari li għamel id-deputat nazzjonalista Beppe Fenech Adami lill-Ministru għall-Intern Carmelo Abela. Fit-tweġiba tiegħu l-Ministru spjega li kull każ ġie riferut lill-Pulizija għall-analiżi tas-sustanza u fejn irriżulta li din kienet droga jew sustanza pprojbita, biex il-Pulizija tieħu l-passi dixxiplinari kontrihom skont il-każ rispettiv.

14-il xahar ħabs talli traffika l-kokaina malli ħareġ

Somalu ta’ 30 sena reġa ntbagħat 14-il xahar ħabs wara li ammetta li ttraffika l-kokaina f’Paceville. Huwa ġie arrestat fis-26 ta’ Ġunju, ftit tal-ħin wara li ħareġ mill-ħabs, wara li skonta sentenza fuq serq.

Il-pulizija arrestat lis-Somalu wara li l-imġieba tiegħu qanqlet suspett. Wara tfittxija li saret fuqu nstabu tliet qratas bil-kokaina, li l-akkuzat kien se jbiegħ għal €50-il wieħed.

11 arrestati waqt l-Isle of MTV

Fi stqarrija l-Pulizija qalet li waqt il-kunċert Isle of MTV ilbieraħ ġew arrestati 11-il persuna, Maltin u barranin u li l-eta’ tagħhom tvarja minn 17 sa 40 sena.

Huma nstabu fil-pussess ta’ pjanta suspettata kannabis u raża tal-istess pjanta.

Il-persuni qed jinżammu mill-Pulizija sabiex jgħinu fl-investigazzjonijiet li għadhom għaddejjin.

Droga, arma u flus kontanti f’garaxx fl-Imsida

Ħidma mill-membri tal-iskwadra ta’ Kontra d-Droga, ilbieraħ wasslet għas-sejba ta’ iktar minn kilo sustanza suspettata raża tal-kannabis u madwar 100 gramma ta’ sustanza suspettata kannabis, flimkien ma’ arma tan-nar u madwar €20,000 fi flus kontanti, ġewwa garaxx fl-Imsida.

Aqra aktar

Żewġ sorijiet kuntenti bil-ħaxixa

Ma tiġrix kuljum li tara żewġ sorijiet ipejpu l-ħaxixa. Imma għal żewġ sorijiet fis-Central Valley ta’ California, hija ħaġa li tiġri kuljum. Dan huwa wieħed minn 20 stat li llegalizza l-użu tal-marijuana jekk tintuża għal raġunijiet mediċi.

Aqra aktar

27 persuna arrestati b’rabta ma’ droga

Ħidma mill-Iskwadra ta’ Kontra d-Droga matul il-lejl li għadda, fl-inħawi ta’ Ħ’Attard u l-Mosta wasslet għall-arrest ta’ 27 persuna oħra (4 nisa u 23 raġel) li l-età tagħhom tvarja bejn is-16 u l-40 sena.

L-arrestati huma ta’ nazzjonalita` Maltija, Ingliża, Spanjola, Ċeka u Taljana u nstabu fil-pussess ta’ droga bħall-pjanta u r-raża tal-kannabis, amfetamina u ecstasy.

L-investigazzjonijiet tal-Pulizija għadhom għaddejjin.

Kellu 4kg ta’ sustanza lesta għat-traffikar

Membri tal-iskwadra ta’ kontra d-Droga ilbieraħ wara nofsinhar arrestaw Taljan ta’ 31 sena.

Fil-pusess tar-raġel instab madwar 4kg sustanza suspettata raża tal-kannabis, lesta biex tiġi ttraffikata. Hu mistenni jitressaq il-Qorti bl-arrest fis-siegħat li ġejjin, akkużat b’assoċjazzjoni fl-importazzjoni, traffikar u pusess aggravat ta’ l-istess droga fost akkużi oħra.

 

 

Send this to a friend