Droga | One News - Part 16

Notifiki

Jinżamm arrestat fuq droga

Niġerjan ta’ disgħa u erbgħin sena nżamm arrestat wara li ammetta li kien parti minn ċirku ta’ traffikar tad-droga kokajina.

Is-sentenza fil-konfront tiegħu se tingħata aktar ‘il quddiem wara li l-Maġistrat wissih dwar l-ammissjoni tiegħu.

Iżda b’rasu baxxuta fl-iżbarra, Thomas Uchenna Onyema kkonferma l-ammissjoni tiegħu.

Aqra aktar

17-il persuna arrestati b’rabta ma’ sejba ta’ droga

Ħidma li saret mill-Pulizija tal-Iskwadra ta’ Kontra d-Droga, matul il-lejl li għadda, wasslet għall-arrest ta’ 17-il persuna ta’ nazzjonalità Maltija, Rumena, Awstraljana u Estonjana, li l-età tagħhom tvarja bejn it-18 u l-35 sena.

Dawn il-persuni ġew arrestati waqt tfittxijiet li saru f’żona rurali fl-inħawi tal-Imtarfa, wara li fil-pussess tagħhom instabu xi sustanzi illegali, allegatament kokaina, ecstasy, raża u ħaxixa tal-kannabis.  L-ammont ta’ droga misjuba jindika li x’aktarx din kienet għall-użu personali tagħhom.

Aqra aktar

Arrestat raġel wara sejba ta’ droga

 

Wara diversi ġimgħat ta’ ħidma mill-Iskwadra ta’ Kontra d-Droga, ilbieraħ, ġie arrestat raġel ta’ 35 sena, residenti Birżebbuġa wara li nstab fil-pussess ta’ 25 kapsola li kien fihom trab abjad, allegatament kokaina u kif ukoll 4 boroż oħra li wkoll kien fihom trab abjad, x’aktarx kokaina.  Flimkien, dawn jammontaw għal madwar nofs kilo droga.

Fil-pussess tal-istess raġel instabet ukoll bag sealer li tissiġilla boroż tal-plastik bħal dawk misjuba fil-pussess tiegħu u li kienu lesti sabiex jiġu traffikati.

Aqra aktar

Jibda għaddej ġuri fuq droga

Niġerjan ta’ 39 beda għaddej ġuri b’rabta ma’ traffikar tad-droga.

Chukwudi Samuel Onyeabor jinsab mixli li disa’ snin ilu assoċja ruħu ma’ Ferdinand Onovo biex jittraffikaw id-droga kokaina.

Aqra aktar

“Ma nkomplux inkissru l-vittmi ġenwini” – Owen Bonnici

Minflok kriminalizazzjoni, ċans għal riforma. Minflok titressaq il-Qorti, vittma tersaq lejn min jista’ jgħinha.

Pajjiżna tista’ tgħid daħal bla xkiel fir-riforma radikali relatata ma min jinqabad b’pussess sempliċi tad-droga. Pussess sempliċi tfisser droga għall-użu personali u mhux intenzjonata li tinbiegħ lill-ħaddieħor.

Il-Kumissarju responsabbli mit-tmexxija ta’ din is-sistema, Vicky Scicluna, qalet li sentejn ilu nbidlet mhux biss il-liġi, imma mentalità. Il-vittma titressaq quddiem tribunal, fejn xorta waħda hemm ċertu formalità bħall-Qorti. Madanakollu, hemm differenzi kruċjali. Ir-reat ma jibqax importanti, imma l-persuna ssir iċ-ċentru tal-attenzjoni.  Il-Pulizjia tkun ħadet stqarrija mingħand il-persuna, u ma tinżammx 48 siegħa.

Spjegat li fil-bidu kien hemm min ħaseb li kienu qed jillaxkaw ir-regoli fejn tidħol id-droga. Il-verità, kif anke aċċenna l-Minsitru Owen Bonniċi li mexxa l-liġi ‘l quddiem, hi li issa l-ġlieda hija kontra min jitraffika d-droga.

“Li inti tiġġieled it-traffikar tad-droga ma tagħmlux billi tkisser lill-vittmi ġenwini tad-droga” spjega l-Minsitru Bonniċi

Aqra aktar

Send this to a friend