Donald Trump – Page 11 – One News

Notifiki

Taħlita ta’ ideat dwar Trump u Brexit

Dak li seħħ fir-Renju Unit bl-għażla favur Brexit, l-għażla favur Donald Trump fl-Istati Uniti u l-populiżmu fl-Unjoni Ewropea kienu t-temi ċentrali f’dibattitu organizzat mill-Fondazzjoni Ideat.

Il-ħsibijiet kienu diversi u għalkemm l-immigrazzjoni dejjem tissemma bħala waħda mir-raġunijiet għal dawn ir-riżultati, l-akkademiku Norbert Bugeja tenna li hemm fatturi oħra. Fost oraħjn il-but taċ-ċittadin, li dejjem ikollu impatt.

Aqra aktar

Trump se joħroġ b’waħda ġdida nhar it-Tnejn jew nhar it-Tlieta

Il-President Amerikan Donald Trump qed jikkonsidra ordni eżekuttiva ġdida biex iwaqqaf ċittadini ta’ ċertu pajjiżi milli jivjaġġaw lejn l-Isttai Uniti, wara li l-ewwel attentat tiegħu falla grazzi għall-Qrati Amerikani.

Lil ġurnalisti fuq ajuplan tal-Air Force One, Trump qal li ordni ġdida aktarx tinħareġ nhar it-Tnejn jew nhar it-Tlieta. L-ordni oriġinali kienet biex nies minn seba’ pajjiżi Musulmani ma jitħallewx jidħlu l-Istati Uniti. Issa qal li l-ordni l-ġdida se tbiddel ftit li xejn, imma ma provdiex iktar dettalji.

Kundanna! Trump u l-ħwejjeġ ta’ Ivanka

Demokratiċi Amerikani kkundannaw tweet tal-President Amerikan Donald Trump, wara li ditta tal-ħwejjeġ ma baqgħatx tbiegħ affarijiet tad-ditta ta’ bintu Ivanka. Trump kiteb “Ivanka has been treated so unfairly” mid-ditta Nordstrom.

Senatur Demokratiku qal li kienet kitba mill-akttar mhux xierqa għal President, u kelliema speċjalizzati fl-etika fil-White House qalu li l-kumment kien ‘outrageous’.

Aktar kmieni dan ix-xahar, il-kumpanija Nordstrom saret il-ħames waħda li waqqfet il-ħwejjeġ ta’ Ivanka, minħabba li ma kienx hemm biżżejjed bejgħ tagħhom.  Iżda l-pass ittieħed ukol f’kuntest fejn ħafna prodotti ta’ Trump qed jiffaċċjaw boycott.

 

Trump jattakka lill-Imħallef li waqqaf l-ordni li ta hu

Il-President tal-Istati Uniti Donald Trump attakka lill-Imħallef li waqqaf l-ordni eżekuttiva tiegħu u qal li l-Amerikani għandhom iwaħħlu fil-Qrati jekk jiġri xi ħaġa.

Huwa wissa wkoll lil uffiċjali stazzjonati mal-fruntieri tal-pajjiż sabiex joqogħdu attenti għal dawk il-persuni li ġejjin mill-pajjiżi fil-lista tal-ordni eżekuttiva.

Aqra aktar

Send this to a friend