delimara – One News

Notifiki

Tnejn arrestati b’rabta ma’ serq minn karozzi f’Delimara u St. Peter’s Pool

Żewġ persuni ġew arrestati b’rabta ma’ serq minn diversi vetturi fl-inħawi ta’ Delimara u Saint Peter’s Pool.

Il-Pulizija tad-Distrett għamlet l-arresti wara diversi jiem ta’ investigazzjoni, u waqt tfittxija f’vettura li kienu qed jużaw, instabu diversi oġġetti misruqa.

L-investigazzjonijiet tal-Pulizija dwar dan il-każ għadhom għaddejjin, filwaqt li ż-żewġ persuni mistennija jittressqu l-Qorti fil-jiem li ġejjin.

Chris Portelli huwa r-raġel li tilef ħajtu wara li sofra ġrieħi meta waqa’ fl-impjant ta’ Delimara

Chris Portelli, missier ta’ żewġt tifal, huwa l-vittma li miet wara li sofra ġrieħi serji meta waqa’ madwar ħames filati minn sellum fl-impjant ta’ Delimara. L-inċident seħħ l-għada tal-Milied għall-ħabta tat-15:00 waqt li kien qed iwaħħal sistema tal-arja kundizzjonata f’parti mill-bini tal-impjant. Huwa kellu biss 45 sena.Aqra aktar

Jonqos b’mod drastiku t-tniġġis mill-power stations f’Delimara – studju indipendenti

Il-qalba għall-gass fl-imp ta’ Delimara issa ġiet iċċertifikata li kienet pass għaqli għaliex it-tnaqqis fit-tniġġis fl-arja kien enormi.

Kumpanija sussidjarja tax-Shangai Electric, D3 Power Generation wettqet studju dwar it-tnaqqis fid-dħaħen u r-riżultati li ħarġu huma impressjonanti.

Filfatt l-istudju juri iswed fuq l-abjad li saħansitra ċertu gassijiet fl-arja ġew eliminati għalkollox filwaqt li oħrajn naqsu jew bin-nofs jew b’mod drastiku ħafna.Aqra aktar

Bil-Filmat: Jitqatta’ l-aħħar metru u nofs miċ-ċumnija ta’ Delimara

B’għoli ta’ 50 sular, iċ-ċumnija f’Delimara, dik li xi darba kienet l-itwal struttura f’pajjiżna għebet darba għal dejjem hekk kif inħattet kollha bi proċess li ħa madwar sena.

Kif jixhdu l-filmati ta’ ONE News, l-inġiniera u l-ħaddiema tal-kostruzzjoni qed jagħtu l-aħħar daqqa ta’ mannara liċ-ċuminja li għal snin twal kienet ta’ deterrent għan-nofsinhar ta’ pajjiżna b’snin twal ta’ tniġġis kkawżat mil-heavy fuel oil.Aqra aktar

Jibda t-twaqqigħ tal-impjant u ċ-ċumnija tal-HFO f’Delimara

Fl-ewwel mitt jum ta dan il-Gvern bdiet titwaqqa’ ċ-ċumnija tal-powerstation ta’ Delimara. L-ogħla struttura fil-pajjiż fejn ix-xogħol tat-twaqqigħ se jieħu sa massimu ta’ sena.
Enemalta plc bdiet iżżarma l-aħħar impjant tal-heavy fuel oil fid-Delimara Power Station, kif ukoll iċ-ċumnija twila tiegħu.

Ftit tal-jiem ilu, l-kuntratturi tat-twaqqigħ tal-Kumpanija qatgħu u bdew ineħħu żewġ pajpijiet kbar li kienu jgħaqqdu l-boilers tal-heavy fuel oil ta’ dan l-impjant maċ-ċumnija. Fl-istess waqt, ħaddiema oħra bdew iżarmaw wieħed mill-istess boilers ukoll. Dan il-proġett, li mistenni jitlesta f’madwar sena, jinkludi t-twaqqigħ sħiħ taċ-ċumnija tal-konkos u l-ħadid, li tiżen kważi 9,000 tunnellata, jew madwar 6,000 karozza, kif ukoll il-boilers, it-turbini u t-tagħmir kollu ta’ dan l-impjant.Aqra aktar

Send this to a friend